Metiu 9:8 - Nyindrou

⁸ Eme ma, iri lau mari nane atou, ma iri anoh, ma iri atudun nyara Kindrei, tasah Kindrei badeh, edeu iri boto-on i buku doh ili tiri lau mwan ma badih.

Metiu 9:8 Iomraidhean Croise

Metiu 12:23

Iri lau mari boho iri asak, ma iri anya, “Sebwe ndramak kede-eh nadu tubu kabin Debit ale taha abe-en iy ta eme kede-eh nadeh?”

Metiu 15:31

Eme iri lau mwan ma badih atou iri lau boho iri bwe asehek sahou, ma iri ndruwi iri hewon asahan amwenen, ma iri lau kati iri ndra-in adek ja, ma iri lau mada iri bwe atou kon, ma iri abudon solo-an. Eme iri atudun nyara Kindrei badu Isra-el i loken.

Metiu 28:18

Eme Jises eme mirihik toro ma tiye toro anya, “Boto-on ma lakou mari badu kandrah ma munyak badeh udu minek.

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Metiu 9:7

Ndramak nane suri iy eme loken, ma iy iu i kon.

Tarou ta Mak 2:12

Eme iri mari anyolom ndramak nane dah suri iy eme loken, andrei nyahan tan ma iy edek iu. Eme iri mari mani iri atur labai, ma iri atudun nyara Kindrei i buku doh, “Ahi ndra bwena bwena batou ari lakou bala buku dah bwe!”

Tarou ta Mak 7:37

Eme iri anuhun, ma mani iri atur. Eme iri tiye i buku doh, “Lakou mari iy amekes doh, ndra amwenen le ai. Iy mesekei ndramak ndranyen siu ma hawe bohon bwe, amwenen ja!”

Tarou ta Luk 17:15

Eme iy ari badu bolo oro ma ronoh nane anyolom sik lepra udu badan badeh, ndra-au. Iy eme hamon atou Jises, bohon ndra loken le hawe sekesek, ma iy atudun Kindrei.

Tarou ta Luk 17:18

I buku sah handru iy ndramak badu leheleh le badeh, eme hamon edeu wurah? Ya oro lau badu Isra-el ndraheh bah?”

Tarou ta Luk 18:43

Eme nawin bwe, madan amwenen ma iy anyolom kon ja. Eme ma iy atudun nyara Kindrei, ma iy in hamon ta Jises. Eme iri lau mari anyolom badeh, iri mari atudun nyara Kindrei.

Tarou ta Luk 2:20

Ano oro lau ta atondrok sipsip au ala hamon ja, ma ayah wari ta atudun Kindrei ta lakou mari oro anuhun, ma lakou mari oro anyolom, asahan i buku le angelo mene ndrasihidi toro ndra-au.

Tarou ta Luk 23:47

Eme ndramak ari tinan ta bahun anyolom lakou nane doh asahan badeh, iy atudun nyara Kindrei ma anya, “Handru labai, ndramak kede-eh, mwasin labai ta mada Kindrei.”

Tarou ta Luk 7:16

Eme iri lau mari badeh, boho iri asak ma iri atudun Kindrei. Ma iri anya, “Propet tinan ndrasahan bolo taha. Eme Kindrei badeh, ndrame ta aseben iri lau tan.”

Tarou ta Jon 15:8

Tama akohok lomadan tinan labai, ta aha ato-ou buwa kei solo-an labai. I san le doh bwidi aha asahan iri lau tek handru.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 21:20

Iri anuhun nyala lahou ta Pol mari, ano iri atudun nyara Kindrei. Ma iri tiye ta Pol i buku doh, “Nadu tine aso, ou anuhun, ou ndratanam kane lau mwan ma badih nyaran bwe badeh, iri badu Juwis ma iri ndratehei budon tiri ndrala ta Jises. Ma iri mwan ma badih doh badeh, budon tiri irih labai ta a-en hamon ta batanau ta Moses.

Aposel 4:21

Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

2 Korin 9:13

Gok aha amekes dah ta aseben iri lau mwan ma badih ta Kindrei, kameh leheya i buku doh: Aha badeh, aso-ok labai ta aseben iri lau rayah ja. Eme ma, iri kameh atudun nyara Kindrei. Tasah, iri kameh atanan aha badeh, a-en hamon le ta sahou ta Kindrei, ma atiye sahou mwasin ta Krais. Ma ale, udu bolo iri lau ta Kindrei badu Judiya akohok ndramas dah, ma iri kameh winiya atanan aha anya kadeu luk ta aseben iri rayah ale. Iri kameh atudun nyara Kindrei iu ili loken mara-ei.

Galesiya 1:24

Eme ma, iri sekesek ma atudun nyara Kindrei. Tasah, jo badeh, ndra-en hamon ta Jises.

1 Pita 2:12

Buku none iri lau tana iri Kindrei bwe, orou sahou ewek la-u aha, ma anya, “Aha lau ndra-in,” mwasin, iri baranyolom kandriyen taha mwasin aha amekes. Ma hamon kameh, iri barasehek anya, “Ehe, ahi badeh amekes budon ndra-in; arile, iri lau ta Kindrei doh badeh, amekes kandriyen mwasin.” Eme ma iri kameh adeu wurah i ta Kindrei, ta kandriyen mwasin taha nane, na len Kindrei eme hamon ta anuhun sahou tataha.