Metiu 7:5 - Nyindrou

⁵ Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

Metiu 7:5 Iomraidhean Croise

Metiu 22:18

Arile Jises ndratanan budon toro ndra-in. Eme ya, iy asehek i buku doh, “Ado lau ta wasai, buku sah handru ado anya kanone jo?

Metiu 7:3

“I buku sah handru, ou nyowonya mutahu kei udu mada nadu tinem ari ja, arile ou batona sobola kei ranah ma buruwen udu madam bwe nadeh?

Metiu 7:4

I buku sah handru, ou tiye ili ta nadu tinem ari ja i buku doh: ‘Jo kandrei mutahu kei ranah ma buruwen udu madam keme len,’ arile len mari ou batona sobola kei ranah ma buruwen udu bolo madam bwe?

Metiu 7:6

“Ou sadeu nyamon ndrabun sala na mwi. Ya ou sakeh sa-un tam sala bwena ta bou. Buku ou akeh eh, idah kameh iri bou adek ala bwele-en ma tihisiy na kati iri, ano iri bou doh kameh tubuni iri ame hamon ja ani ou, ma sekese-ei ou ale bwisik.”

Tarou ta Luk 12:56

Bale ado bwe! Ado atou kalem ere bolo kandrah ma munyak, ma tiye amwenen. Arile, buku sah ja ado winiyan batou ma baleheya bamwenen iri kalem ta len dah bwe?

Tarou ta Luk 13:15

Eme Laban tiye i tan anya, “Ado ta wasai! Sebwe ado kede-eh batalou iri oks hawe donki na len ta amunyau, ma basariye iri bala ba-un gwa bwe nadeh?

Tarou ta Luk 4:23

Ano Jises tiye i toro, “Jo tanan labai, idah kameh ado anya, ‘Ou tiye sahou mwasin ki tam le. Ou badeh, ndramak ta amekes lau oh? Ou amekes kudu kon tam mwena op!’ Ya idah kameh, ado tiye eme tek ale anya, ‘Abo, ou none amekes lahou mene ou amekes udu Kapena-um kudu kon tam amwenen dah se.’ ”

Tarou ta Luk 6:42

I buku sah handru, ou tiye ili ta nadu tinem ari ja i buku doh, ‘Nadu tine, jo kandrei mutahu kei ranah buruwen udu madam keme len,’ arile len mari ou batona sobola kei ranah buruwen udu bolo madam bwe? Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

Aposel 19:15

Arile, na len ari, iri amekes lahou toro badeh, ma malawin ndra-in tiye i toro anya, “Jises hawe Pol badeh, jo tanan uru ai, ya ado, are lau bah?”