Metiu 10:3 - Nyindrou

³ Ano Pilip uru Batolomiu, ma Tomas, hawe Metiu, iy lau ta akohok luk ta takis, ma hawe Jemis nadu Alpeyus, ma Tadeyus.

Metiu 10:3 Iomraidhean Croise

Metiu 18:17

Arile, buku none iy banuhun sahou toro bwe, mwasin, ou tiye ki tiri lau mwan ma badih badu bolo iri lau ta Kindrei. Buku batun boto-on ma iy bwalen anuhun sahou toro ale, mwasin, ou atou iy buku none ari ndramak tanan Kindrei bwe, deh iy ndramak ta kolowa luk ta takis ta lau.

Metiu 27:56

Ereu ndrokowa iri badeh, Mariya badu Makdala ma hawe Mariya ari ja tine Jemis uru Josep ma hawe udu Sebedi ale.

Metiu 9:9

Eme ma Jises edek ili, ya iy atou ndramak ari nyaran Metiu manyah ereu bolo asiu tan ta gok ta akohok luk ta takis, eme ma iy tiye i tan, “Ou ame an hamon tek.” Eme Metiu suri iy ma iy in hamon tan.

Tarou ta Mak 15:40

Ma ale iri badih rayah ale areu len anyolom. Ya udu bolo iri badih nane doh badeh, Mariya badu Makdala ma hawe Salome ma hawe Mariya tine i loweu Jemis ma Joses.

Tarou ta Mak 2:14

Ano iy edek ili, ma iy atou ndramak ari ta akohok luk ta takis, nadu Alpeyus nyaran Libai. Iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.” Eme Libai suri iy ma iy in hamon tan.

Tarou ta Luk 18:10

Eme iy anya, “Uru lau la-uh badeh, ala bolo asiu tinan ta Kindrei, amekes salom. Iy ari badeh, Parasi, ya iy ari ja badeh, ndramak ta akohok luk ta takis.

Tarou ta Luk 18:11

Eme iy Parasi dah, ales ere loken asolom i badan le, i buku doh, ‘Jo edeu wurah ewek tam Kindrei, ta jo badeh, bala buku none iri lau mari ta ndrakok, hawe bala buku none iri lau ta nyaladan, hawe lau ta amekes madasarah kede-eh, bwe. Ma hawe bala buku none ndramak ta akohok luk ta takis kede-eh, bwe.

Tarou ta Luk 18:13

“Arile, ndramak ta akohok luk ta takis dah, udu len badeh, ales ere loken ma kandrun i andri, ma hawe minen udu aden, anya, ‘Kindrei, ou tikisi jo, jo ndramak ndra-in ta karei ma lomondra ndra-in.’

Tarou ta Luk 19:2

Ya ndramak ari nyaran Sakiyas udu aliy. Iy ndramak ta atondrok iri lau ta akohok luk ta takis. Ya iy ale tan lakou solo-an.

Tarou ta Luk 5:27

Ano Jises eme len badeh, iy atou ndramak ari ta akohok luk ta takis, nyaran Libai, iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.”

Tarou ta Jon 1:48

Nataniyel lelen iy, “Ou atanam jo i buku sah?” Jises eme asehek i tan i buku doh, “Jo anyolom ou badeh, manyah ado bahandra kei ra-ei iri aloh pik. Ano Pilip ewek aloh ou.”

Tarou ta Jon 11:16

Ano Tomas (iri aloh iy Didimus) asehek sahou i toro lau ta Jises marakon, “Mwasin, to marakon kala Judiya, ma to kamak ka le hawen ka-au ai!”

Tarou ta Jon 14:22

Judas anya, (Idoh Judas Iskariyot bwe, iy ari ja.) “Laban, i buku sah handru ou leheya ou amwenen ame lewan mada aso? Buku sah bala mada iri lau badu kon munyak bwe?”

Tarou ta Jon 14:5

Tomas ndremenya Jises, “Ndramak tinan, ahi bala tanan ta ou alih kon heh handru, ya kili buku sah handru ahi kala tanan ta san ili kon badeh?”

Tarou ta Jon 14:9

Jises tiye i tan, “Pilip, jo udu hawe ado luluwen labai, arile buku sah handru ou bala tanam jo bwe? Are lau iy ndratou jo badeh, iy ndratou tama ale. I buku sah ja ou anya jo kaleheya tama kewek tado ja?

Tarou ta Jon 21:2

Saimon Pita, Tomas (nyaran ari ja Didimus), Nataniyel iy badu Kana udu loboho Galili, ma nadu Sebedi uru ma la-uh, hawe uru lau tan la-uh ja, are hawe oro ale.

Aposel 1:13

Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.

Aposel 12:17

Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Aposel 15:13

Sahou turu ano le badeh, Jemis asehek sahou anya, “Ado nadu tine kanuhun jo.

Aposel 21:18

Na len ari ja badeh, Pol hawe aso mari ala anyolom Jemis; ma oro lau ta Jises rayah tinan are aliy ale.

Galesiya 1:19

Jo badeh, batou oro aposel marakon bwe. Jo badeh, atou le Pita hawe Jemis, nadu tine Laban tataha Jises.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.