Taitus 3:3 - Nyindrou

³ Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

Taitus 3:3 Iomraidhean Croise

Jenesis 38:9

Arile Onan badeh tanan, i dah kameh nah kameh bala lundriyen bwe; eme i buku none len mari iy amadin udu nadu tinen kameh gwa tan iu leleya bada munyak. Ya i dah kameh basahan nah nadu nadu tinen bwe.

Jenesis 39:16

Eme badeh awin tan udu ka-un udu gwek winiya le udun eme.

Metiu 21:29

Nadun tiye tan buku doh, ‘Jo bwalek.’ Arile hamon iy tubuni budon tan ja ya iu ili ibo gok.

Tarou ta Luk 21:8

Eme Jises tiye i buku doh, “Ado kanyolom kamwenen, ya ari ndramak sawendreyani ado, ndri-iy. Iri lau solo-an kameh ame anya iri asehek sahou tek ma anya, ‘Jo dah Krais,’ ma, ‘Len ndra bakep ai, ta Kindrei eme akohok taha ame hamon.’ Arile, ado sa-en hamon toro.

Tarou ta Jon 8:34

Jises asehek sahou ili tiri ja, “Handru labai jo tiye taha, buku are lau iy amekes kandriyen ndra-in, iy badeh, ndra bonyo-ou tiri kandriyen ndra-in.

La-ukei ta Pol atorou ili tiri lau badu kon Rom 11:30

I le buku none aha lau badu leheleh mene tebelese boho Kindrei; na dah Kindrei tikisi aha. Tasah, na tebelese tiri Isra-el le mesekei aha asahan i buku badeh.

La-ukei ta Pol atorou ili tiri lau badu kon Rom 6:12

Eme ya, taha samokon karei ma lomondra ndra-in satondrok bada taha. Bada taha doh kameh imek le. Kora-on kandriyen ndra-in ariu budon tataha ma aha a-en hamon le ta seken ta bada taha.

La-ukei ta Pol atorou ili tiri lau badu kon Rom 6:17

Arile, wurah ki ta Kindrei! Tasah, na len ndra-au aha asahan bonyo-ou ta karei ma lomondra ndra-in; arile ano ja, aha anuhun sahou handru na ndrinem mari udu bolo leheya aha akohok dah.

La-ukei ta Pol atorou ili tiri lau badu kon Rom 6:22

Arile na dah, Kindrei le ndrakunoh aha ndrame len ta karei ma lomondra ndra-in, ya na dah, aha ndrasahan bonyo-ou ta Kindrei. Ya bundruwe lakou aha akohok doh kameh winiyan tiyani ou asahan mwasin handru ala akohok koham handru udu le buku doh.

La-ukei ta Pol atorou ili tiri lau badu kon Rom 6:6

Sahou doh handru, tasah taha ndratanan ta kandriyen ndra-in ta ndrine taha malen badeh, ndratahiy i bada kei tondreh hawe Krais. Eme ya, bada taha ndra-in ta karei ma lomondra ndra-in ano, ma taha winiyan bala bonyo-ou ta karei ma lomondra ndra-in ja bwe.

2 Korin 12:20

Tasah, jo inoh sese, ma jo abudon i buku doh, kora-on jo kewek ma katawei aha bala buku ndramak nane jo anya kanyolom ja bwe. Ma kora-on aha ale anya kanyolom jo bala buku ndramak nane aha anya kanyolom. Kora-on jo katou iri kandriyen solo-an doh udu ndrokowa aha. Idoh kandriyen ta tebelese sahou, ma kandriyen ta ndrinem irih i tiri lau rayah ja, ma kandriyen ta amekes lakou laleyah, buku aluhe, sondrokonya, batun boto-on, ma kandriyen ta bolowa lakou laleyah.

Galesiya 6:3

I buku none ari ndramak anya kasakau anya, iy le ai, iy le amwenen kameh wendreyani iy.

Kolosi 1:21

Aha ale ado mwasin hawe Kindrei. Arile, bwena mene aha are len labai ta Kindrei, ma aha ta bahun hawen. Tasah, budon taha mene amekes bahun i tan, ma aha amekes kandriyen ta lomondra ndra-in.

Kolosi 3:7

Bwena mene, aha ale ba-en hamon ta sahou ta Kindrei bwe, ma aha amekes iri kandriyen doh.

2 Timoti 3:13

Ma iri lau ndra-in ale kameh amekes kandriyen ndra-in mara-ei ja. Eme ma iri lau ta wasai kameh wendreya iri lau. Balik ale kameh wendreya iri lau ta wasai doh, ma kandriyen tiri kameh asahan ndra-in mara-ei ja.

2 Timoti 3:6

Tasah, rayah ado ndrokowa iri atamar iri mwasin labai, ma ala bolo asiu tiri lau, ma iri wasai iri badih budon mwasin bwe, ma iri badih kede-eh atehei budon in ta sahou tiri. Iri badih buku doh, kandriyen ndra-in tiri badeh, solo-an labai. Ma ndrine iri maha-an labai ta kandriyen iri a-en hamon ta aliy, ma aruwi iri sandroh ala ame.

Taitus 1:16

Oro anya oro tana oro Kindrei, arile kandriyen toro batiye bala buku aliy bwe. Tasah, kandriyen ndra-in toro, Kindrei sumukok, ma oro ta tebelese ma winiyan bamesekei ari kandriyen mwasin ja bwe.

Taitus 2:12

Ma ale tikisiy tan badeh, leheya budon tataha aleu ta tiye taha sala bolo kandriyen ndra-in bamwenen ta mada Kindrei bwe. Ma taha badeh, karuwani kandriyen ndra-in taha amekes ta bada taha sekesek i buku iri lau badu munyak dah amekes, ki-iu. Arile, taha katondrok bada taha kudu mwasin, ma kamekes kandriyen mwasin i buku none lau handru ta Kindrei, na len mari udu bolo munyak na bolo len dah.

Jemis 1:26

Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

1 Pita 1:14

Aha kasahan ndramak ta anuhun sahou, tasah aha ndrasahan buku nadu Kindrei. Bwena mene aha budon mwasin bwe, ma aha an hamon ta budon ndra-in. Arile, na dah, aha sa-en hamon ta budon hawe kandriyen ndra-in taha bwena mene ja ai.

Rebelesen 12:9

Eme ma oro angelo ta Kindrei akahei iy mwak laba tinan banin ere aliy hawe oro angelo tan, ame andri kon munyak. Iy mwak laba tinan banin ere aliy doh badeh, ndra bwena labai, ma nyaran badeh, “Balik” o “Satan” Ma iy ndramak ta wendreya iri lau mwan ma badih mara-ei badu kon munyak. Oro akahei iy hawe oro angelo tan ame andri kon munyak.

Rebelesen 13:14

Nyabwe ndras badeh, udu aliy, ya Kindrei badeh, alelei nyabwe munyak nane doh kamekes kalem udu mada nyabwe ndras. Ma ta kandriyen nane iy ndrawendreyani iri mwan ma badih badu kon munyak. Eme ma iy tiye iri lau i buku doh: “Aha badeh, kasihidi ari sukumada kei, konen ki buku nyabwe ndras kede-eh, ta aha katudun nyaran. Iy nyabwe ndras doh ale mene samen ari sese le kidi iy kimek, arile badi iy bamak bwe, iy udu kede-eh kahis.”

Rebelesen 18:2

Ma iy asehek sahou boto-on labai i buku doh, “Kon tinan Babilon mene udu bwele-en labai, arile nadah iy ndratohou ndra andri mara-ei! Nadah badeh, iy ndrala ndrahune iri malawin ndra-in ta balik are aliy. Iri malawin ndra-in ma hawe iri sirih ta aimon lakou bolo-an, ma hawe iri sirih ndra-in mara-ei, are loboho doh ale.