Metiu 17:2 - Nyindrou

² Oro ado, oro anyolom ili bada Jises ndratubuniy ndra randrah ja. Ya bwilin anya buku none an. Ya awin tan asahan belen, handru en!

Metiu 17:2 Iomraidhean Croise

Metiu 17:1

Len onoh ano, Jises kuhi Pita uru Jemis hawe nadu tinen Jon. Iy kuhi oro ala bwele-e mandrei ari loken labai, ya oro le ado aliy.

Metiu 17:3

Eme Moses uru Alaija asahan, ma oro lau ta Jises nane atou uru asehek sahou hawen.

Metiu 28:3

Konen i buku none kalik, ya kolau tan badeh, belen i buku none asi kandrah belen mara-ei.

Tarou ta Mak 9:3

Ma awin tan ndra nyikilikin asahan i belen ma sakalawi belen ta lakou mari badu munyak dah, i buku kasikine.

Tarou ta Luk 9:29

Eme iy asolom le badeh, badan asahan i randrah labai, bwilin anya ma awin tan badeh, nyikadin tinan labai, anya i buku kalik.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Jon 17:24

“Tama! Ou ndratehei oro ndrame tek, eme jo aso-ok oro kame kare hawek, kare kon kameh jo udu aliy. Ma jo aso-ok oro kanyolom lomadak mene ou adeu eme tek, tasah ou aso-ok jo bwena labai, ano kon munyak barasahan.

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Rebelesen 10:1

Lakou ndra-in nane doh ano iu, ano jo anyolom angelo ari, boto-on labai udu bolo kandrah eme andri. Iri nyosowani iy na asi kandrah hawe beteke nyabwiu awudi batun udu le alih; madan badeh, i buku le an, ya katin ja badeh, i buku ndru laba tinan amekes na jih.

Rebelesen 20:11

Ano ja, jo anyolom koyeu laba tinan belen ta kabin, ma ndramak ari manyah udu bada koyeu doh. Ma kon munyak hawe kandrah badeh, sakaliye iu ta madan, uru bado ndrahune uru bwena nane ja bwe.