Metiu 9:2 - Nyindrou

² Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”

Metiu 9:2 Iomraidhean Croise

Metiu 14:27

Arile, suwi labai Jises aloh i toro i buku doh, “Ndrine ado kamunum! Jo, jo! Ado sanoh!”

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Metiu 6:12

Ou mani kandriyen ndra-in taso, i le buku aso mani iri kandriyen ndra-in iri amekes eme taso.

Metiu 8:10

Jises anuhun sahou doh ma manin atur, ma iy tiye ili tiri lau a-en hamon tan i buku doh, “Jo katiye tado handru, jo bandruni ari lau badu Isra-el tan budon tinan bala buku iy lau dah bwe.

Metiu 8:16

Mirihik kon anya ka beyeh, ya iri lau atiye lau solo-an nane balik udu bwele-e iri ame hawe Jises, eme ma iy asehek le sahou ili tiri malawin ndra-in, ma tikahei iri au, ma iy mesekei iri lau mari amwenen ja.

Metiu 9:22

Arile Jises tubuni iy, iy atou badih doh, ma iy anya, “Ou sabudon sandra-i, ndri-iy, naduk. Ou atehei budon tam handru in tek, ma mesekei ou asahan amwenen.” Eme na le liliy, sik tan ano, ma iy asahan amwenen.

Metiu 9:5

Buku sah, san manamun ndraheh, jo kasehek anya, ‘Kandriyen ndra-in tam ndrasikine ndra-au,’ deh bwe, katiye, ‘Ou suri ou, ma ou adek’?

Metiu 9:6

Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai, udu bwele-e munyak dah ta tiye i ta ndramak ta mani kandriyen ndra-in tan iu.” Eme ma iy tiye i ta ndramak nane badan imek, iy anya, “Ou suri ou, ma ou andrei nyahan tam ma ou au a kon!”

Tarou ta Mak 1:32

Eme na beyeh an anya ki andri badeh, iri atiye iri lau mari sik ma hawe lau malawin ndra-in udu bwele-e iri ame hawen.

Tarou ta Mak 10:49

Eme Jises udu rasi ma tiye sahou i tan i buku doh, “Ado kaluhi iy keme.” Eme ma oro luhi Batimeyus ma oro tiye sahou i tan i buku doh, “Ndrinem kamunum! Ou suri ou ma ou ame. Jises aloh ou!”

Tarou ta Mak 5:34

Eme Jises tiye i tan anya, “Nadu badih den, ou atehei budon tam handru in tek, ma mesekei ou asahan amwenen. Ou au ma ndrinem kamunum, tasah sik tam ndra-au ma ndrano mara-ei.”

Tarou ta Mak 6:50

tasah oro mari anyolom iy, ma oro anoh andra-i labai. Arile, Jises aloh i toro suwi i buku doh, “Ndrine ado kamunum! Jo, jo! Ado sanoh!”

Tarou ta Jon 16:33

Jo mene ndrasehek tado ta mondrei kudu hawe ado. Kati mondrei doh ta ado kahis hawek. Lau badu kon munyak kameh amekes iri maha-an ma tikisiy ewek tado. Arile ado kabadok! Tasah jo ndratisi boto-on ta kon munyak ndra-au ndrala bahandra katik.”

Tarou ta Jon 2:25

Tasah, iy ndranyolom ma iy ndratanan kandriyen tiri lau marakon. Iy barah ta tanan bwe, ma iy baseken ndramak asehek i tan ta kandriyen tiri lau. Iy badeh, ndratanan budon tiri marakon.

Tarou ta Jon 21:5

Jises eme aloh ili toro, “Ado kawas tek, ari ni keme!” Oro anya, “Ni bwe!”

Aposel 14:9

Eme iy atehei ndranyen i ta Pol asehek sahou. Eme Pol anyolom amwenen i tan badeh, iy anyolom budon tan handru udu aliy ta iy winiyan asahan amwenen ja.

Aposel 19:12

Eme ma nyandroh ta Pol, buku iri andrei ili hawe iri lau ta sik, eme sik tiri ano ma iri malawin ndra-in atobwak tiri.

Aposel 23:11

Udu, i ben ari ja badeh, Laban eme ales ere mirihik ta Pol, ma iy asehek sahou i tan anya, “Ou abadok ma ou sanoh, ou badeh, ndraleheyani nyarak ndrala bolo kon tinan Jerusalem, ma ou kameh winiyan amekes i buku le aliy kameh, udu kon tinan Rom ale.”

La-ukei ta Pol atorou ili tiri lau badu kon Rom 5:11

Ya lakou ari ja i buku doh: Kabin tataha Jises Krais, iy le ari bwidi ndrine taha asahan mwasin hawe Kindrei. Eme ma, ta gok tan nane doh, taha sekesek ta Kindrei handru.

Jemis 2:18

I buku ari ndramak anya, “Lau rayah badeh, tawi ihis budon handru, arile lau rayah ja badeh, amekes kandriyen mwasin. Sebwe budon ma la-uh doh i le randra.” Jo kasehek ki buku doh, “Buku none ou atehei budon tam boto-on i ta Kindrei, arile ou tanam ta amekes kandriyen mwasin bwe, ki buku sah handru jo ki tanan kandriyen ta budon tam in ta Kindrei nane? Arile, jo anya kamekes kandriyen mwasin ale, ya kandriyen mwasin doh kameh leheyani budon tek boto-on in ta Kindrei nane.”