Metiu 7:2 - Nyindrou

² I le buku san tam ou tiye kandriyen ta ndramak ari ja, ya idah kameh ou ales ala ta mada sahou ale. Tasah, Kindrei kameh seleya kandriyen tam i buku le kandriyen ou ale amekes ili tiri mwan ma badih rayah ja.

Metiu 7:2 Iomraidhean Croise

Metiu 6:14

Aha kasolom ki buku doh. Tasah, buku aha mani kandriyen ndra-in tiri mwan ma badih rayah, tama aha udu kandrah kameh winiyan mani kandriyen ndra-in taha ale.

Tarou ta Mak 4:24

Eme Jises tiye i tiri, “Ndranyem kirih ki ta sahou ou anuhun! Saba maha-an ou amekes i tiri, kameh i le buku maha-an ou akohok. Eme kameh, ou akohok maha-an solo-an labai ja i hawen.

Tarou ta Luk 6:38

Ou anyohan iri lau lakou, ya idah kameh, Kindrei anyohan ou ale. Ma hawe bundruwe lakou tam eme hamon kameh solo-an labai, ma amou i andri, ma idah kameh, bolo asiu idih na aliy. Idah kameh, ou akohok bundruwe lakou tam, eme hamon kameh in hamon ta bundruwe lakou tam mene. I buku none ou adeu lakou solo-an, idah kameh, ou akohok bundruwe lakou tam in hamon ta lakou tam solo-an. Ya i buku none lakou tam solo-an bwe, idah kameh, ou akohok bundruwe lakou tam i le buku aliy.”

2 Korin 9:6

Ya, aha kabudon kamwenen ta sahou dah: Ndramak batah nyamon sola bwe, iy kameh bakohok sali nyamon solo-an bwe. Ya, ndramak atah nyamon solo-an, iy kameh akohok sali nyamon solo-an.

Jemis 2:13

Tasah, i buku ari mwan o badih, iy batikisi iri lau rayah ja bwe, udu bada len Kindrei atehei iy ere ta mada sahou, idah kameh Kindrei winiyan batikisi iy bwe le. Arile, are mwan o badih, iy abudon iri mwan ma badih rayah ja, ma amekes kandriyen mwasin ili tiri, iy amwenen kameh winiyan eme len ta mada sahou. Tasah, kandriyen ta tikisiy badeh, udu bwele-en labai ja, ta kandriyen ta adeu maha-an i la-u ndramak.

Rebelesen 18:6

Aha badeh, kabwetenei iri kandriyen mara-ei iy badih ta karei amekes ili tiri rayah nane op, ano aha baramekes barala tan ai. Iy badeh, amekes kandriyen rayah ja ili le bwele-e bwena, ma bwidiy ili solo-an labai. Eme ma aha kamekes kili tan ma sola, ki-in hamon le tiri kandriyen mara-ei, iy nane amekes. Iy badeh, ale tubuni gwa lolo-ou i bolo bwesam. Ya, aha ale katubuni gwa lolo-ou kili ndra-in labai ja ma solo-an kili tan.