Metiu 26:2 - Nyindrou

² “Ado tana ado, len la-uh hamon kameh taha abudon len tinan ta Pasoba, ma Nadu Ndramak Awas kameh, iri atehei iy ili mine iri lau ndra-in, ma oro kameh tatahi iy ili bada kei tondreh.”

Metiu 26:2 Iomraidhean Croise

Metiu 10:4

Ma hawe Saimon, iy lau badu bolo iri Selot, ma Judas Iskariyot, ndramak doh hamon kameh iy edeu sa-oh ta Jises.

Metiu 17:22

Jises hawe oro lau tan atukum areu loboho kon Galili. Eme Jises asehek i toro i buku doh, “Iri kameh atehei Nadu Ndramak Awas ili mine iri lau.

Metiu 27:4

Iy anya, “Jo ndrabwidi kandriyen ndra-in. Ndramak jo atehei ewek mine ado badeh, babwidi ari kandriyen ndra-in bwe, ya ado kameh adai iy imek.” Oro asumon bohon i buku doh, “Ari lakou taso bwe, badeh lokowam labai.”

Tarou ta Luk 22:15

Ano iy tiye i toro anya, “Jo badeh, aseken handru ta aimon nyamon ta Pasoba dah hawe ado, tasah len hamon eme kameh, jo kameh bwese sisi-in tinan labai.

Tarou ta Jon 11:55

Len ndrabun iri aloh Pasoba ma nyamon tinan ta jabi ramen yis bolon bwe tiri Juwis anya kasahan, eme iri lau solo-an badu loboho doh adek au ala le loken Jerusalem, ta sikine ndraka-an udu tiri iu, ano iri baramekes Pasoba.

Tarou ta Jon 12:1

Len ma onoh kahis le ta len ndrabun iri aloh Pasoba anya kasahan, Jises eme edek ili asahan Betani, kon ta Lasarus, iy ale mene imek arile Jises mete-ei iy amak ja.

Tarou ta Jon 18:2

Judas, iy nane edeu sa-oh ta Jises, iy ndratanan kon nane doh, tasah len marakon ta ndrahune tutukum ta Jises hawe oro lau tan ala le bolo bilin nane doh.

Tarou ta Jon 18:32

Bwena mene Jises asehek ta iri kandriyen iy kameh imek ta aliy, eme ma iri lakou marakon doh asahan ta amekes sahou tan kasahan handru.

Tarou ta Jon 2:13

Ndrame mirihik labai ta len ndrabun tiri Juwis aloh Pasoba ma nyamon tinan anya kasahan, eme Jises iu ili Jerusalem.