Metiu 5:3 - Nyindrou

³ “Sekesek handru i toro lau ala ado ndra-in ta budon ma hawe manyah toro, idah kameh Kindrei atondrok oro ma oro kameh akohok iri lakou mwasin tan.

Metiu 5:3 Iomraidhean Croise

Metiu 11:25

Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.

Metiu 11:6

Eme ya, sekesek ki toro lau heh le nane bataku ta budon toro bwe, tasah ta jo le.”

Metiu 13:16

Arile ado kasekesek le ka-en. Tasah, mada ado anyolom iri lakou, ma ndranye ado aleu ale ta anuhun sahou tek.

Metiu 19:14

Arile Jises tiye toro lau tan i buku doh, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.”

Metiu 24:46

Sekesek handru in bwele-e ndramak doh, buku none tinan tan eme takalahi iy amekes gok tan mwasin.

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 8:11

Jo katiye tado, lau solo-an badu leheleh kameh ame, badu loboho an eme loken, ma badu loboho an i andri. Ya iri kameh akohok ndrahune iri ta manyah ta nyamon tinan hawe Abraham, ma hawe Aisik, ma hawe Jekop udu bahandra tondrok ta Kindrei.

Tarou ta Mak 10:14

Eme Jises seleyaniy, ma iy ibolosen i toro lau tan, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.

Tarou ta Luk 11:28

Arile, Jises tiye ja i buku doh, “Sekesek badeh, ki toro are lau anuhun sahou ta Kindrei, ma an hamon ta aliy.”

Tarou ta Luk 18:14

“Jo katiye tado kamwenen, iy Parasi, bwai, arile ndramak ta akohok luk ta takis dah kameh iu i hamon i asiu tan, ma iy kameh udu mwasin ta mada Kindrei. Eme ya i buku none, are lau atudun iy le, idah kameh, iy ari nyaran bwe, ya i buku none are lau batudun iy bwe, idah kameh nyaran i tinan.”

Tarou ta Luk 22:29

I buku none tama le edeu boto-on dah, eme tek ta atondrok, ya na dah jo kameh edeu ewek tado atondrok i le buku aliy.

Tarou ta Luk 22:30

Eme ya ado kameh aimon nyamon, ma a-un gwa ado bolo tondrok tek, ma ado kameh manyah ado koyeu hawek anuhun sahou toro boho kamen ma ronoh la-uh badu Isra-el.

Tarou ta Luk 4:18

“Malawin Ndrabun ta Laban badeh, udu bwele-ek, Tasah, iy suni jo ta atiye sahou ki tiri lau lakou bwe. Iy suni jo ta tiye sahou ki tiri lau are bolo kou kame len, Ma kamekes iri lau mada iri kaseu, kanyolom ja; Ma ta talou malou tiri lau, ado ndra-in handru ka-au.

Tarou ta Jon 20:29

Ano Jises tiye ta Tomas, “Ou ndratehei budon tam ndrame tek, tasah ou ndranyolom jo amwenen. Iri lau banyolom jo bwe, arile iri atehei budon tiri eme tek, eme ma sekesek tiri kameh udu bwele-en labai.”

Jemis 1:10

Arile, iri lau nadu batun, iri badeh, sasekesek le ta aliy. Iri kasekesek ale, buku Kindrei karuwani iri lakou mari nane, iri tawiy udu mine iri ki-iu mara-ei. Tasah, iri kameh amak buku kanyeu awa-is na beyeh; luk nane doh winiyan basebenei oro na bolo len doh bwe.

Jemis 1:12

Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Jemis 2:5

Aha nadu tine mwan ma badih, aha kanuhun. Kindrei badeh, ndralebelei iri lau, tiri lakou bwe badu kon munyak badeh, ta iri kameh are mwasin labai ta budon handru in ta Kindrei. I buku le Kindrei bwena mene ndratandrakan i buku doh, iri mwan ma badih doh atehei budon tiri in tan handru ma aseken iy labai, iy kameh bwidi iri asahan lau tan, ma iy atondrok iri.

Rebelesen 19:9

Ano angelo eme asehek tek i buku doh, “Ou torowenei ki buku doh: Are lau, iri aloh iri ta ala ta nyamon tinan ta tasou ta Nadu Sipsip, nyosowa Kindrei udu la-u iri ma iri mara-ei badeh, kasekesek!” Angelo eme asehek ja, “Iri sahou dah badeh, sahou handru ta Kindrei.”

Rebelesen 22:14

“Iri mwan ma badih ale sikine awin tiri asahan belen mara-ei, badeh, nyosowan ta Kindrei udu la-u iri, ma iri winiyan sekesek handru, ma iri kameh winiyan aimon buwa kei, badu ta kei kohan handru udu aliy, ma iri ale winiyan adek ala madasan ta ili bolo kon tinan.

Rebelesen 3:17

Tasah, aha badeh, asehek i buku doh, “Luk tahi badeh, solo-an labai, ma lakou rayah ja badeh, tahi mara-ei udu aliy. Ahi bandriliu ta ari lakou ja bwai.” Arile, bwe. Aha badeh, bateu lakou ta Kindrei handru nane ta aseben aha ja bwai. Eme ma manyah taha udu ndra-in mara-ei, winiya le iri lau baratikisi aha. Aha badeh, ndra buku iri lau, tiri ari lakou bwe, ma aha ndra buku iri lau, mada iri ndrakaseu, ma aha ndra buku iri lau, iri ari awin ta tubuloh bada iri bwe. Ma aha le amwenen kede-eh winiya bala tanan, aha are buku sah handru ta budon ta Kindrei!