Metiu 4:10 - Nyindrou

¹⁰ Jises tiye i tan i buku doh, “Ou a len, Satan, tasah ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13

Metiu 4:10 Iomraidhean Croise

Metiu 16:23

Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”

Tarou ta Mak 1:13

Eme Jises udu gwek winiya len ma hanoh (40) hawe iri katin haka, eme Satan none iy kataku, arile iri angelo ta Kindrei badu loken ame bwese-ei Jises ma aseben iy.

Tarou ta Luk 10:18

Eme Jises tiye toro, “Jo badeh, anyolom boto-on ta tama balik Satan badeh, taku udu kandrah eme andri, i buku none kalik takamek.

Tarou ta Luk 11:18

Ya, ki buku none oro lau ta Satan kapou oro ki lumuk, ya, ki buku dah handru iy tan boto-on ta atondrok iri lakou? Jo asehek sahou ewek tado dah, tasah ado anya boto-on jo akohok dah, ta atikah iri malawin ndra-in au, badeh, ta Belsabul edeu eme tek.

Tarou ta Luk 13:16

Ya ado abudon i buku sah handru ta i badih, badu boho kamen ta Abraham dah, Satan mesekei ndrokonan badeh, samwenen na len ta amunyau?”

Tarou ta Luk 22:3

Eme Satan badeh, i bolo ndramak ari badu bolo oro lau ma ronoh la-uh ta Jises, nyaran Judas Iskariyot.

Tarou ta Luk 22:31

“Ou ndranuhun Saimon! Tama Balik Satan badeh, ndrasumon ta none ado mari ta anya kapou ado, i buku ndramak ta bilin aleben buwa wit i len, ya munyahun i len.

Tarou ta Luk 4:8

Eme Jises tiye i tan ja i buku doh, “Sahou ta Kindrei badeh, ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13

Tarou ta Jon 13:27

Judas andrei jabi ramen ano le badeh, balik ndrala bolo iri budon tan mara-ei ai. Jises anya, “Judas, ou ala. Saba lakou nane ou anya amekes, ou amekes suwi.”

Aposel 26:18

ta aseh mada iri ilik kanyolom kon ja, ma iri katubuni kona iri kili ta boto-on ta balik, kili hamon ta Kindrei. Kindrei kameh mani kandriyen ndra-in tiri mara-ei, ma iri kameh winiyan akohok kon hawe iri lau nane asahan ndrabun, i san ta iri atehei budon tiri in tek.’ ”

Aposel 5:3

Ano Pita tiye i ta Ananayas anya, “I buku sah handru tama balik Satan ewek ndrinem ma mesekei ou wasai Malawin Ndrabun. Ya eme ou tone luk ranah mene ta munyak ou atehei i ta sisih.

1 Korin 5:5

aha katikahei iy ndramak doh ki-iu kili len taha. Ma idoh, i buku aha atehei iy ndrala mine tama balik Satan, ta amekes badan ma kandriyen tan badu munyak kandra-i. Taha amekes buku doh, eme ma Kindrei winiyan andrei malawin mwasin ta ndramak nane eme hamon, na len ta Laban kameh eme hamon ja, ta adeu lau marakon ala ta mada sahou.

1 Korin 7:5

Ah ma la-uh atasou badeh, ah sabeles ta amadin se. Handru, buku ah asehek nyala ah ta ben sabe ta ah samadin se, tasah ah anya kamekes gok ta salom, idoh mwasin. Ano ah baramadin se ja. Kora-on ah winiyan babelesei bada ah bado luluwen bwe, ma balik katubuni bale ah ja ta amadin hawe mwan o badih ari ja, ma bwidi bolo tasou ta ah kandra-i.

2 Korin 11:14

Taha winiya atanan, tasah handru iri asahan i buku doh. Balik le amwenen tobolowe kandriyen tan, ma iy bwidi iri mwan ma badih abudon i buku doh, “Sebwe, iy badeh, angelo ta Kindrei ari nadeh?”

2 Korin 12:7

Ya, lakou nane Kindrei leheya eme tek doh badeh, laba tinan labai. Eme ma, iy bwalen jo atudun nyarak ili loken labai mara-ei. Eme ma, iy atehei sik ari eme badak. Sik doh bokoro-ei jo i buku bodo lakou madan, madan tatahi ndramak. Sik doh, i buku ndramak ta balik ari, iy eme ta a-um jo ma tolomwa jo, ta jo satudun nyarak.

2 Korin 2:11

Tasah, jo abudon i buku doh: Kora-on balik kawendreyani taha ta amekes kandriyen ndra-in kili ta nadu tine taha nane doh, ma iy kameh kamai laleyah ma kandra-i. Taha ndratanan labai ta budon ta balik.

Jemis 4:7

Eme ma, aha badeh, katehei aha amwenen ka-au kala andri mara-ei kala kado bahandra Kindrei. Aha kales boto-on ma karuwani iri kandriyen ndra-in badu munyak, balik nane amekes kede-eh, ma iy kameh ruwani aha, ma iy atobwak iu.

1 Pita 5:9

Arile, aha kales boto-on, ma aha katehei budon taha kabadok ki-in ta Kindrei, ya aha sanuhun sahou ta balik, ndri-iy, tasah aha tana aha iri lau ra-on ja ta Kindrei areu kon munyak dah badeh, bwese maha-an, buku none aha ale.