Metiu 5:7 - Nyindrou

⁷ “Sekesek handru i toro lau ala abadok ta amekes kandriyen ta tikisi lau, ya idah kameh tikisiy ta Kindrei tinan ili bwele-e oro.

Metiu 5:7 Iomraidhean Croise

Tarou ta Mak 11:25

Ya i buku none ou are ales ta salom badeh, ou badeh, balem kamani saba lomondra ndra-in ta bada are lau, ya idah kameh ou ale tamam Kindrei udu kandrah kameh sikine lomondra ndra-in tam iu.” [

Tarou ta Luk 6:35

Ndri-iy labai! Ou badeh, aseken iri lau ta amekes bahun i badam, ma ou amekes mwasin i tiri; ya buku ou adeu lakou, ou sabudon ta bundruwen. Badeh, ou kameh akohok ndramas mwasin labai, ma idah kameh ou asahan nadu Kindrei handru badu loken. Tasah, iy badeh, amekes mwasin i bada iri ta adeu wurah bwe, hawe lau ta kandriyen ndra-in ale.

La-ukei ta Pol atorou ili tiri lau badu kon Rom 11:30

I le buku none aha lau badu leheleh mene tebelese boho Kindrei; na dah Kindrei tikisi aha. Tasah, na tebelese tiri Isra-el le mesekei aha asahan i buku badeh.

1 Korin 7:25

Aha mene atorou la-ukei ramen eme tek ta ndremenya jo ta nyala iri lau batasou bwe. Arile, jo bala tanan ta ari batanau Laban asehek ta nyala aliy bwe. Eme ma jo anya kasehek taha ta saba lakou udu budon tek. Jo ndratanan aha kameh winiya anuhun jo, tasah Laban tikisi jo, iy eme atehei jo asahan ndramak ta tiye sahou handru le.

2 Korin 4:1

Kindrei mwasin, ma iy tikisi ahi, ma iy mene atehei gok ta atiye sahou mwasin dah eme tahi. Eme ma, ahi bawoyah ta amekes gok dah bwe.

Epesus 4:32

Aha kamekes kandriyen mwasin kili tiri lau rayah, ma ndrine aha kamunum kili tiri. Aha kamani kandriyen ndra-in tiri, i buku le Kindrei mani taha in ta bwele-e nyara Krais.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

1 Timoti 1:13

Jo mene bobose nyaran, ma jo mene idi iri lau tan, ma jo badeh, ndramak ta tebelese i badan. Badeh mene, tasah jo batehei budon handru bala tan bwe, ma jo bala tanan iy bala mwasin bwe. Arile, iy tikisi jo labai.

1 Timoti 1:16

Ta katin doh, Kindrei tikisi jo, ta Krais Jises baruwani jo bwe, eme ya iy kaleheya iy mari udu bolok, tasah jo ndramak ndra-in labai ta lau mari. Ya jo badeh, i buku none ndramak ma mwena handru ta amekes kandriyen ndra-in. Ya, i buku none iri lau ado hamon kame kanyolom, ya eme iri katehei budon tiri handru badeh, ki ta Jises, ma iri kakohok koha iri mwasin, ta bano bwe, ta kudu le buku doh.

Hiburu 4:16

Taha sanoh ta ala mirihik ta koyeu ta Kindrei, iy ndrinen mwasin ma iy ta tikisiy. Iy winiyan aseben taha, buku maha-an tataha tinan labai, ndrinen mwasin ma tikisiy tan kameh winiyan sebenei taha.

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

Jemis 2:13

Tasah, i buku ari mwan o badih, iy batikisi iri lau rayah ja bwe, udu bada len Kindrei atehei iy ere ta mada sahou, idah kameh Kindrei winiyan batikisi iy bwe le. Arile, are mwan o badih, iy abudon iri mwan ma badih rayah ja, ma amekes kandriyen mwasin ili tiri, iy amwenen kameh winiyan eme len ta mada sahou. Tasah, kandriyen ta tikisiy badeh, udu bwele-en labai ja, ta kandriyen ta adeu maha-an i la-u ndramak.

Jemis 3:17

Arile, iri tanan ma lakou mara-ei mwasin taha akohok badeh, udu kandrah eme leheya taha kamekes kandriyen mwasin ki buku doh: Taha kasahan ha-un, ma taha kamekes mwasin ki ta nadu tine taha iri rayah ja, taha kanuhun sahou tiri mwan ma badih rayah ja, taha katikisiy lau rayah ja, taha kamekes mwasin ki tiri, ma taha badeh, sawasai.

1 Pita 2:10

Bwena aha nyara aha bwe, arile idah aha ndrasahan lau handru ta Kindrei. Bwena mene aha ba-en baha tondrok ma tikisiy tan bwe, arile idah aha ndrame bahandra tondrok ma tikisiy tan.