Metiu 27:2 - Nyindrou

² Iri sawei iy, ma tiyani iy ili, ma atehei iy ili mine tinan tiri Rom nyaran Pailat.

Metiu 27:2 Iomraidhean Croise

Jenesis 22:9

Eme uru ala asos kon mene Kindrei tiye tan badeh, iy eme tukumwi bek i loken ta asun. Ano badeh iy kuhi ndro-o jih i bwele-en. Ano badeh i sawei nadun Aisik badeh atehei iy i bwele-e ndro-o jih udu bada bek dah.

Metiu 20:19

Ya oro kameh atehei iy ili mine iri lau ra-on badu leheleh, ta oro lau doh kabobose iy, ma ka-um iy na malou sakabuk i bek, ma katehei iy ki bada kei tondreh. Ya hamon ta len taloh iy kameh amak ja.”

Metiu 28:14

Buku none tinan badu kon anuhun sahou dah, aso kameh winiyan asehek sahou i tan, ya ado kameh winiyan bame mada sahou bwe.”

Tarou ta Luk 13:1

Ya eme lau rayah are hawe oro na len doh mene tiye i ta Jises ta nyala ndraye iri lau rayah badu Galili badeh, Pailat ndrasolowei ndrala hawe katin haka ta asun ta salom tiri.

Tarou ta Luk 20:20

Eme oro atehei mada oro udu ta Jises, ma oro suni iri lalou rayah atehei mada iri udu ta Jises. Oro amekes oro i buku none lau ta tandra-un sahou handru, ala, anya kasan Jises na sahou. Ya eme oro anya katehei iy ki mine iri lau ta atondrok hawe kili baha boto-on ta tondrok tiri Rom.

Tarou ta Luk 23:1

Ano iri lau mari nane suri iri are loken ma tiyani Jises ili hawe Pailat,

Tarou ta Luk 23:12

Na len bwena ndra-au, Herot uru Pailat badeh, ndrokowa uru udu aliy, arile na le len dah, badeh, uru ndra kawas ja.

Tarou ta Luk 3:1

Idoh, udu bada jaha ronoh limeh ta Sisa ari ja nyaran, Taiberiyus atondrok kon mari; eme Pontiyus Pailat badeh, atondrok kon loboho Judiya. Ya Herot badeh, atondrok kon loboho Galili. Ya nadu tinen Pilip badeh, atondrok kon loboho Ituriya hawe Trakonitis; ma Lisaniyas atondrok Abilene,

Tarou ta Jon 18:12

Ano iri lau nane ta bahun badu kon Rom hawe tinan ta bwena ta bahun tiri, ma hawe iri lau ta atondrok asiu ta Kindrei ame tawi Jises, ma bawei iy.

Tarou ta Jon 18:24

Ano Anas tiye iri kasirini iy kili hawe Kayapas tinan tiri pris. Arile, iri batolowei malou nane iri bawei iy na aliy ba-au bwe le.

Tarou ta Jon 18:28

Mandraben ma wahun, iri sirini Jises udu asiu ta Kayapas iu ili asiu ta kabin badu Rom. Iri tinan tiri Juwis bala bolo asiu nane doh bwe, tasah kora-on iri kandraka-an ta mada Kindrei, ma idah kameh iri winiyan baimon nyamon ta len ndrabun aloh Pasoba bwe. Eme iri are ndra manan areu.

Aposel 12:6

Na ben ano kon kaleu doh badeh, Herot kameh edeu iy i ta sahou. Ya Pita badeh, amadin ndrokowa uru lau ta bahun ma la-uh. Sawei iy badeh, na sen ma la-uh. Ya, oro lau ta bahun rayah ja badeh, ado ta ndrokei ado madasan tinan, loboho manan.

Aposel 21:33

Ndramak tinan ta atondrok iri lau ta bahun eme tawi Pol, ma tiye oro lau tan i buku doh, “Ado kasawei iy ndramak dah na la-uh sen.” Eme ma iy ndremenya iri lau nane i buku doh, “Ya, iy ndramak dah, iy are lau handru? Ma iy amekes saba kandriyen ndra-in handru?”

Aposel 22:25

Eme ma iri lau ta bahun ame bawei Pol, ano iri anya ka-um iy ai. Arile, Pol badeh, ales ere mirihik ta ndramak tinan ta bahun ari, iy ta atondrok iri rayah ai. Eme Pol tiye i ta ndramak nane i buku doh, “Ou anuhun se, buku nyara ndramak udu bolo buk badu kon Rom, ya kandriyen ta batanau asehek i buku doh, iy kili ta mada sahou mwena op, ta seleya iy ndramak nane doh, bwidi kandriyen handru o bwe. Ya, i buku sah handru, na idah ja ado kameh anya ka-um jo laleyah?”

Aposel 22:29

Eme ma oro lau ta bahun nane bawei Pol ma anya ka-um iy badeh, anuhun sahou doh ja, oro anoh ma oro tolowei iy. Tinan ta atondrok iri lau ta bahun mara-ei nane doh inoh ale, tasah iy badeh, tiye iri lau ta bahun ta bawei Pol na malou ma sen. Ya, iy tanan idoh ndrabun, ndrabun labai ta apeu ari ndramak laleyah, buku nyaran udu bolo buk badu Rom.

Aposel 24:27

Arile, Peliks anya kasahan kawas hawe iri Juwis, ma iy baruwani Pol udu bolo asiu lulik bame len bwe. Eme ma jaha ma la-uh ano iu, ma ndramak ari ja nyaran Porsiyus Pestus akohok kon ta Peliks, ma iy akohok gok tan.

Aposel 28:20

Ta katin doh le, eme jo aloh aha marakon ame. Jo anya kanyolom aha, ma kasehek sahou hawe aha. Tasah, jo atehei budon tek mara-ei, ma jo atondrok sahou tandrakan nane taha lau marakon badu Isra-el atondrok kede-eh. Ta idoh le, iri bawei jo na sen dah.”

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Aposel 4:27

Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Aposel 9:2

anya kalelen iy ta iy katorou rayah la-ukei ta tiye nyala Sol badeh, are lau handru. Ya Sol aseken ta atiye iri la-ukei doh i mine iri tinan ta ndrahu tukum tiri Juwis udu kon Damaskus katanan ta aliy. Ya eme i buku none iy kili kanyolom iri lau mwan hawe badih ta a-en hamon ta San ta Laban ado aliy badeh, iy kakuhi iri kala Jerusalem kala bolo kou.

1 Timoti 6:13

Ou amekes iri lakou doh udu mada Kindrei anyolom. Tasah, iy le ari badeh, edeu mulin i ta lakou mari. Ma ou amekes iri lakou doh kudu mada Jises Krais, i buku none iy mene ale ales udu mada Pontiyus Pailat tiye sahou ta budon handru;

2 Timoti 2:9

Ou bwetenei jo ale, ta ales boto-on ma bwese iri maha-an. Jo ndratiye sahou mwasin, eme ma, ta kandriyen le doh iri lau abudon anya jo ndramak ndra-in, ma iri atehei jo ili bolo asiu lulik. Arile, sahou ta Kindrei winiyan bala bado bolo asiu lulik barah bare gwek bwe.

Hiburu 13:3

Aha kabudon iri lau ta Kindrei rayah ado bolo asiu lulik. Aha kabudon iri, i buku aha ado bolo asiu lulik hawe iri ale. Aha kabudon iri lau ado ta maha-an solo-an, aha katehei aha i buku aha bwese maha-an hawe iri ale.