Metiu 12:3 - Nyindrou

³ Jises asumon iri i buku doh, “Buku sah handru ya ado abolosen eme tek ma hawe oro lau tek? Sebwe ado babudon bamwenen ta kundruh ta lakou mene kabin Debit mesekei bwena bwe nadeh? Jo asehek ta lakou kala Debit hawe oro lau tan mene amak son.

Metiu 12:3 Iomraidhean Croise

Metiu 12:2

Iri lau Parasi atou lakou nane doh, ma iri abolosen i ta Jises buku doh, “Hei, ou anuhun! Oro lau tam abwe-eh buwa wit na len ta amunyau. Kandriyen doh ndrabun handru ta amekes na len ta amunyau.”

Metiu 12:4

Ya, iy ili bolo asiu ta Kindrei, ya kuhi jabi ramen nane iri pris ndraleheyaniy ndrala ta mada Kindrei, in bolo bosoh ndrabun handru doh. Ehe, Debit hawe oro lau tan aniy, arile jabi ramen doh ndrabun handru ta oro aimon. Iri pris le winiyan ta aimon.

Metiu 12:5

Ya, sebwe aha banyolom sahou ereu bolo batanau malen bwe nadeh? Anya iri pris badeh kabo gok bolo asiu tinan ta Kindrei na len ta amunyau, idoh iri ba-en hamon ta sahou na len ta amunyau bwe, arile idoh kandriyen ndra-in bwe.

Metiu 19:4

Jises asumon boho oro i buku doh, “Sebwe ado batou tarou ta Kindrei ereu bolo buk ndrabun tan bwe nadeh? Bwena handru kala Kindrei mene ‘mesekei lakou mari, iy mesekei lau mwan ma badih.’ Jenesis 1:27

Metiu 21:16

Ma oro ndremenya Jises i buku doh, “Sebwe ou ndranuhun sahou oro amekes doh?” Eme Jises asumon boho oro i buku doh, “Ehe, jo ndranuhun. Arile, sebwe ado banyolom sahou doh bwe, ‘Iri nadu nah atudun nyaran ili loken.’ ” Wari 8:2

Metiu 22:31

Handru labai. Iri lau ndramak bwena, hamon kameh iri amak ja. Sebwe ado batou bolo tarou ta Kindrei iy mene asehek ewek tado bwe nadeh? Iy asehek i buku doh,

Tarou ta Mak 12:10

Handru labai, sebwe ado banyolom sahou doh ereu bolo buk ndrabun ta Kindrei bwe nadeh, sahou i buku doh, ‘Bek ale iri lau ta atah asiu bwale iri, na dah, iy ndrasahan kati ndru ta ka-u asiu bek.

Tarou ta Mak 12:26

Handru labai. Iri lau ndramak bwena, hamon kameh iri amak ja. Sebwe aha banyolom ta tarou ta Moses bwe nadeh? Idoh asehek ta nyala len mene Moses atou jih anya udu ta kei. Eme ma Kindrei tiye i ta Moses i buku doh, ‘Jo Kindrei ta Abraham, ta Aisik, ma ta Jekop.’ Eksodus 3:6

Tarou ta Luk 10:26

Eme Jises tiye i tan, “Torowenei udu bolo tarou malen mene, ou ndratou, tiye i buku sah handru?”

Tarou ta Luk 6:3

Eme Jises asumon iri i buku doh, “Buku sah handru ya ado abolosen eme tek ma hawe oro lau tek? Sebwe ado babudon bamwenen ta kundruh ta lakou mene kabin Debit mesekei bwena bwe nadeh? Jo asehek ta lakou kala Debit hawe oro lau tan mene amak son.