Metiu 8:4 - Nyindrou

⁴ Ano Jises tiye i tan, “Ou sasehek sala ta ari lau, ndri-iy, arile ou ales ala hawe iri pris, leheya badam ki tiri kanyolom. Ano ou adeu lakou kili ta salom i le buku Moses mene ndrabatanau, ya eme iri kanyolom ma katanan ou badeh, ndramwenen ja.”

Metiu 8:4 Iomraidhean Croise

Metiu 10:18

Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.

Metiu 16:20

Eme Jises batanau oro lau tan boto-on labai i buku doh, “Ado sasehek nyala lakou dah sala ta ari ndramak, anya jo badeh, Krais, ndri-iy.”

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Metiu 3:15

Eme ya Jises tiye i buku doh, “Ou anyu jo ma idah kameh talu mesekei iri lakou Kindrei anya talu kamekes.” Eme ma Jon aseken.

Metiu 5:17

Jises asehek ili le i buku doh, “Ya ado sabudon sala buku doh, anya jo eme dah ta akeh batanau malen, ma iri propet au, bwe; jo eme dah ta atikah oro au bwe, jo eme dah ta amekes batanau malen abadok ma amekes sahou tiri propet ta Kindrei kabadok ma i handru.

Metiu 6:1

Jises asehek ili le i buku doh, “Ado kabudon kamwenen ta ado saleheya kandriyen mwasin tado sala mada lau ta lau kamasiye ado, ndri-iy. Ya, i buku none ado leheya kandriyen mwasin tado i mada lau ta iri kamasiye ado, ado winiyan bakohok sihine ado udu mine tama ado udu kandrah bwe.

Metiu 9:30

Se nawin bwe mada uru asak. Arile, Jises atehei sahou boto-on anya, “Ah sasehek nyala ari lau ja, ta lakou asahan ta ah dah, ndri-iy.”

Tarou ta Mak 13:9

“Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Tarou ta Mak 3:12

Eme Jises batanau iri ta iri sanyowonya iy are lau handru, ndri-iy.

Tarou ta Mak 5:43

Eme Jises tiye sahou batanau i toro lau, ta oro sala sasehek ta ari ndramak ja ndri-iy, eme iy tiye i toro, “Ado kadeu nyamon ki nan.”

Tarou ta Mak 6:11

Ya, i buku none ado asahan rakon kon, ya iri lau badu kon doh basekesek ta akohok ado ala asiu tiri bwe, ma iri basekesek ta anuhun sahou tado bwe, ya buku ado anya ka-au, ado katuruhi kasu on ma ndren ta kati ado ki-iu, ya ado ka-au. Ya eme ta kalem doh iri kalomondra ta kandriyen ndra-in tiri.”

Tarou ta Mak 7:36

Ano Jises tiye sahou batanau i toro anya, “Ado sasehek sala ta ari ndramak.” Jises tiye i toro san solo-an solo-an, arile bwai, oro asehek le ili ai.

Tarou ta Mak 8:30

Eme Jises batanau oro satiye ta ari lau ja ai, ndri-iy.

Tarou ta Mak 9:9

Eme oro are bwele-e mandrei ame andri, Jises batanau oro i buku doh, “Saba lakou ado ndratou ma ndranuhun, ado sasehek sala ta ari ndramak, ili winiya le Nadu Ndramak Awas amak ereu bolo lek tan eme loken.”

Tarou ta Luk 17:14

Eme Jises atou oro badeh, ma iy anya, “Ado kala kaleheya bada ado, kili tiri pris.” Eme ya oro adek ala, se nawin bwe ma bada oro ndramwenen ja.

Tarou ta Luk 21:13

Ma idoh kameh atehe san mwasin i tado kasehek nyala sahou tek ki toro.

Tarou ta Luk 4:41

Ma hawe iri malawin ndra-in solo-an ado la-u iri lau anyar ame len, tiye i buku doh, “Ou badeh, Nadu Kindrei.” Arile, iy tiye iri kandru-uk le, tasah iri ndratanan, iy badeh, Krais.

Tarou ta Luk 5:14

Ano Jises tiye i tan, “Ou satiye lakou dah, sala ta ari ndramak labai; arile ou ales ala hawe iri pris, leheya badam ki tiri kanyolom; ano ou adeu salom ta asun i le buku Moses mene ndrabatanau. Ya eme iri kanyolom ma katanan ou badeh, ndramwenen ja.”

Tarou ta Luk 8:56

Eme ya taman uru tinen badeh, boho uru asak, arile Jises tiye turu i buku doh: “Ah badeh, sasehek ta ari lau, ndri-iy, ta nyala lahou asahan dan, ndri-iy labai.”

Tarou ta Luk 9:21

Ma eme Jises batanau oro boto-on ta oro badeh, sasehek ta ari lau ndri-iy.

Tarou ta Jon 5:41

“Jo bwalek iri lau masiye jo.

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

Tarou ta Jon 8:50

Jo bwalek ta atudun nyarak. Ndramak ari kede-eh, iy aso-ok ta atudun nyarak, ma iy kameh ta anuhun sahou tiri lau.