Metiu 22:3 - Nyindrou

³ Ma mwena handru iy atehei sahou ili tiri lau kame ta nyamon ta tasou ta nadun. Ya, na len ta nyamon amwenen iy suni oro lohowan tan ala kaloh iri kame ta nyamon. Arile iri bwale iri.

Metiu 22:3 Iomraidhean Croise

Metiu 21:34

Ya mirihik ta buwa waen nane uni, iy suni iri lohowan tan ala hawe iri lau nane iy atehei bilin i tiri ta atondrok, ta iri kakohok ra-on buwa waen ki hamon ki tan.

Metiu 23:37

Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 9:15

Eme Jises asumon i buku doh, “I buku none ndramak tasou bolohau udu aliy, ado winiyan babilisi oro lau ta molak bwe! Arile, na len hamon eme kameh, iri lau ta kaliu tan kuhi iy eme len, ma oro kameh, winiyan baimon nyamon bwe, oro kameh beleben, ma abeles oro ta nyamon.

Tarou ta Luk 13:34

“Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile, ado bwale ado!

Tarou ta Luk 15:28

“Eme nadun bwele-en badeh, ibolosen, eme iy bwalen ta i bolon. Eme taman eme manan indrek iy, ta ki bolon.

Tarou ta Luk 19:27

Ma ado katiyani are lau oro mene anya jo sasahan kabin badeh, kame, ya ado kadai oro kamak kare madak.’ ”

Tarou ta Jon 5:40

Arile aha bwale aha ame hawek ta akohok taha kohan handru ta udu le buku doh.

Aposel 13:45

Eme iri Juwis anyolom iri lau solo-an labai ame badeh, ma mada iri alikis ma bwidi iri asehek sahou ndra-in labai i bada sahou ta Pol nane asehek.

La-ukei ta Pol atorou ili tiri lau badu kon Rom 10:21

Arile, Aisaya abudon iri Isra-el ma iy asehek iri badeh, i buku doh, “Udu bolo len mari mari jo indrek iri, ta iri katehei budon tiri handru ki-in tek ma kanuhun sahou tek, arile batu iri boto-on; iri atehei le kona iri eme tek ma banuhun sahou tek bwai.” Aisaya 65:2

Hiburu 12:25

Bale aha ki-in taha, kora-on aha katunuhun, ma aha ba-en hamon ta boho Kindrei bwe. Tasah, ma bwena mene Kindrei ere bwele-e mandrei Sainai asehek sahou boto-on ili tiri lau badu Isra-el are kabede mandrei doh, arile iri tebelese bohon. Eme ma, na bolo len bwena mene doh, iri winiyan batobwak ma bateleyani ndramas ta kandriyen ndra-in tiri bwe. Na idah, Kindrei udu kandrah, ma iy asehek sahou boto-on labai ja eme tataha. Buku taha atehei kona taha i tan, taha winiyan batobwak ma bateleyani ndramas ta kandriyen ndra-in nane doh bwe, handru en.

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Rebelesen 22:17

Malawin Ndrabun hawe udu Nadu Sipsip anya, “Ou ame.” Eme ma iri lau marakon anuhun boho uru, iri ale kasehek sahou anya, “Ou ame.” Buku ou are mwan o badih, balem amar ta gwa kohan handru udu aliy, ou ame akohok wa-im gwa ta edeu kohan handru, na so-ok tam, i buku ndramas Kindrei edeu laleyah.