Metiu 6:9 - Nyindrou

⁹ Ya idah san ta salom ado ka-en hamon ta aliy: Tama aso, ou ado kandrah. Nyaram badeh, ki ndrabun.

Metiu 6:9 Iomraidhean Croise

Rebelesen 4:11

“Laban, ou Kindrei tahi. Ou mwasin labai ma ou are loken, loken labai, ta iri mwan ma badih kasekesek ou, ma katudun nyaram, ma kado bahandra boto-on tam le ari. Tasah, ou amekes lakou marakon. Na budon tam le amwenen, ou bwidi iri, eme nadah, iri lakou marakon doh udu kede-eh.”

La-ukei ta Pol atorou ili tiri lau badu kon Rom 8:15

Eme ya, aha bakohok Malawin Ndrabun ta nohowa aha bwe, arile, na Malawin Ndrabun le idih udu bolo oda aha mesekei aha asahan nadu Kindrei handru. Ma na iy le, taha aloh Kindrei anya, “Tama, tama.”

Galesiya 4:6

Eme ma Kindrei suni Malawin Mwasin ta nadun Jises eme udu ndrine taha ari ari, tasah taha ndrasahan nadun. Eme ma iy bwidi taha aloh i ta Kindrei i buku doh, “Tama, tama.”

Rebelesen 5:12

Iri badeh, ayah wari boto-on labai, ma boho iri iu ili loken mara-ei i buku doh: “Iy ndramak kede-eh badeh, Nadu Sipsip ta Kindrei, iri lau mene adai iy imek. Iy winiyan ta akohok nyaran i tinan, iri lakou mwasin ma tanan mwasin, ma hawe boto-on mara-ei. Iy winiyan handru, lau mara-ei katudun nyaran. Kadeu sekesek ma wurah kili le tan.”

Metiu 7:11

Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!

Metiu 26:29

Jo asehek tado, jo kameh winiyan ba-un ndraye buwa waen dah hawe ado ja bwe, winiya le len jo kameh a-un ja i san ha-un hawe ado udu bolo tondrok ta tama amwenen.”

Metiu 23:9

Ya ereu kon munyak dah ado saloh ari ndramak tama ado, ndri-iy. Ndramak ari le tama aha, ya iy udu kandrah.

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Tarou ta Luk 15:18

Jo ki-iu ki hamon hawe tama, ya jo katiye tan ki buku doh: Jo badeh, amekes kandriyen ndra-in i ta Kindrei ma i tam.

1 Pita 1:17

Taha aloh Kindrei badeh, tama taha, buku taha asolom i tan. Iy badeh, ndramak ta ereu bwena ta anuhun sahou, ma iy kameh edeu sihine taha lau mari, amwenen le ta gok nane taha amekes. Ma iy badeh, babudon ou saba lau handru, ma iy kameh winiyan batobolowe budon tan bala bame, bwe. Iy badeh, anuhun sahou tataha mari na kati budon tan ari le. Budon tan badeh, mwasin labai. Eme ma, len mari taha areu kon munyak dah, taha kabeleben Kindrei kamwenen handru.

1 Timoti 6:16

Ya iy le ari badeh, ta udu le buku doh, ma iy badeh, manyah udu lomadan labai, winiya ari lau winiyan bala mirihik tan bwe. Udu ndra bwena, eme taku dah, ari lau banyolom iy bwe, ma ari ndramak winiyan batou iy bwe le. Eme ya masiye ma tudun ki tan hawe boto-on ki tan, tasah iy badeh, winiyan ta ano bwe, ma iy badeh, ta udu le buku doh. Handru!”

Tarou ta Luk 15:21

“Ano nadun tiye i tan anya, ‘Tama jo badeh, amekes kandriyen ndra-in i ta Kindrei ma i tam. Jo badeh, mwasin ta asahan nadum ja bwai.’

Tarou ta Luk 2:14

“Lomadan ki ta Kindrei, udu loken labai bwele-e kandrah, Ma mondrei udu bwele-e munyak i toro are iy aseken oro labai, ado mwasin ta madan.”

Metiu 6:14

Aha kasolom ki buku doh. Tasah, buku aha mani kandriyen ndra-in tiri mwan ma badih rayah, tama aha udu kandrah kameh winiyan mani kandriyen ndra-in taha ale.

Metiu 6:6

Arile, ado anya kasolom, ado kala bolo asiu tado, ya ado kasulu-i kou kili, ma ado kasolom kili ta tama ado, iri lau winiyan batou iy bwe. Ano ya, tama ado udu kandrah ndratou ado amekes lakou i san kabwak, ma idah kameh iy edeu sihine ado.

Metiu 5:48

Ou ado le mwasin handru i le buku tamam udu kandrah udu le mwasin handru.”

Galesiya 1:1

Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

Tarou ta Jon 20:17

Jises anya, “Minem same badak o! Tasah, jo bala loken hawe tama bwe le. Arile ou ala tiye oro lau tek, ou tiye toro, ‘Jo kameh ilih loken hawe tama, iy tama ado. Jo ili hawe Kindrei tek ma Kindrei tado ale.’ ”

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

La-ukei ta Pol atorou ili tiri lau badu kon Rom 1:7

Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

Metiu 10:29

“Ado tana ado, iri lau asih sirih nadu bwisik ma la-uh na luk bororoh le, neh? Arile, tama ado badeh, atondrok uru sirih doh udu mwasin labai. Ari winiyan bamak bwe buku none tama ado baso-ok ta iy imek bwe.