Tarou ta Mak 2:12 - Nyindrou

¹² Eme iri mari anyolom ndramak nane dah suri iy eme loken, andrei nyahan tan ma iy edek iu. Eme iri mari mani iri atur labai, ma iri atudun nyara Kindrei i buku doh, “Ahi ndra bwena bwena batou ari lakou bala buku dah bwe!”

Tarou ta Mak 2:12 Iomraidhean Croise

Metiu 9:33

Eme ma Jises tikahei malawin ndra-in nane iu, ma ndramak nane bohon bwe asehek sahou ja. Eme ya iri lau mari mani iri atur labai, ma anya, “Aden! Bwena mene ari lakou buku doh basahan bolo kon tinan Isra-el bwe, handru en!”

Metiu 9:8

Eme ma, iri lau mari nane atou, ma iri anoh, ma iri atudun nyara Kindrei, tasah Kindrei badeh, edeu iri boto-on i buku doh ili tiri lau mwan ma badih.

Tarou ta Luk 7:16

Eme iri lau mari badeh, boho iri asak ma iri atudun Kindrei. Ma iri anya, “Propet tinan ndrasahan bolo taha. Eme Kindrei badeh, ndrame ta aseben iri lau tan.”

Aposel 4:21

Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

Tarou ta Jon 9:32

Taha marakon banuhun se bwe, ta ndramak ari badeh, bwidi ndramak ari, tinen atehei iy madan bwe, asak ja.

Tarou ta Jon 7:31

Arile, iri lau solo-an labai atehei budon tiri ili ta Jises. Iri suburuk i buku doh, “Buku Mesaya keme, iy kameh amekes iri lahou tinan ma kalem solo-an. Arile, iy Jises kede-eh ja, iy amekes iri lahou tinan ma kalem solo-an labai ja. Sebwe iy Jises kede-eh, iy Mesaya nadeh?”

Tarou ta Luk 17:15

Eme iy ari badu bolo oro ma ronoh nane anyolom sik lepra udu badan badeh, ndra-au. Iy eme hamon atou Jises, bohon ndra loken le hawe sekesek, ma iy atudun Kindrei.

Tarou ta Luk 5:26

Eme iri mari badeh, mani iri atur handru en, ma iri atudun nyara Kindrei. Ya boho iri asak, ma iri tiye i buku doh, “Taha na dah badeh, ndranyolom kalem randrah labai.”

Tarou ta Mak 1:27

Eme iri lau mari mani iri atur, ma iri ndremenya iri ari ari, “Saba lakou handru dah? Idah tanan ha-un ja nadeh? Sahou ta ndramak dah boto-on labai, iy tiye le badeh, malawin ndra-in anuhun bohon ma iri au.”

Metiu 15:31

Eme iri lau mwan ma badih atou iri lau boho iri bwe asehek sahou, ma iri ndruwi iri hewon asahan amwenen, ma iri lau kati iri ndra-in adek ja, ma iri lau mada iri bwe atou kon, ma iri abudon solo-an. Eme iri atudun nyara Kindrei badu Isra-el i loken.

Metiu 12:23

Iri lau mari boho iri asak, ma iri anya, “Sebwe ndramak kede-eh nadu tubu kabin Debit ale taha abe-en iy ta eme kede-eh nadeh?”

Tarou ta Mak 2:11

Eme Jises tiye i ta ndramak badan imek dah, “Jo tiye tam, ou suri ou, ou andrei nyahan tam ma ou au a kon!”