Metiu 22:4 - Nyindrou

⁴ “Ya iy suni oro lohowan tan ra-on ja, ma iy tiye toro i buku doh, ‘Ado kala katiye tiri lau nane jo ndraluhi iri, ma ado katiye toro buku doh, jo ndralowosani nyamon kabwe. Iri bulumakau mwan ma hawe iri bou apar jo ndradai kabwe, ma jo ndralowosani lakou mari kabwe. Aha kame le kaimon nyamon ta tasou.’

Metiu 22:4 Iomraidhean Croise

Metiu 21:36

Hamon ta aliy tama bilin suni oro lohowan tan ra-on ja ta gok ala, kane oro solo-an ja sakalawi oro nane ala bwena. Ya oro lau ta gok ta bilin nane tawi oro ya mesekei kandriyen ili toro i buku le bwena nane.

Metiu 22:5

“Oro lohowan tan au ala tiye tiri lau nane, arile iri bwale iri anuhun, ma iri au ala amekes budon tiri amwenen. Ari iu ili bolo bilin tan, ari iu ili amekes gok ta akohok luk tan amwenen.

Metiu 22:8

“Eme kabin nane anya, ‘Nyamon ta tasou ndralowosaniy kabwe, oro lau nane jo aloh oro ma bwena, ado kamani oro.

Tarou ta Luk 14:17

Eme na len ta nyamon amwenen, ndramak ta iwer nyamon suni lohowan tan ari ili, ta tandra-un iri lau mene sahou i tiri badeh, anya, ‘Ado kame, lakou mari ndra lokowaniy ndrano.’

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.