Metiu 8:2 - Nyindrou

² Ya ndramak ari sik lepra udu tan eme hawen, ma iy atehei bwili ndru-un i andri, ma iy tiye i buku doh, “Laban, i buku none ou aseken ou winiyan mesekei jo kamwenen ja udu mada Kindrei.”

Metiu 8:2 Iomraidhean Croise

Metiu 10:8

Ado kala kamekes kamwenen iri lau abo sik, ma ado kamak iri lau ale ndramak, ma kamekes kamwenen iri lau sik lepra udu bada iri, ma ado katikah iri malawin ndra-in udu la-u iri lau ki-iu. Lakou ado ndrakohok dah, ado akohok laleyah, ma sihinen bwe. Ya ado ale kadeu laleyah kili tiri lau mwan ma badih. Ado sakohok luk ta gok ado amekes, ndri-iy.

Metiu 13:58

Eme iy bamekes iri lahou tinan solo-an bareu kon dah bwe, tasah iri batehei budon tiri ba-en tan handru bwe.

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Metiu 15:25

Arile iy badih nane eme mirihik ta Jises ma iy atehei bwili ndru-un i andri, ma iy anya, “Laban, jo aso-ok ou sebenei jo handru.”

Metiu 18:26

Eme ndramak ta gok nane anuhun sahou doh, iy atehei bwili ndru-un in mirihik ta kati kabin nane, ma iy tiye ta kabin nane i buku doh, ‘Ou tikisi jo, ma ou abe-en jo, idah kameh jo winiyan atehei ewek hamon iri luk mari mene jo akohok tam.’

Metiu 2:11

Oro ame asos asiu, oro atou nah dah udu hawe tinen Mariya, eme ya oro atehei bwili ndru-u oro i andri, ma atudun nadun. Ano oro aseh kohei kohoya luk toro, ma adeu gol hawe suluw ta amekes kasu-er ili manahun mwasin, ma hawe kei ta suluw aloh mer.

Metiu 20:20

Hamon ta aliy tine uru nah ma la-uh nadu Sebedi hawe nadun uru ame atou Jises. Eme iy atehei bwili ndru-un i andri ma iy anya kandremenya Jises ta lakou ari.

Metiu 26:6

Jises udu Betani udu asiu ta Saimon, iy bwena lepra udu tan.

Metiu 28:17

Ereu doh oro atou iy, ma oro atudun nyaran, arile oro ra-on badeh, budon toro i la-uh.

Metiu 28:9

I le mani tur, Jises asahan hawe uru ma iy anya, “Ndraben ta-ah.” Uru ame mirihik tan ma tawi katin ma asolom ili tan.

Metiu 4:9

Eme ma balik tiye i ta Jises i buku doh, “Jo winiyan atehei lakou mari dah ewek tam, i buku ou atehei bwili ndru-um i andri keme tek, ma atudun nyarak.”

Metiu 8:1

Jises edek udu mandrei eme andri, ya lau solo-an labai a-en hamon tan.

Metiu 8:25

Ya oro lau tan ala mete-ei iy, ma oro tiye i buku doh, “Laban, ou aseben to! Bwe kameh to katuh ai!”

Metiu 9:18

Jises asehek sahou ili toro lau ta Jon kahis le, ndramak ari tinan ta atondrok eme atehei bwili ndru-un ere mirihik ta kati Jises, ya iy tiye i buku doh, “Naduk badih ndramak na nane, arile jo aso-ok ou ame atehei le minem le ki tan, ya iy kamak ja.”

Tarou ta Luk 4:27

Ya na len propet Alaisa in ndra propet badeh, iri Isra-el solo-an badeh, sik lepra udu tiri. Ya udu bolo iri mari badeh, ndramak ari le badu Siriya, nyaran Naman badeh, Alaisa mesekei iy amwenen.”

Tarou ta Jon 9:38

Eme iy ndramak nane anya, “Laban, jo atehei budon tek ndrawek tam.” Ma iy eme aluh i andri udu mada Jises.

Aposel 10:14

Eme Pita anya, “Laban, bwe, bwe handru en! Jo badeh, baimon se ari nyamon ko-ak i buku doh bwena bwe le!”

Aposel 10:25

Eme Pita ili bolo asiu le badeh, Koniliyus asumon iy, ano iy i andri na bwili ndru-un ta sekesek iy.

1 Korin 14:25

Iri kandriyen ndra-in tan marakon nane aton mara-ei asahan eme lewan. Iy kameh atehei bwili ndru-un i andri, ma iy atudun nyara Kindrei. Iy kameh tiye i buku doh, “Handru labai, Kindrei udu hawe aha kada-ah.”

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”