Metiu 5:6 - Nyindrou

⁶ “Sekesek handru i toro lau ala abadok ta asilah budon mwasin ma hawe manyah mwasin ta Kindrei i buku oro ameson ta nyamon ma i buku bale oro amar ta gwa ta a-un, ya idah kameh oro adih handru.

Metiu 5:6 Iomraidhean Croise

Tarou ta Luk 1:53

Iy nyohonei iri lau ta son na lakou mwasin; ma tikahei iri lau, tiri lakou solo-an au, na luka lim ma na luka kati.

Tarou ta Luk 6:21

Ou are lau, ou ameson badeh, na dah, ou sekesek. Idah kameh, ou adih handru. Ou are lau ou taya na dah, idah kameh, ou sekesek.

Tarou ta Luk 6:25

Ya ado lau bameson bwe kede-eh, mada ado kaleu! Sisi-in tinan labai kameh ewek bwele-e ado, tasah ado kameh akohok andra-i labai ta son. Ya ado lau ta abasa kede-eh, mada ado kaleu! Sisi-in tinan labai kameh ewek bwele-e ado, tasah idah kameh ado aden ma taya.

Tarou ta Jon 4:14

Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.”

Tarou ta Jon 6:27

Aha sabo gok ta nyamon ale kameh andra-i, ano abola. Aha kabo gok ta nyamon udu luluwen ma udu mwasin, ma nyamon kameh edeu kohan handru ewek taha ma ta udu le buku doh. Nadu Ndramak Awas kameh edeu naha nyamon doh. Taman Kindrei suni nadun eme, ma iy atehei boto-on i tan ta atondrok iri lakou marakon.”

Tarou ta Jon 7:37

Mirihik ta len tinan tiri Juwis ta nyamon tinan tiri anya kano. Jises eme suri iy ere loken, ma iy asehek sahou i tinan i buku doh, “Buku are lau balen asamar, iy keme hawek ka-un gwa.

Rebelesen 7:16

Eme ma iri marakon kameh winiyan bameson ma bale iri winiyan bamar ta gwa ja bwai. Ma an kameh winiyan basulumwi bada iri ja bwai. Iri kameh ado mwasin labai mara-ei!