Metiu 21:3 - Nyindrou

³ Ya, buku none ari ndramak kandremenya ah, ah katiye ki buku doh, ‘Laban gok udu turu, ano iy baratiyani uru barame hamon ja.’ ”

Metiu 21:3 Iomraidhean Croise

Metiu 21:2

ma iy tiye turu buku doh, “Ah kala kon to anyolom i aliy don. Suwi labai ah kameh atou donki ari iri sawei udu aliy, ma nadun ale udu hawen. Ah katolowei malou ma kasirini uru kame hawek.

Metiu 21:4

Lakou dah asahan ta amekes sahou mene propet ndrasehek bwena asahan handru,

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Jon 3:35

Taman badeh, aso-ok nadun tinan labai, ma iy eme atehei lakou marakon ili minen.

Aposel 17:25

Ma iy bandriliu ta se lakou badu mine lau katiye ki tan bwe. Tasah, iy le badeh, iy kati ndramak ta edeu koha taha, ma hawe sasah, sasah ja i ta lau mari.

2 Korin 8:16

Jo edeu wurah i ta Kindrei. Iy bwidi ndrine Taitus ato-ou ma iy abudon buku le ahi. Iy ale aso-ok ta aseben aha.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Jemis 1:17

Iri lakou hawe ndramas mwasin labai mari badeh, marakon badu kandrah eme andri. Ya, tama taha Kindrei badeh, mesekei lomadan marakon badu kandrah, iy le amwenen badeh, suni iri lakou marakon mwasin doh eme andri tataha. Iy badeh, mwasin labai ma iy batobolowe kandriyen tan bala bame bwe, buku ari lakou, an bwidi malawi iri asahan, an anya ya tobolowe malawi iri lakou a lawe ano a mo-on ja. Arile Kindrei badeh, batobolowe iy bala bame bwe, iy ta udu le buku doh.