Metiu 3:11 - Nyindrou

¹¹ Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

Metiu 3:11 Iomraidhean Croise

Metiu 3:6

Eme ma iri asehek budon ma lomondra ndra-in ta karei tiri i ta Kindrei, ma iy alomwa iri ta sikine kandriyen ndra-in tiri iu udu gwa Jodan.

Tarou ta Mak 1:4

Ya eme Jon ta alomwa asahan bolo kon lomale an ta atiye sahou mwasin ma inyu iri lau, ma tiye tiri katubuni ndrine iri, ma Kindrei kameh sikine kandriyen ndra-in tiri mara-ei iu.

Tarou ta Luk 1:17

Ma idah kameh iy i bwena ta Laban na boto-on, ma hawe nyaran i tinan i buku none propet Alaija. Ma idah kameh iy kameh tubuni ndrine tama iri nah eme hamon ja, aseken nadu iri; ma iy kameh tubuni ndrine iri lau ta banuhun sahou bwe, ame hamon ta budon lewen ta lau mwasin; ma hawe idah kameh iy lowosa iri lau ta Laban, ado abe-en iy.”

Tarou ta Luk 3:16

Eme Jon anya, “Jo alomwa ado na gwa, arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta talou malou ta molowa ku-i katin bwe. Arile, iy kameh inyu ado na boto-on ta Malawin Ndrabun ma aleben ado buku jih.

Tarou ta Luk 3:3

Eme Jon edek ili bolo kon mari badu loboho gwa Jodan ili atiye sahou, ta tiye iri lau katubuni ndrine iri ta kandriyen ndra-in ma Kindrei kameh sikine iu.

Tarou ta Jon 1:15

Jon asehek nyala Jises. Iy anya, “Iy le adeh mene jo asehek taha. Jo anya, ‘Iy in hamon tek eme kameh, iy sakalawi jo ja, tasah iy bwena tek labai.’ ”

Tarou ta Jon 1:30

Iy le adeh mene jo asehek iy ewek taha. Jo asehek, ‘Iy ndramak in hamon tek eme kameh, tanan tan kameh udu bwele-en labai ja ta tanan tek. Tasah, iy ndra bwena labai, ano tine baradeu jo.’

Aposel 1:5

Tasah, Jon mene inyu ado na gwa, arile len rayah iu, ano kameh, ado anyu na Malawin Ndrabun.”

Aposel 19:4

Eme Pol anya, “Alomwa ta Jon amekes badeh, ta i buku none ou tubuni ndrinem ta kandriyen ndra-in tam. Eme iy tiye i tiri lau badeh, katehei budon tiri handru ki-in ta ndramak ari in kona Jon eme. Iy badeh, Jises.”

Aposel 8:36

Eme uru sakaliye ado san ala badeh, asahan ta gwa rayah, eme ndramak tinan badu Itiyopiya dah anya, “Ou anyolom se, gwa asah idah. I buku sah handru, balomwani jo bwai?”

Aposel 8:38

Eme iy tiye oro hos tan aliu sau dah udu rasi. Ano Pilip hawe iy ndramak dah, uru ame andri a gwa, ma Pilip alomwa iy.

1 Korin 12:13

Handru, taha rayah badeh, Juwis, ma rayah bwe. Taha rayah badeh, bonyo-ou, ma taha rayah badeh, bwe. Arile, Malawin Ndrabun ndratehei taha mara-ei ndrala ndrahis ta bada Krais le ari. Iy amekes doh bwena, kala taha mene alomwa taha na Malawin Ndrabun ari le nane, eme ma, Kindrei tiye iy ta eme ndrine taha mara-ei.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Taitus 3:5

iy sebenei taha badeh, ba-en hamon ta kandriyen mwasin tataha mene bwe. Arile, na tikisiy tan le badeh, iy konohei taha, ma sikine taha asahan randrah labai, asahan lau tan na boto-on ta Malawin Ndrabun.

1 Pita 5:5

Eme ma aha loweu, aha kanuhun sahou tiri lau-en, ma ka-en hamon ta aliy. Aha sala ta bar ndra-in, ndri-iy. Aha mari kamekes kandriyen ta adeu ndrine aha ma so-ok taha ki andri bahandra so-ok ta nadu tine aha ari ja. Tasah, aha ndratana aha in bolo buk ndrabun asehek i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara iri, ma so-ok tiri i andri mara-ei.” Tanan 3:34