Metiu 3:6 - Nyindrou

⁶ Eme ma iri asehek budon ma lomondra ndra-in ta karei tiri i ta Kindrei, ma iy alomwa iri ta sikine kandriyen ndra-in tiri iu udu gwa Jodan.

Metiu 3:6 Iomraidhean Croise

Metiu 3:11

Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

Tarou ta Mak 1:5

Eme iri lau mari badu loboho Judiya ma badu kon tinan Jerusalem ame anuhun iy. Eme ma iri asehek budon ma lomondra ndra-in ta karei tiri i ta Kindrei, ma iy alomwa iri ta sikine kandriyen ndra-in tiri iu udu gwa Jodan.

Tarou ta Luk 1:16

Iy le kameh tiyani iri lau badu Isra-el kameh ame hamon ja, ame hawe Laban Kindrei tiri.

Tarou ta Luk 3:16

Eme Jon anya, “Jo alomwa ado na gwa, arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta talou malou ta molowa ku-i katin bwe. Arile, iy kameh inyu ado na boto-on ta Malawin Ndrabun ma aleben ado buku jih.

Aposel 1:5

Tasah, Jon mene inyu ado na gwa, arile len rayah iu, ano kameh, ado anyu na Malawin Ndrabun.”

Aposel 11:16

Ano jo lomondrani sasah Laban mene tiye i buku doh, ‘Jon badeh alomwa ado na gwa, arile ado kameh anyu ado na Malawin Ndrabun.’

Aposel 19:18

Eme iri lau ta budon handru mene ame tiye sahou ta tikisiy udu mada lau mari ta sasah ndra-in iri ndramekes.

Aposel 22:16

Ma, na idah kameh ou sabe-en ja ai! Ou suri ou are loken, alomwa ou, ma ou aloh nyaran kasikine kandriyen tam ndra-in marakon ki-iu.’

1 Korin 10:2

Udu bolo asi kandrah ma bolo gwa ndras doh, iri marakon anyu, eme iri asahan lau ta Moses, ma a-en hamon tan.

Kolosi 2:12

Na len ta alomwa aha badeh, i buku aha ndramak hawe Krais, ma Kindrei ihi aha ala bolo lek hawe Krais. Aha atehei budon taha handru in ta boto-on ta Kindrei, iy mene mete-ei Krais udu bolo lek. Eme ma, na budon taha handru doh, iy mete-ei aha ame hamon ame awas hawe Krais.

Hiburu 6:2

ta leheya san ta anyu; ma ta adeu mine ndramak ili bwele-en; ta amak ame awas ja ta imek; ma len ta sahou winiyan bano bwe. Iri lakou marakon doh mwasin, ta lau kakohok tanan ta aliy op. Arile, tanan doh i buku ndru ta asiu taha ahiy bwena udu aliy. Na idah ja, taha atah asiu handru ili bwele-e iri ndru nane udu aliy bwena, eme ma taha kala le ta tanan tiri lau-en ai. Taha sala hamon ja.

Hiburu 9:10

Tasah iri ndramas ma salom solo-an doh, ta nyamon, ta gwa ta a-un, ma iri lakou solo-an ta anyu. Iri kandriyen doh ta bada lau le, ta iri ka-en hamon ta aliy, winiya le len ta Kindrei kameh baramekes iri lakou marakon amwenen ma i ha-un ja.

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

1 Pita 3:21

Gwa doh badeh, i buku le gwa mene iri alomwa aha lau a bolon. Tasah, Kindrei ndrandrei aha ndrame hamon na gwa ta alomwa. Arile, gwa ta alomwa doh, ta sikine badam ndraka-an bwe, idoh ta leheya i tiri lau mari, buku none aha aso-ok Krais, ma aha anya ka-en hamon ta kandriyen tan mwasin. Ya, ta akohok aha ame hawe Kindrei handru badeh, iy ndramete-ei Jises ndrareu bolo lek ndrame loken.

1 Jon 1:9

Arile, buku taha nyowonya kandriyen ndra-in tataha eme lewan, Kindrei kameh winiyan bamani taha bwe. Tasah, iy bwidi lakou buku iy ndrasehek, ma iy winiyan mesekei kandriyen mwasin. Eme ma, iy kameh mani kandriyen ndra-in tataha mari iu, ma bwidi taha asahan ha-un mara-ei ja.