Metiu 17:4 - Nyindrou

⁴ Pita atou lakou doh ya iy asehek ta Jises i buku doh, “Laban, mwasin handru ta aso are ndra kada-ah. Buku none ou aso-ok jo katahi mandron ki taloh kudu dah; ra-em tam, ra-em ta Moses, ma ra-em ta Alaija.”

Metiu 17:4 Iomraidhean Croise

Metiu 17:3

Eme Moses uru Alaija asahan, ma oro lau ta Jises nane atou uru asehek sahou hawen.

Tarou ta Luk 9:33

Eme ya uru lau nane are hawe Jises anya ka-au le badeh, Pita tiye i ta Jises i buku doh, “Laban, mwasin handru ta aso are ndra kada-ah, ya aso katahi taloh mandron kudu dah, ra-em tam, ra-em ta Moses, ma ra-em ta Alaija.” Arile, Pita bala tanan sasah iy asehek doh, bwe.

Tarou ta Jon 17:24

“Tama! Ou ndratehei oro ndrame tek, eme jo aso-ok oro kame kare hawek, kare kon kameh jo udu aliy. Ma jo aso-ok oro kanyolom lomadak mene ou adeu eme tek, tasah ou aso-ok jo bwena labai, ano kon munyak barasahan.

Tarou ta Jon 7:2

Idoh mirihik ta len tinan tiri Juwis ta amekes nyamon tinan ta asiu beleheleh.

Pilipai 1:23

Tasah jo ndrado bolo ndrokowa budon la-uh ai: Jo badeh, aseken labai ta imek, ya jo kili kudu hawe Krais, tasah idoh kameh udu mwasin tek handru.

1 Jon 3:2

Wurah lomada aha kawas tek, idah taha ndrasahan nadu Kindrei amwenen, arile hamon ta aliy kameh taha a buku sah? Taha tana taha bwe le, arile taha ndratanan, Jises kameh eme hamon, ya taha kameh asahan buku le iy amwenen, tasah taha kameh anyolom iy na mada taha amwenen.

Rebelesen 21:23

Udu bolo kon tinan nane doh, an ma bun badeh, banya bwe, tasah lomada Kindrei le ari anya ili bwele-en. Ya, Nadu Sipsip badeh, anya i nyara sun ta aliy.