Metiu 15:2 - Nyindrou

² “Buku sah handru oro lau tam ba-en hamon ta sahou batanau mene iri tubu taha ndrasihidiy ndrame tataha bwena bwe? Buku none oro anya kaimon nyamon oro basikine mine oro bwe.”

Metiu 15:2 Iomraidhean Croise

Jenesis 1:14

Ano Kindrei anya ja eh, “Lakou ta anya badeh kanya bada kandrah ta apou len ma ben, ma kaleheyani kalem ta an ta len ma hawe ta jaha ma hawe len ta atudun nyamon tinan ta atukum.

Metiu 15:3

Jises asumon oro i buku doh, “Buku sah handru ado an hamon ta budon ma kandriyen tado amwenen, ya ado ba-en hamon ta batanau ta Kindrei bwe?

Tarou ta Mak 7:2

Ya iri ndratou oro lau ra-on ta Jises aimon nyamon, ya oro basikine mine oro bala buku none kandriyen tiri Parasi bwe.

Tarou ta Mak 7:5

Ya eme iri Parasi ma hawe iri lau ta leheya kandriyen tiri Juwis ndremenya Jises i buk doh, “I buku sah oro lau tam aimon nyamon ya oro basikine mine oro bwe, ya oro ba-en hamon ta kandriyen ta tubu ahi iri bwe?”

Tarou ta Luk 11:38

Eme ya iy anyolom Jises badeh, basikine minen bwe, ya iy aimon nyamon, eme ya iy lomondra solo-an labai.

Galesiya 1:14

Ya, oro Juwis rebesem badu hawek badeh, jo sakalau oro ja ta kandriyen ta batanau. Jo sakalau oro ta bolo kandriyen ta tubu ahi, iri asehek eme tahi Juwis. Ma eme, budon tek irih labai ta in hamon ta kandriyen ta tubu ahi iri.

Kolosi 2:8

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.

1 Pita 1:18

Ehe, aha katondrok aha kamwenen, ma ka-en hamon ta kandriyen mwasin. Tasah, bwena mene aha a-en hamon ta iri kandriyen ndra-in, aha mene akohok ta tubu aha iri, arile na dah, aha ndratana aha, Kindrei ndrakonohei ma ndrakuhi aha ndrame len ta kandriyen badu bwena. Iy bakonohei aha bame hamon na bek nyikilikin hawe silba bwe. Iri lakou doh, lau badu kon munyak abudon tinan labai. Arile, gol hawe silba badeh, lakou badu kon munyak le. Hamon kameh iri amai au laleyah.