Metiu 8:10 - Nyindrou

¹⁰ Jises anuhun sahou doh ma manin atur, ma iy tiye ili tiri lau a-en hamon tan i buku doh, “Jo katiye tado handru, jo bandruni ari lau badu Isra-el tan budon tinan bala buku iy lau dah bwe.

Metiu 8:10 Iomraidhean Croise

Jenesis 43:33

Eme oro badeh manyah in hamon ta jaha toro. Kadok, ano Bwaneh, ano Silih, ano Sabak, ano Kubwe, ano So-on, i le buku doh ili taku ta iy bahan handru. Oro manyah ado bada sau ya batala oro badeh ili ta Josep. Eme badeh boho oro asak ta anyolom oro ari ari nane manyah ado andri i buku doh.

Metiu 15:28

Jises anuhun sahou doh ma iy asumon i buku doh, “Badih, budon tam boto-on labai. Saba lakou ou aso-ok kameh asahan tam, iy winiyan asahan.” Kala le don nadun badih asahan amwenen ja.

Metiu 8:11

Jo katiye tado, lau solo-an badu leheleh kameh ame, badu loboho an eme loken, ma badu loboho an i andri. Ya iri kameh akohok ndrahune iri ta manyah ta nyamon tinan hawe Abraham, ma hawe Aisik, ma hawe Jekop udu bahandra tondrok ta Kindrei.

Metiu 8:9

Tasah, jo amwenen udu bahandra boto-on ta batun tinan ta tondrok lau mari ta bahun, ma jo badeh, lau tek rinek (100) ta bahun ale ado bahandrak. I buku none jo katiye ki ta ari lau anya, ‘Ou ala,’ idah kameh iy ilih. Ya, i buku none jo katiye anya, ‘Ou ame,’ idah kameh iy eme. I buku none jo katiye ki ta ndramak ta ndrahu so-ok tek anya, ‘Ou bwidi lahou doh,’ ya idah kameh iy bwidiy.”

Tarou ta Mak 6:6

Eme Jises manin atur, tasah iri batehei budon tiri handru ba-en tan bwe. Eme ma Jises iu ili kon ari ari ta leheya iri lau.

Tarou ta Luk 5:20

Ya eme Jises anyolom budon toro handru, eme iy tiye i ta ndramak dah, “Kawas tek, kandriyen ndra-in tam ndrasikinei ndra-au.”

Tarou ta Luk 7:50

Ano Jises tiye i ta badih dah ja, “Ou au ma ou sabwerei, tasah budon tam handru le, sebenei ou.”

Tarou ta Luk 7:9

Ano Jises anuhun sahou doh, manin atur ta aliy. Eme iy tubuni batalan eme hamon, i tiri lau solo-an an hamon tan nane dah badeh, ma iy tiye anya, “Jo katiye tado kamwenen, jo bandruni ari lau badu Isra-el tan budon tinan bala buku iy lau dah bwe.”

Aposel 2:7

Eme mani iri atur labai, ya iri lomondra ma anya, “Oro lau asehek sahou kede-eh badu Galili o?