Metiu 2:6 - Nyindrou

⁶ Arile ou Betlehem ado bolo munyak Judiya, ou basahan hamon toro kon ale nyara oro tinan udu bolo munyak Judiya bwe handru. Idah kameh ndramak ari badu hawe aha amwenen kameh asahan, ma iy kameh asahan ndramak ta atondrok iri lau tek Isra-el.” Maika 5:2

Metiu 2:6 Iomraidhean Croise

Jenesis 49:10

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

Metiu 2:1

Hamon ta Jises ndrasahan udu Betlehem udu bolo kon tinan Judiya, udu bada len ta kabin Herot, oro lau ta tanan badu loboho an eme loke ame Jerusalem,

Metiu 28:18

Eme Jises eme mirihik toro ma tiye toro anya, “Boto-on ma lakou mari badu kandrah ma munyak badeh udu minek.

Tarou ta Jon 21:16

Jises asehek sahou le nane san rasan ja ili tan, “Saimon, nadu Jon, ou kede-eh aso-ok jo handru?” Iy anya, “Ehe Laban, ou ndratanam jo, jo badeh, aso-ok ou labai i buku ari kawas.” Jises eme tiye i tan ja, “Mwasin, ou atondrok iri sipsip tek.”

Tarou ta Jon 7:42

Buk ndrabun ndrasehek, Mesaya kameh asahan boho kamen ta Debit. Ma buk ndrabun asehek ale ta Mesaya kameh asahan Betlehem kon tinan ta Debit bwena mene udu aliy.”

Epesus 1:22

Ya, Kindrei atehei iri lakou marakon ndrala bahandra tondrok ta Krais, ma atehei iy udu bwele-en handru tiri lau mwan ma badih tan.

Kolosi 1:18

Krais badeh, batun ta bada iri lau tan, iri doh badeh, lau ta Kindrei amwenen. Tasah, iy amwenen badeh, kati kohan handru tiri lau ta Kindrei mari doh. Iy le ari badeh, amak eme hamon eme awas ja udu bolo ndrokowa iri mwan ma badih mene ndramak ndra-au ndrasu-u. Eme ma, iy kadok amwenen, ma iy winiyan udu bwele-en ta atondrok lakou marakon.

Hiburu 7:14

Taha ndratanan ai, Laban tataha badeh, iy asahan boho kamen ta Juda. Eme Moses mene basehek se sare boho kamen nane doh kameh iri asahan pris bo-oh.

Rebelesen 11:15

Ya, angelo ndro taloh doh badeh, badu hawe oro ma onoh nane eme len oloh ndrah tan, eme ma boho iri lau rayah asehek sahou boto-on labai udu kandrah i buku doh, “Laban tataha Kindrei hawe Mesaya tan, uru mala-uh ndrasahan kabin ta kon munyak mara-ei, ma iy kameh atondrok udu le buku doh!”

Rebelesen 2:27

I buku le buk ndrabun ndrasehek, “Iy kameh tawi balekei hayen ari udu minen ta atondrok iri mwan ma badih boto-on handru, ma tabasi marakon ili le bwisik, bwisik i buku ndramak tabasi kun iri amekes na ndren.” Wari 2:9 Jo amwenen kameh edeu gok doh i tiri. Idoh, i buku le gok mene tama edeu eme tek, ta atondrok iri mwan ma badih marakon.

Rebelesen 7:17

Tasah Nadu Sipsip ta Kindrei badeh, ales udu le alih ta ka-u koyeu ta kabin, ma iy kameh atondrok iri marakon. Iy kameh sirini iri ala mana munu kaloh, gwa asahan aliy eme len, ma iri kameh a-un gwa kohan handru udu loboho doh. Ma Kindrei kameh owei wa-i mada iri mara-ei iu, ma iri kameh winiyan baden ja bwai.”