Metiu 10:4 - Nyindrou

⁴ Ma hawe Saimon, iy lau badu bolo iri Selot, ma Judas Iskariyot, ndramak doh hamon kameh iy edeu sa-oh ta Jises.

Metiu 10:4 Iomraidhean Croise

Metiu 26:14

Ano ya iy ari ereu ndrokowa oro ronoh la-uh nyaran Judas Iskariyot, iy ili atou oro tinan tiri pris.

Metiu 26:15

Ma iy tiye toro, “Saba lakou handru kameh ado atehei eme tek, buku none jo atehei iy ewek mine ado?” Eme oro sihinei iy na bek nyikilikin silba ma tonoh (30).

Metiu 26:2

“Ado tana ado, len la-uh hamon kameh taha abudon len tinan ta Pasoba, ma Nadu Ndramak Awas kameh, iri atehei iy ili mine iri lau ndra-in, ma oro kameh tatahi iy ili bada kei tondreh.”

Metiu 26:47

Iy asehek sahou kahis le, Judas, iy badu hawe oro lau ma ronoh la-uh nane, iy edek eme hawen, hawe iri lau solo-an handru en, ma samen ma kei udu mine iri. Iri tinan tiri pris ma ndramak ereu bwena tiri lau suni oro ame.

Metiu 27:3

Judas, ndramak ta edeu Jises ili mine iri lau ndra-in, iy i tanan ta iri atehei maha-an i la-u Jises, iy tubuni budon tan, ma iy kuhi luk silba bororoh ma tonoh (30) iu ili hamon ili mine tinan tiri pris ma tinan tiri lau.

Tarou ta Mak 14:10

Ano ya, iy ari badu hawe oro lau tan ma ronoh la-uh nyaran Judas Iskariyot, iu i hawe iri lau tinan tiri pris anya kedeu sa-oh ta Jises ki mine iri.

Tarou ta Mak 14:43

Ya eme Jises asehek sahou kahis le, Judas, iy badu hawe oro lau ma ronoh la-uh nane, edek eme hawen, hawe iri lau solo-an ma samen hawe kei udu mine iri. Iri tinan tiri pris ma hawe iri lau ta leheya kandriyen tiri Juwis ma hawe iri lau-en suni oro ame.

Tarou ta Luk 22:3

Eme Satan badeh, i bolo ndramak ari badu bolo oro lau ma ronoh la-uh ta Jises, nyaran Judas Iskariyot.

Tarou ta Luk 22:47

Ya eme iy asehek sahou kahis le, Judas, iy badu hawe oro lau ma ronoh la-uh nane, in mwena ma hawe lau rayah an hamon tan, ame. Iy edek eme hawe Jises anya kedeu bohon ki boho Jises.

Tarou ta Jon 13:2

Oro manyah aimon nyamon ta beyeh, balik ndratehei budon boto-on labai ndrala ndrine Judas Iskariyot nadu Saimon, ta iy kameh edeu sa-oh ta Jises.

Tarou ta Jon 6:64

Arile aha rayah badeh, batehei budon taha bwe.” Jises ndratanan are lau iy batehei budon ba-en tan bwe. Iy i tanan udu ndra bada katin ta are lau handru kameh amekes sa-oh tan.

Tarou ta Jon 6:71

Jises asehek Judas nadu Saimon Iskariyot. Judas iy ari badu hawe oro ma ronoh la-uh. Arile, udu hamon ja badeh, iy amekes sa-oh ta adai Jises.)

Aposel 1:13

Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.