Metiu 10:2 - Nyindrou

² Nyara oro aposel ma ronoh la-uh i buku doh: Ari in bwena badeh, Saimon, nyaran ari ja Pita, ma nadu tinen Enduru. Ano, Jemis hawe Jon, uru nadu Sebedi.

Metiu 10:2 Iomraidhean Croise

Metiu 17:1

Len onoh ano, Jises kuhi Pita uru Jemis hawe nadu tinen Jon. Iy kuhi oro ala bwele-e mandrei ari loken labai, ya oro le ado aliy.

Metiu 20:20

Hamon ta aliy tine uru nah ma la-uh nadu Sebedi hawe nadun uru ame atou Jises. Eme iy atehei bwili ndru-un i andri ma iy anya kandremenya Jises ta lakou ari.

Metiu 26:37

Iy kuhi Pita hawe nadu Sebedi uru ma la-uh, iy tikisiy ma budon tan andra-i labai.

Metiu 4:18

Jises edek kabede gwa li Galili ma iy atou Saimon, iri aloh iy ale Pita, uru nadu tinen Enduru. Uru akeh kubwin ili bolo gwa li ta akohok ni, tasah uru lau ta bwisir ta ni.

Metiu 4:21

Iy edek ili bwena ja, ma iy atou Jemis nadu Sebedi hawe nadu tinen Jon. Uru ado bolo ndron hawe tama uru Sebedi, lowosa kubwin toro. Jises eme aloh uru,

Tarou ta Mak 1:29

Ano nawin bwe oro ame len ta asiu ta atukum tiri Juwis ma oro adek ales ala asiu ta Saimon uru Enduru, ma Jemis uru Jon a hawe oro.

Tarou ta Mak 13:3

Ya eme Jises manyah udu bwele-e mandrei Olip bilisiu ta asiu tinan ta Kindrei. Iy le ari udu ndra ndrahun, eme Pita ma Jemis hawe Jon uru Enduru ala ndremenya iy anya,

Tarou ta Mak 6:30

Eme oro aposel ame hamon ame hawe Jises, ma oro asehek nyalan ta lakou mari oro amekes.

Tarou ta Luk 11:49

Ado kanuhun kamwenen! Tasah, ta katin doh, na tanan ta Kindrei mwasin le, iy anya, ‘Jo kameh suni iri propet hawe iri lau ta batun tiri lau ta Kindrei, ala hawe iri. Ma idah kameh, iri adai iri propet rayah amak, hawe adai iri lau rayah ta batun tiri lau ta Kindrei kameh amak ma hawe bwese isi tinan.’

Tarou ta Luk 22:14

Eme mada an ta aimon nyamon asahan badeh, Jises hawe oro lau tan manyah ado andri ndrahu nyamon.

Tarou ta Luk 22:8

Eme Jises suni Pita uru Jon kala Jerusalem ma tiye turu anya, “Ah kala bwena kalowosa lakou ta to ta aimon na len ta Pasoba.”

Tarou ta Luk 5:10

Ma uru lau badu hawe Saimon, Jemis uru Jon nadu Sebedi badeh, mani uru atur ale. Ano Jises tiye i ta Saimon, “Kabwai, ou sanoh; na dah, ma na len hamon eme, ou kameh akohok iri ndramak, i buku ou awe-ek ni badeh.”

Tarou ta Luk 9:10

Ano, oro lau tan ame hamon, ya oro asehek nyala Jises ta lakou mari oro amekes. Ano iy kuhi oro ala hawen ma oro ala kon tinan ari aloh Betsaida.

Tarou ta Jon 12:22

Pilip eme tiye Enduru, oro adek ala. Eme uru ala tiye Jises.

Tarou ta Jon 13:23

Lau ta Jises ari manyah udu hawen, iy lau doh Jises aso-ok iy labai.

Tarou ta Jon 20:2

Iy sakaliye eme hamon tiye jo hawe Saimon Pita. Jo badeh, lau ta Jises iy aso-ok labai. Mariya tiye taru i buku doh, “Iri ndrabwese-ei Laban udu bolo lek tan ndra-au. Iri ndrabwese-ei iy ndrala heh handru, to bala tanan bwe.”

Tarou ta Jon 21:2

Saimon Pita, Tomas (nyaran ari ja Didimus), Nataniyel iy badu Kana udu loboho Galili, ma nadu Sebedi uru ma la-uh, hawe uru lau tan la-uh ja, are hawe oro ale.

Tarou ta Jon 21:20

Pita tubuni madan, eme iy anyolom lau ta Jises ari nane nyaran Jon, Jises ale aso-ok iy tinan labai. Iy in hamon turu eme. Iy doh mene manyah udu mirihik hawe Jises aimon nyamon ado se. Iy ale mene atehei batun ili batala Jises ta ndremenya iy, “Laban, are lau handru kameh edeu sa-oh tam ili mine iri lau ta bahun?”

Tarou ta Jon 21:24

Jo iy lau nane, jo ndranyolom iri lakou nane doh, ma jo ndratorowenei iri ndrala andri. Ma taha ndratanan, saba lakou jo ndratorowenei, iri ndra handru le ai.

Tarou ta Jon 6:67

Jises eme ndremenyani oro lau tan ma ronoh la-uh, “Ado anya ka-au ale?”

Tarou ta Jon 6:70

Ano Jises asehek sahou i toro i buku doh, “Jo andrei ado ma ronoh la-uh badeh, an hamon tek. Arile, iy ari in bolo ado badeh, iy balik.” (

Tarou ta Jon 6:71

Jises asehek Judas nadu Saimon Iskariyot. Judas iy ari badu hawe oro ma ronoh la-uh. Arile, udu hamon ja badeh, iy amekes sa-oh ta adai Jises.)

Tarou ta Jon 6:8

Lau tan ari ja badeh, Enduru nadu tine Saimon Pita, iy asehek anya,

Aposel 1:13

Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.

Aposel 1:26

Ano oro asoh nyek. Eme nyek ihis ta Matiyas. Ya eme iy ili hawe oro aposel ma ronoh ari nane dah.

Aposel 12:2

Iy badeh, tiye ndramak tan ari ta bahun ili mwetehei Jemis, nadu tine Jon, imek na samen gwak iri aloh bainat.

Aposel 3:1

Ya, na mada an taloh na beyeh ari badeh, Pita hawe Jon, uru au ala loken ala asiu tinan ta Kindrei asolom.

1 Korin 15:7

Iy ale asahan hawe Jemis, ano iy barasahan hawe oro aposel tan marakon.

Epesus 4:11

Ndramak doh, iy amwenen edeu ndramas ili tiri mwan ma badih. Ma iy edeu ndramas i buku doh: Iy edeu ndramas ili tiri rayah ta amekes gok aposel. Rayah ta amekes gok propet, rayah ta atiye sahou tan ili kon rakon, rakon. Ma rayah iy edeu ndramas ta atondrok iri lau ta Kindrei, o lau ta leheya.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

1 Pita 1:1

Jo Pita, jo aposel ta Jises Krais, jo atorou la-ukei dah ewek taha lau mwan hawe badih handru ta Kindrei. Aha ndraseker i buku iri lau ta ateheh areu bolo kon munyak tinan tiri Pontus, Galesiya, Kapadosiya, Esiya, ma hawe Bitiniya.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

2 Jon 1:1

Jo Jon, jo udu bwena ta lau ta Kindrei, jo atorou la-ukei dah, ewek ta ou badih nane Kindrei ndratehei kalem ndrawek tam, ma hawe nadum oro. Jo badeh, aso-ok ado labai! Jo le bwe, arile, hawe iri lau solo-an labai tana iri sahou handru.

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.

Rebelesen 1:9

Jo Jon, jo nadu tine aha lau ta Jises. Jo badu hawe aha ta bwese maha-an ma akohok sisi-in, jo udu bilisiu ta Kindrei hawe aha. Ma taha mara-ei ales are le se atadau taha ta bwese maha-an. Jo mene atiye sahou ta Kindrei, ma jo asehek ta jo amwenen badeh, atehei budon tek mara-ei in ta sahou handru ta nyala Jises. Eme ma iri lau tinan badu Rom badeh, tikahei jo, ma atehei jo ili bolo kou udu busu ari, iri aloh Patmos.

Rebelesen 18:20

Aha lau marakon badu kandrah, hawe iri mwan ma badih ta Kindrei, ma iri aposel hawe iri propet, aha marakon badeh, kasekesek ta lakou nane asahan ta kon tinan doh. Tasah, Kindrei badeh, ndralebelei bundruwe iri lakou tan ndrala. Ma ta kandriyen tan doh, iy edeu bundruwe kandriyen ndra-in mene kon tinan nane doh amekes ewek taha.’ ”

Rebelesen 22:8

Jo Jon, jo amwenen anuhun ma anyolom iri lakou marakon doh. Jo anuhun iri lakou doh ano le badeh, jo eme atehei bwili ndru-uk i andri ili ta angelo nane leheya iri lakou eme tek, ma jo anya katudun iy.