Metiu 11:6 - Nyindrou

⁶ Eme ya, sekesek ki toro lau heh le nane bataku ta budon toro bwe, tasah ta jo le.”

Metiu 11:6 Iomraidhean Croise

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

Metiu 26:31

Ano Jises tiye toro i buku doh, “Ado mari kameh ruwani jo, ma sakaliye au na ben dah, tasah iri ndratorowei bwena udu bolo buk ndrabun i buku doh, ‘Jo kameh idi ndramak ta tondrok, ya iri sipsip tan kameh aseker laleyah.’ Sekaraya 13:7

Tarou ta Jon 6:66

Udu bada len doh, oro lau tan rayah atobwak. Oro ba-en hamon tan ja bwe.

Metiu 24:10

Na len doh kameh iri lau solo-an aruwe budon tiri udu tek iu, ma au ala hamon. Iri ari, ari kameh nyowonya ndramak ari ja ili tiri lau ndra-in, ma iri kameh bwale iri ndramak ari ja.

1 Pita 2:8

Ya buk ndrabun asehek ja, “Bek doh kameh tono-ei kati iri lau, ma iy kameh amekes lau taku ereu san.” Aisaya 8:14 Iri taku, tasah iri batehei budon tiri bala ta sahou tan bwe. Lakou doh asahan tiri, tasah bwena mene Kindrei ndratehei budon tan ta iy kameh amekes i buku doh.

Metiu 18:7

“Sisi-in tinan labai kameh i bwele-e iri lau badu kon munyak, iri nane amekes ndramak ari ja taku ta kandriyen ndra-in. Handru, iri kandriyen ndra-in doh kameh asahan. Arile jo tikisiy handru ta ndramak mesekei asahan.

Galesiya 5:11

Aha nadu tine, buku jo amekes sahou ta leheya aha lau mwan ma badih ta Kindrei ka-en hamon ta batanau malen tiri Juwis ta asan ku-i aha; iri Juwis kameh winiyan bamekes kandriyen ta bokoro-ei jo bwe. Arile, jo baleheya aha bala buku badeh, bwe. Eme ma iri abo gok ta bokoro-ei jo le ai. Ma ndrine iri badeh, irih tek kahis, tasah jo badeh, asehek ta nyala kei tondreh mene iri tatahi Jises Krais udu aliy.

Tarou ta Luk 2:34

Ano, Simiyon atehei nyosowan i la-u oro, ano iy tiye i ta Mariya, “Iy nah le doh, Kindrei le edeu iy, ma idah kameh iy aseben iri lau badu Isra-el rayah, ya iri rayah kameh bwale iri iy. Ma idah kameh, iy i kalem ta lau kameh asehek sahou nyarahan i tan,

Metiu 5:29

Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.

Metiu 13:21

Arile buwa wit doh kandron aliy bwe, ya i bareu luwen bwe. Ya i buku none ndrine sen asahan deh bwe-em ndra-i asahan, tasah ta sahou ta Kindrei, ya idah kameh, suwi suwi iri taku.

Tarou ta Mak 6:3

Taha tana taha, iy ndramak kede-eh ta atah asiu, ma iy nadu Mariya, nadu tine Jemis, Joses, Judas hawe Saimon, ya nadu tinen oro badih, are hawe to kada-ah, neh?” Oro asehek i buku doh, ma oro atehei kona oro i tan.

Tarou ta Luk 7:23

Eme ya, sekesek ki toro lau heh le nane bataku ta budon toro bwe, tasah ta jo le.”

Tarou ta Jon 16:1

“Jo mene ndrasehek ndrawek taha, ta aha sataku ma aha samani iri budon taha udu tek.