Metiu 3:2 - Nyindrou

² Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 3:2 Iomraidhean Croise

Metiu 10:7

Ado kala kasehek nyala iri buku doh, ‘Mirihik kameh Kindrei eme atondrok iri lau badu kon munyak.’

Metiu 11:20

In bolo iri kon tinan ra-on mene, Jises amekes lahou tinan udu mada iri, arile iri batubuni ndrine iri bwe, eme Jises ibolosen ili tiri lau badu kon tinan nane doh.

Metiu 12:41

Na len Kindrei le tanan ta edeu iri lau ala ta mada sahou, iri lau mwan ma badih badu Ninibe ale kameh ales ala ta mada sahou, ma iri kameh asehek sahou boto-on labai i taha lau ta len hamon dah. Tasah, iri lau badu Ninibe anuhun sahou Jona asehek, ma iri tubuni ndrine iri. Na idah, ndramak ari ereu ndrokowa ado dah, sakalawi ja Jona, arile ado banuhun sahou tan, ma batubuni ndrine ado bwe!

Metiu 13:11

Ma Jises asumon i buku doh, “Kindrei aseken ado lau tek katanan iri sahou mene aton ta nyala tondrok ta Kindrei. Arile iy baleheya bala tiri lau ra-on ja bwe.

Metiu 13:24

Jises asehek sahou sokek ari ja i toro. Iy asehek i buku doh, “Tondrok ta Kindrei i buku none le ndramak ari atah buwa wit mwasin le udu bilin tan.

Metiu 13:31

Jises asehek sahou sokek ari ja i toro. Iy asehek i buku doh, “Tondrok ta Kindrei badeh, i buku buwa kei ari iri aloh mastet. Ndramak ari kuhi buwa mastet ya iy ili tahiy in bolo bilin tan.

Metiu 13:33

Jises asehek sahou sokek ari ja. Iy anya, “Ado kanuhun! Tondrok ta Kindrei kameh asahan buku none yis. Ari badih kuhi yis nane ma iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.”

Metiu 13:47

Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Metiu 18:23

Ado kanuhun, tondrok ta Kindrei i buku none ari kabin anya kakohok iri luk oro lau tan ta gok mene andrei buku dinau udu minen, ma oro batehei saluwen bwe le.

Metiu 20:1

Jises asehek sahou ja anya, “Jo asehek dah tiri lau ale anya ka-en bwena, tasah tondrok ta Kindrei i buku le ndramak ari tan munyak solo-an. Na mandraben handru iy iu ili takaleh iri lau ta ame abo gok ta bolo bilin waen tan.

Metiu 22:2

“Tondrok ta Kindrei i buku none ari kabin, nadun mwan anya ki tasou, ya kabin nane mesekei tine nyamon.

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Metiu 25:1

“Tondrok ta Kindrei udu kandrah i buku le oro badih bihin ma ronoh. Ndramak ari anya ki tasou. Eme ma, iri badih bihin doh bwese-ei sun toro ta ala ndruni iy in san ma tiyani iy eme ta molak.

Metiu 25:14

“Tondrok ta Kindrei kameh i buku le ndramak ari anya kedek kili kon ari leheleh, ya iy luhi oro lohowan tan ya iy indrom luk tan ili toro ta oro katondrok.

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Metiu 5:10

“Sekesek handru i toro lau ala iri lau adai oro ma iri tawi oro ma andrei oro ala bolo kou, tasah oro badeh amekes kandriyen mwasin, ya idah kameh Kindrei kameh atondrok oro ma oro kameh akohok iri lakou mwasin tan.

Metiu 5:3

“Sekesek handru i toro lau ala ado ndra-in ta budon ma hawe manyah toro, idah kameh Kindrei atondrok oro ma oro kameh akohok iri lakou mwasin tan.

Metiu 6:10

Ma ou ame atondrok kon mari. Ahi kamesekei lahou na so-ok tam udu munyak, i le buku ndramesekei udu kandrah.

Metiu 6:33

Arile, ado kanyolom bwena kili ta tondrok ta Kindrei ma ta kandriyen mwasin tan, ano ya iri lakou mari doh Kindrei kameh edeu ewek tado.

Tarou ta Mak 1:15

Eme iy tiye i buku doh, “Len ndrasahan ai, ma tondrok ta Kindrei ndrame bakep! Ya ado katubuni ndrine ado ta karei ma lomondra ndra-in tado, ya ado katehei budon tado handru ki ta sahou mwasin.”

Tarou ta Mak 1:4

Ya eme Jon ta alomwa asahan bolo kon lomale an ta atiye sahou mwasin ma inyu iri lau, ma tiye tiri katubuni ndrine iri, ma Kindrei kameh sikine kandriyen ndra-in tiri mara-ei iu.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Tarou ta Luk 1:16

Iy le kameh tiyani iri lau badu Isra-el kameh ame hamon ja, ame hawe Laban Kindrei tiri.

Tarou ta Luk 11:20

Arile ado kanuhun, i buku none boto-on ta Kindrei amwenen aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el.

Tarou ta Luk 13:3

Jo katiye tado kamwenen: Bwe! Arile, i buku none ado batubuni ndrine ado bwe, idah kameh, ado amak i le buku aliy.

Tarou ta Luk 13:5

Bwe! Jo katiye tado kamwenen. Arile, i buku none ado batubuni ndrine ado bwe le, badeh kameh ado amak i le buku aliy.”

Tarou ta Luk 15:10

Idah kameh, i le buku aliy; iri angelo badu kandrah kameh sekesek ado mada Kindrei i buku none, ari ndramak katubuni ndrinen.”

Tarou ta Luk 15:7

Eme Jises anya, “Jo katiye tado kamwenen, idah kameh i le buku aliy; sekesek laba tinan labai kameh udu kandrah i buku none ari ndramak ta karei ma lomondra ndra-in katubuni ndrinen. Sakalawi oro lau ma ndro ronoh ndro ari (99) mene oro anya oro mwasin, arile oro batubuni ndrine oro bwe.

Tarou ta Luk 16:30

“Eme iy anya, ‘Tama Abraham, ki buku none ari lau ndrasu-u, ya iy kamak ki loke, idoh mwasin ai. Winiyan tiye tanan i toro, ma idah kameh, oro ruwani kandriyen ndra-in toro ai.’

Tarou ta Luk 21:31

Ya, buku ado anyolom iri lakou nane jo ndrasehek, ado tana ado tondrok ta Kindrei ndrame bakep ai.

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

Tarou ta Luk 6:20

Ano mada Jises anyolom oro lau tan badeh, ma iy tiye anya: “Ou are lau ou lakou bwe badeh, ou sekesek. Tasah, lakou udu baha tondrok ta Kindrei kameh, tam.

Tarou ta Luk 9:2

Ano, iy tiye oro au ala atiye sahou mwasin, ta nyala tondrok ta Kindrei, ma kamekes iri sik kamwenen.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 17:30

Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Aposel 26:20

Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

2 Korin 7:10

Idoh handru, iri maha-an ale Kindrei atehei udu bolo ndrine iri mwan ma badih badeh, ta leheya iri ta tobolowe ndrine iri, ma Kindrei winiyan akohok iri ame ta manyah mwasin. Ma are mwan o badih edek san doh winiyan batikisiy ta aliy ja bwe. Arile, maha-an ma bwilima kameh asahan ta ndrine iri lau badu kon munyak. Idoh kameh edeu imek ili tiri le kabwe.

Kolosi 1:13

Ma iy ndratolowei taha are mine balik ndrame len, ma iy ndratehei taha ndrala bahandra tondrok ta nadun Jises Krais, iy aso-ok iy labai.

2 Timoti 2:25

Ma iy kaleheya iri lau nane amekes ndra-in ili tan, ma iy ale kamekes kamunum le ta amekes budon tiri lau nane tebelese hawen. Iy kamekes ki buku doh, tasah Kindrei kameh aseben iri, ma iri kameh winiyan tubuni ndrine iri, ma iri kameh winiyan atanan ta sahou handru, ma iri winiyan a-en hamon tan.

Hiburu 6:1

Ta idoh, taha sasehek ja ta iri leheya mwasin taha ndrakohok ma bwena mene ta nyala Krais. Arile, na dah taha kala ta leheya tiri lau-en le ai. Taha sala hamon ja tiri lakou mene taha ndrakohok tanan tiri. Iri lakou doh: ta mani kandriyen ndra-in ili san ta imek; ma ta atehei budon in ta Kindrei;

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

Rebelesen 2:21

Jo ndratehei len ndrala tan, tasah jo aso-ok iy katubuni ndrinen ta iri kandriyen ta karei iy amekes. Arile, iy baso-ok bwe.

Rebelesen 2:5

Ya, ma bwena mene aha amekes kandriyen mwasin labai, arile nadah ja aha ndraruwaniy. Ya, aha kabudon kili hamon ja ta kandriyen, mene aha atehei budon taha mara-ei eme le tek, ma aha aso-ok jo labai. Aha katubuni ndrine aha ja, ma ka-en hamon tek buku bwena mene ja. Buku bwe-eh, jo kameh asahan hawe aha ma andrei ndru-u sun taha iu.