Metiu 11:1 - Nyindrou

¹ Jises tiye sahou ili toro lau tan ma ronoh la-uh ano, iy ruwani kon nane, ya iy edek ili bolo iri kon tinan loboho Galili. Ya iy leheya ma asehek sahou nyala Kindrei ili tiri.

Metiu 11:1 Iomraidhean Croise

Metiu 28:20

Ma ado kaleheya iri ta lakou mari jo ndratiye tado. Ya jo kameh in hawe ado na len mari, winiya le munyak dah ano.”

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Metiu 7:28

Jises ano ta sehek sahou doh, ya iri lau mari mani iri atur ta leheya tan.

Metiu 9:35

Hamon ta aliy, Jises edek ili bolo iri kon tinan ma bwisik mari, ma iy leheya iri in bolo asiu ta atukum tiri. Iy atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin tan. Ma Jises ale mesekei iri lau mari tiri sik in bada iri amwenen ja.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Tarou ta Luk 23:5

Arile, iri sarakau anya, “Iy mene leheya ma amekes ndrokowa iri lau badu loboho Judiya bado mwasin bwe. Iy mene amekes kandriyen doh, udu ndra Galili on, eme taku dah.”

Tarou ta Luk 8:1

Eme idoh ano badeh, Jises edek ili eme bolo iri kon tinan mari, hawe ili bolo iri kon bwisik mari, atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin ta Kindrei. Ma hawe oro lau tan ma ronoh la-uh badeh, ado hawen,

Tarou ta Jon 15:10

Buku aha a-en hamon ta sahou batanau tek eh, aha kameh ahis ado ta bolo so-ok tek, i buku le jo ndra-en hamon ta iri sahou batanau mara-ei ta tama, ma jo ihis udu bolo so-ok tan.

Tarou ta Jon 15:14

Aha marakon badeh, ndra kawas tek le ai, i buku aha an hamon ta iri sahou mene jo ndrasehek taha.

Aposel 1:2

eme, eme taku na len andrei Jises iu i kandrah. Idoh, udu hamon ta iy edeu batanau na boto-on ta Malawin Ndrabun i toro aposel tan, iy mene ndralebelei.

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Aposel 10:42

Iy badeh, batanau boto-on labai ta aso katiye sahou kili tiri lau mari ma katiye, iy le badeh, Kindrei atehei lahou i tan ta aleben sahou tiri lau ndramak bwena, ma hawe iri lau ma mulin kahis.

1 Tesalonaika 4:2

Aha ndratanan iri batanau, aso mene leheya aha ta aliy na boto-on ta nyara Laban Jises.

2 Tesalonaika 3:10

Aso mene ado hawe ado badeh, aso atehei batanau boto-on labai ewek taha i buku doh, “Are lau, buku iy bamekes gok bwe, iy winiyan bakohok nyamon bwe.”

2 Tesalonaika 3:6

Aha nadu tine aso mwan ma badih, ta bwele-e nyara Laban tataha Jises Krais, aso anya kabatanau aha badeh, buku doh: Aha badeh, kare ndra len ta nadu tine aha iri rayah nane manyah laleyah, ma ba-en hamon ta tanan nane aso adeu ili tiri bwe.

1 Timoti 6:14

Ya udu mada Kindrei hawe Jises jo tiye batanau i buku doh, “Ou tawi batanau dah kihis, winiya le Krais barasahan, bwe kameh lau kabobose ou.