Metiu 4:11 - Nyindrou

¹¹ Ano ya balik ruwani iy udu, ma iy iu, eme iri angelo ta Kindrei ame bwese-ei Jises ma aseben iy.

Metiu 4:11 Iomraidhean Croise

Metiu 26:53

Sebwe ou tanam bwe nadeh? Jo winiyan ndremenya tama, ya iy winiyan suni iri angelo solo-an labai, kane iri sakalawi iri lau ta bahun badu kon munyak tinan ma ronoh la-uh, tukumwi i le se.

Metiu 4:6

Ano balik tiye i tan i buku doh, “Ou anya ou Nadu Kindrei handru eh, ou akahei ou ado dah ala andri. Tasah i buku ndratorowenei, ‘Kindrei kameh edeu sahou batanau ili tiri angelo tan ame ta aseben ou. Ma idah kameh, iri bwese-ei ou, ma bek winiyan batahi katim bwe.’ ” Wari 91:11-12

Tarou ta Mak 1:13

Eme Jises udu gwek winiya len ma hanoh (40) hawe iri katin haka, eme Satan none iy kataku, arile iri angelo ta Kindrei badu loken ame bwese-ei Jises ma aseben iy.

Tarou ta Luk 22:43

Eme angelo ari badu kandrah eme edeu boto-on i tan. Eme ya Jises atona maha-an laba tinan labai, ma iy asolom irih le gwek; ma sa-ar tan atekeu i buku none ndra i andri bada munyak.]

Tarou ta Luk 22:53

Jo badeh, udu hawe ado na len mari udu asiu tinan ta Kindrei, eme ya ado bateu jo bwe. Arile, na ben dah, ben tado ta amekes ai, tasah boto-on ta balik badeh, ndratondrok kon ai.”

Tarou ta Luk 4:13

Ano balik none iy ta madasan mari, arile Jises banuhun iy bwe, ano iy ruwani iy ma iy iu, winiya len ari ja, iy barasahan.

Tarou ta Jon 14:30

“Jo winiya basehek sahou luluwen hawe aha bwai, tasah ndramak ta atondrok kon munyak dah eme. Boto-on tan badeh, winiya batubuluhi boto-on tek bwe.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Hiburu 1:6

Na len Kindrei anya katiye nadun ari le keme andri kon munyak, iy eme asehek: “Iri angelo ta Kindrei katehei bwili ndru-u iri ki andri kili tan.” Dutoronomi 32:43