Tarou ta Mak 13:9 - Nyindrou

⁹ “Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Tarou ta Mak 13:9 Iomraidhean Croise

Tarou ta Jon 16:2

Iri kameh tikahei aha au ala manan ta asiu ta atukum tiri Juwis. Ano ma len asahan ta are lau iy idi aha amak, abudon anya, iri amekes gok doh ta atudun nyara Kindrei.

Tarou ta Mak 13:5

Eme Jises tiye i toro i buku doh, “Ado kanyolom kamwenen, ya ari ndramak sawendreyani ado, ndri-iy.

Rebelesen 2:13

Jo tanan, iri lakou ndra-in asahan kon nane aha are aliy badeh. Satan badeh, ndratondrokei iri mwan ma badih rayah badu loboho badeh, ma iy udu koyeu tan ma ndrasahan kabin handru! Bwena mene, iy ndramak Antipas badeh, iy ndramak ari ta atiye sahou tek, iy udu hawe aha, ma iy in hamon handru tiri sahou tek. Eme ma, iri lau badu loboho badeh, adai iy imek udu kon tiri lau ta Satan are aliy. Na len dah, aha baruwani budon taha udu tek bwe le. Aha badeh, a-en hamon tek kahis, ma aha batone budon doh bwe le.

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Rebelesen 1:9

Jo Jon, jo nadu tine aha lau ta Jises. Jo badu hawe aha ta bwese maha-an ma akohok sisi-in, jo udu bilisiu ta Kindrei hawe aha. Ma taha mara-ei ales are le se atadau taha ta bwese maha-an. Jo mene atiye sahou ta Kindrei, ma jo asehek ta jo amwenen badeh, atehei budon tek mara-ei in ta sahou handru ta nyala Jises. Eme ma iri lau tinan badu Rom badeh, tikahei jo, ma atehei jo ili bolo kou udu busu ari, iri aloh Patmos.

2 Tesalonaika 1:5

Ya, ta kandriyen mwasin, ale aha amekes udu bolo iri lau ndra-in ta amekes kandriyen ndra-in laleyah ewek taha, Kindrei badeh, leheya taha i buku doh: Iy badeh, seleya taha mwan ma badih badu kon munyak na le kandriyen mwasin. Aha bwese sisi-in doh, ta aseben iri lau mwan ma badih, ta Kindrei winiyan atondrok iri, ma Kindrei ale kameh winiyan atehei aha ta ala ado bolo iri lau mwan ma badih nane, iy amwenen atondrok iri.

Pilipai 1:29

Eme ya Kindrei edeu budon ma la-uh doh ewek tado: Ado kales ta budon randrah le hawe Krais, ma hawe ado kales boto-on ta bwese isi ta lahou ta Krais.

Aposel 21:11

Iy eme asahan hawe aso, ano iy andrei molowa awin ta Pol. Ma iy bawei iy le, katin hawe minen ma la-uh na aliy, ma iy tiye eme taso i buku doh, “Malawin Ndrabun nane tiye eme tek i buku doh, tama molowa awin dah kameh iu ili bolo asiu lulik ili Jerusalem. Iri Juwis badu Jerusalem kameh bawei katin ma minen i buku doh. Ma iri kameh atehei iy ili mine iri lau badu leheleh, ta iri winiyan amekes kandriyen ndra-in i tan.”

Aposel 9:16

Jo amwenen kameh leheya iy ta iri maha-an ma sisi-in, iy kameh bwese ta nyarak.”

Aposel 7:54

Eme na len iri anuhun sahou doh badeh, iri abolosen handru ma lihi iri asenyer i tan.

Tarou ta Jon 15:20

“Aha samani iri sahou mene jo ndrasehek ndrawek taha: ‘Iri lau bonyo-ou winiya basakalawi kabin tiri bwe.’ I buku iri lau adai jo, iri kameh adai aha ale; buku iri an hamon tiri leheya tek, iri kameh an hamon ta leheya taha ale.

Tarou ta Luk 9:5

Ya, i buku none ado kala, ya iri lau basekesek ta akohok ado ala asiu tiri bwe, ya buku ado anya ka-au, ado katuruhi kasu on ma ndren ta kati ado ki-iu, ma ado ka-au. Ya eme ta kalem doh iri kalomondra ta kandriyen ndra-in tiri.”

Tarou ta Mak 6:11

Ya, i buku none ado asahan rakon kon, ya iri lau badu kon doh basekesek ta akohok ado ala asiu tiri bwe, ma iri basekesek ta anuhun sahou tado bwe, ya buku ado anya ka-au, ado katuruhi kasu on ma ndren ta kati ado ki-iu, ya ado ka-au. Ya eme ta kalem doh iri kalomondra ta kandriyen ndra-in tiri.”

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Tarou ta Mak 13:8

Tasah, kon munyak tinan ari kameh amekes bahun i ta kon tinan ari, ya kabin badu kon rakon kameh amekes bahun i ta kabin badu kon rakon ja. Ma idah kameh kon ari ari kameh ndroi asahan aliy, ma son kameh asahan bolo kon. Iri lakou mari doh anya kasahan buku none sisi-in ta badih anya kato-ou nah.

2 Jon 1:8

Ya, mada aha badeh, kaleu ta aha saruwani budon taha ta lakou nane aha awoyah ta aliy. Aha kales boto-on, ma hamon kameh, aha akohok ndramas laba tinan labai ta aliy.