Metiu 6:1 - Nyindrou

¹ Jises asehek ili le i buku doh, “Ado kabudon kamwenen ta ado saleheya kandriyen mwasin tado sala mada lau ta lau kamasiye ado, ndri-iy. Ya, i buku none ado leheya kandriyen mwasin tado i mada lau ta iri kamasiye ado, ado winiyan bakohok sihine ado udu mine tama ado udu kandrah bwe.

Metiu 6:1 Iomraidhean Croise

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 16:6

Eme Jises tiye toro i buku doh, “Ado kanyolom kamwenen. Mada ado kaleu ta yis tiri Parasi hawe Sadusi.”

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Metiu 23:5

“Iri lakou mari oro amekes doh, ta amekes iri lau katou. Oro asin nyeh ndra tinan ta asolom ereu mine oro ma bwili oro, ma oro aseu malou lawe-en ereu kiri awin toro.

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Metiu 5:46

Ya, i buku ou aseken iri lau le nane aso-ok ou, ya bundruwe lakou tam doh, eme hamon kameh i buku sah bah? Ya iri lau ta kolowa luk ta takis amekes i le buku aliy.

Metiu 5:48

Ou ado le mwasin handru i le buku tamam udu kandrah udu le mwasin handru.”

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Metiu 6:9

Ya idah san ta salom ado ka-en hamon ta aliy: Tama aso, ou ado kandrah. Nyaram badeh, ki ndrabun.

Tarou ta Mak 8:15

Eme Jises anya, “Mada ado kaleu ta yis tiri Parasi ma ta Herot.”

Tarou ta Luk 11:35

Eme ya mada ado kaleu ta sun udu bolo ado badeh, samak.

Tarou ta Luk 12:1

Udu, iri lau solo-an solo-an labai, ari ndramak winiyan bandromwei bwe, iri ame atukum ta anya kanuhun Jises. Eme ma kon aso mara-ei, ma rayah adek bwele-e rayah. Tasah, kon ari soson bwe. Ya eme Jises asehek sahou ma mwena i toro lau tan anya, “Mada ado badeh, kaleu ta yis tiri Parasi. Kandriyen ta wasai tiri doh badeh, i buku yis; sese le winiyan ta edeu ili bolo jabi ramen buruwen kolek.

Tarou ta Luk 12:15

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

Tarou ta Luk 16:15

Eme Jises tiye i toro anya, “Ado le baden adeh, anya, ado mwasin ta mada lau adeh, arile bwe, Kindrei badeh, tanan ndrine ado. Tasah, sasah lau atou ta mada iri, anya idoh aliy le ai; arile bwe! Ta mada Kindrei anyolom badeh, lakou ndra-in laleyah.”

Tarou ta Jon 12:43

Iri babudon ta iri lakou nane Kindrei aso-ok bwe, iri badeh, aso-ok iri lau ta atudun nyara iri le.

Tarou ta Jon 5:44

Aha marakon kede-eh, aha winiyan batehei budon taha bame tek bwe. Winiyan bwe en! Tasah, aha abudon boto-on labai ta akohok ndramas tiri lau taha amwenen. Eme ma aha baso-ok ta akohok ndramas nane Kindrei le ari edeu, bwe.

Aposel 3:12

Eme Pita anyolom badeh, iy tiye i toro anya, “Aha lau badu Isra-el, mani aha atur ta sasah? Aha anyolom aru boto-on tasah handru? Budon taha kede-eh anya, boto-on mari badeh udu taru, tasah aru mwasin mara-ei ta mada Kindrei, ma aru bwidi iy ndramak kede-eh edek ja. Arile bwe.

Galesiya 6:12

Iri lau doh badeh, abadok labai ta asan ku-i aha, iri kameh amekes i buku doh, tasah iri aso-ok nyara iri kasahan ki tinan ta ndranye iri, ma mada iri lau rayah ja. Iri ale badeh, anoh ma abudon i buku doh, “Kora-on iri lau rayah ja katanan, buku to badeh, atehei budon tato mara-ei in ta kei tondreh ta Krais, ma kora-on iri anya kamekes ndra-in keme tato.”

Hiburu 11:26

Moses atehei budon tan i buku doh: Buku iy andrei bwilima ta nyara Mesaya, idoh le kameh udu bwele-en labai ja ta sowa iri lakou marakon badu Ijip. Tasah, iy abudon boto-on labai ta sihinen mwasin kameh Kindrei edeu, eme iy anya kales boto-on kudu le buku doh.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

2 Jon 1:8

Ya, mada aha badeh, kaleu ta aha saruwani budon taha ta lakou nane aha awoyah ta aliy. Aha kales boto-on, ma hamon kameh, aha akohok ndramas laba tinan labai ta aliy.