Metiu 8:11 - Nyindrou

¹¹ Jo katiye tado, lau solo-an badu leheleh kameh ame, badu loboho an eme loken, ma badu loboho an i andri. Ya iri kameh akohok ndrahune iri ta manyah ta nyamon tinan hawe Abraham, ma hawe Aisik, ma hawe Jekop udu bahandra tondrok ta Kindrei.

Metiu 8:11 Iomraidhean Croise

Epesus 3:6

Ma sahou i buku doh: Na le sahou mwasin, aha mwan ma badih badu leheleh winiyan asahan rabuk le, ma aha a le se hawe ahi lau badu Isra-el. Eme ma taha marakon kameh winiyan akohok iri lakou Kindrei ndratandrakan ta edeu eme tataha mwan ma badih ahis hawe Jises Krais.

Tarou ta Luk 12:37

Idah kameh, udu mwasin toro labai, tasah mada oro badeh, bamadin bwe, na len ndramak ta kati asiu asahan. Eme ya jo katiye tado kamwenen, idah kameh, iy asini awin ta lohowan tan, ano iy tiye oro manyah ado andri ano iy bwese nyamon i noro.

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 10:45

Eme ma iri Juwis ta asan ku-i iri, atehei budon tiri in ta Jises, ado hawe Pita badeh, boho iri asak ta Malawin Ndrabun amou laleyah i tiri lau badu leheleh ale.

Metiu 24:31

Ya kurutuwe ndrah kameh anyar tinan labai, ma iy kameh suni oro angelo tan au ala kati jor ma hahuw ereu bolo munyak dah, ta atukum iri lau tan, ala budon tan udu tiri, ereu kon ranah ili taku ranah ame hawen.

Rebelesen 7:6

ma mwan ma badih ma ralou luwa (12,000) ja badu boho kamen ta Asa, iri ralou luwa (12,000) ja badu boho kamen ta Naptali, iri ralou luwa (12,000) badu boho kamen ta Manase,

2 Tesalonaika 1:5

Ya, ta kandriyen mwasin, ale aha amekes udu bolo iri lau ndra-in ta amekes kandriyen ndra-in laleyah ewek taha, Kindrei badeh, leheya taha i buku doh: Iy badeh, seleya taha mwan ma badih badu kon munyak na le kandriyen mwasin. Aha bwese sisi-in doh, ta aseben iri lau mwan ma badih, ta Kindrei winiyan atondrok iri, ma Kindrei ale kameh winiyan atehei aha ta ala ado bolo iri lau mwan ma badih nane, iy amwenen atondrok iri.

1 Korin 15:20

Arile, bala buku doh bwe. Krais ndramak, ma idoh handru, Kindrei mene mete-ei iy eme hamon eme awas ja. Iy amak ere bwena labai ta lau marakon mene ndramak bwena, i buku nyamon badu bilin uni ma bwena. Idoh ale leheya iri mwan ma badih atehei budon tiri handru in ta Krais, iri ale kameh amak ame awas ja.

1 Korin 6:9

Aha tanan bwe nadeh? Iri lau ale ta amekes iri kandriyen ndra-in doh, iri kameh winiya bala bolo tondrok ta Kindrei bwe. Aha sawendreya ndrine aha amwenen. Iri lau marakon ale amekes kandriyen ndra-in ta karei, iri lau ale asolom ili ta sukumada kei, iri lau ale amekes karei hawe iri badih tasou, iri lau ale ta amekes iri kandriyen ta bwilima udu aliy hawe iri lau rayah ja,

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Tarou ta Luk 16:22

“Ano, Lasarus imek ya iri angelo badu kandrah ame andrei iy ili manyah udu ka-u Abraham. Ano ndramak tan lakou solo-an ale imek, ya eme iri ahi iy.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Jenesis 49:10

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

Jenesis 28:14

Lundriyem oro kameh a sola i buku none kasu ndren badu munyak ma oro kameh aseker ala kum, ala lan, ma loboho an i andri. Iri lau mari badu munyak kameh jo edeu nyosowan i la-u iri tasah na ou hawe lundriyem oro.

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Jenesis 12:3

Jo kameh nyosowani are aseken ou. Arile jo kameh edeu isi i tare lau aten ou. Na ou le kameh jo kameh edeu nyosowan i lau kon rakon rakon buruwen.”

Metiu 8:10

Jises anuhun sahou doh ma manin atur, ma iy tiye ili tiri lau a-en hamon tan i buku doh, “Jo katiye tado handru, jo bandruni ari lau badu Isra-el tan budon tinan bala buku iy lau dah bwe.

Metiu 21:41

Eme oro asehek tan buku doh, “Iy kameh idi oro lau doh amak, ma iy kameh atehei bilin ili mine iri lau rayah ja kabo gok ta aliy, ya buku none buwa waen uni, iy kameh akohok ra-on ale.”