Metiu 7:7 - Nyindrou

⁷ Jises asehek ili le i buku doh, “Ado kandremenya, ya ado kameh akohok. Ado kasilah, ya ado kameh takalahei. Ado kalim kou, ya kou kameh asak tado.

Metiu 7:7 Iomraidhean Croise

Jenesis 26:32

Na len doh badeh oro lau ta lahou ta Aisik asahan, ya tiye nyalan ta gwa li mene oro a-eh. Oro anya, “Aso badeh ndrasilahei gwa.”

Metiu 18:19

Ya jo asehek ja ewek tado. Buku none ah la-uh lau badu kon munyak atehei budon ta ah i se ta ari lakou, ya ah asolom ta amekes, o, ta akohok lakou doh, mwasin tama udu kandrah winiyan atehei ewek ta-ah.

Metiu 21:22

Ya buku none ado atehei budon boto-on ma asolom, iri lakou ado asolom ta akohok, ado winiyan kuhiy.”

Metiu 6:33

Arile, ado kanyolom bwena kili ta tondrok ta Kindrei ma ta kandriyen mwasin tan, ano ya iri lakou mari doh Kindrei kameh edeu ewek tado.

Metiu 7:11

Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!

Metiu 7:8

Tasah, iy are lau ndremenya, iy kameh akohok. Iy are lau asilah, iy kameh takalahei. Ya, iy are lau alim kou, ya kou kameh asak tan.

Tarou ta Mak 11:24

Ya ta sehek ta aliy i buku doh, sasah ou ndremenya i san ta salom, ya budon tam ki-in ta aliy handru i buku ou ndrandrei, idah kameh ou andrei handru.

Tarou ta Luk 13:25

Eme ya ki buku none, ndramak ta ali asiu udu bolo asiu, ya iy kasulu-i kou kili, ya ado badeh, kare manan, kaloh anya, ‘Laban, ou sulu-i kou, aso anya kawek asiu.’ Arile ndramak ta ali asiu kameh anya, ‘Ado badu heh badeh? Jo tanan ado bwe oh!’

Tarou ta Luk 18:1

Ano Jises tiye sahou sokek ari i toro lau tan ta oro badeh, saruwani budon handru toro, ma oro saruwani kandriyen ta salom.

Tarou ta Jon 15:16

“Ado basolo-ei jo bwe, jo le amwenen andrei ado, ma jo atehei ado ala ta ato-ou buwa kei solo-an, ma sali iri kameh kudu luluwen. Eme ma buku aha asolom i ta tama, ma aha ndremenya iy in ta nyarak ta saba lakou aha aso-ok, tama winiyan atehei ewek taha.

Tarou ta Jon 15:7

“Buku aha ahis hawek ma aha tawi iri sahou tek udu ndrine aha ihis, aha winiyan ndremenya jo ta iri saba lakou aha aso-ok. Jo kameh winiyan atehei ewek taha.

Tarou ta Jon 4:10

Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

La-ukei ta Pol atorou ili tiri lau badu kon Rom 3:11

Ari ndramak badeh, tanan mwasin udu tan ja bwai, ma hawe ari ndramak batakaleh tekedek ta Kindrei bwai.

Hiburu 11:6

Ari ndramak winiyan babwidi Kindrei basekesek bwe, i buku iy batehei iri budon tan mara-ei handru bala tan bwe. Buku are lau anya kili hawe Kindrei badeh, iy katehei budon mara-ei kili tan, tasah iy Kindrei handru udu aliy, ma iy edeu ndramas ili tiri lau asilah iy handru.

Jemis 5:15

Buku aha asolom, ma atehei budon taha in ta Kindrei handru, badeh kameh, winiyan bwidi ndramak amwenen ja. Ya, buku none iy ndrataku ta kandriyen ndra-in, Laban winiyan mani kandriyen ndra-in tan doh.

1 Jon 3:22

Taha winiyan akohok iri lakou ereu tan eme, buku taha ndremenya iy, tasah taha badeh, anuhun sahou batanau tan, ma amekes iri kandriyen ta amekes iy kasekesek.