Metiu 9:5 - Nyindrou

⁵ Buku sah, san manamun ndraheh, jo kasehek anya, ‘Kandriyen ndra-in tam ndrasikine ndra-au,’ deh bwe, katiye, ‘Ou suri ou, ma ou adek’?

Metiu 9:5 Iomraidhean Croise

Metiu 9:2

Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”

Metiu 9:6

Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai, udu bwele-e munyak dah ta tiye i ta ndramak ta mani kandriyen ndra-in tan iu.” Eme ma iy tiye i ta ndramak nane badan imek, iy anya, “Ou suri ou, ma ou andrei nyahan tam ma ou au a kon!”

Tarou ta Mak 2:5

Eme Jises anyolom budon toro boto-on labai in tan, ya eme iy tiye sahou i ta ndramak nane badan imek anya, “Naduk, kandriyen tam ndra-in mari badeh, ndrasikine mara-ei ndra-au.”

Tarou ta Luk 5:20

Ya eme Jises anyolom budon toro handru, eme iy tiye i ta ndramak dah, “Kawas tek, kandriyen ndra-in tam ndrasikinei ndra-au.”

Tarou ta Luk 7:48

Ano Jises tiye i ta badih dah, “Kabwe, karei tam ndrasikinei ndra-au.”

Aposel 3:16

Eme i san ta budon handru in ta nyara Jises badeh, ndramak badan imek, ndra boto-on ja. Ehe, na budon handru in ta Jises le, ndramak badeh, ndramwenen ja. Eme na dah aha anyolom.

Aposel 9:34

Eme Pita tiye i ta Aneyas anya, “Jises Krais ndramesekei ou ndramwenen. Ou suri ou, ma ou lukumwi kin tam.” Eme, se nawin bwe, iy suri iy eme loken.