Metiu 10:1 - Nyindrou

¹ Jises luhi oro lau tan ma ronoh la-uh ame hawen, ma iy edeu boto-on ili toro ta atikah malawin ndra-in in la-u lau mwan ma badih iu, ma amekes iri lau tiri sik in bada iri amwenen ja.

Metiu 10:1 Iomraidhean Croise

Metiu 19:28

Jises asehek i toro i buku doh, “Jo asehek handru ewek tado, na len lakou mari asahan ha-un, ya Nadu Ndramak Awas kameh akohok nyaran i tinan, ma iy kameh manyah udu koyeu ta kabin, koyeu doh tan amwenen. Na len doh ado lau ale an hamon tek, ado ale kameh manyah ado koyeu ma ronoh la-uh mwasin, ma ado kameh anuhun sahou toro boho kamen ma ronoh la-uh badu Isra-el.

Metiu 26:20

Kon abeyeh Jises hawe oro lau tan ma ronoh la-uh manyah ado andri ta aimon nyamon.

Metiu 26:47

Iy asehek sahou kahis le, Judas, iy badu hawe oro lau ma ronoh la-uh nane, iy edek eme hawen, hawe iri lau solo-an handru en, ma samen ma kei udu mine iri. Iri tinan tiri pris ma ndramak ereu bwena tiri lau suni oro ame.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Metiu 6:13

Ma ou satehei aso sala bolo iri none. Arile, ou sebenei aso ta sala bolo kandriyen ndra-in ta balik.

Metiu 9:35

Hamon ta aliy, Jises edek ili bolo iri kon tinan ma bwisik mari, ma iy leheya iri in bolo asiu ta atukum tiri. Iy atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin tan. Ma Jises ale mesekei iri lau mari tiri sik in bada iri amwenen ja.

Metiu 9:38

Eme ya ado kasolom ki ta Laban ta kati bilin, ta iy kasuni lau kala katukumwi iri nyamon tan.”

Tarou ta Luk 10:19

Ado kanuhun! Jo badeh, ndratehei boto-on handru ndrawek tado, ta ado winiyan adek bwele-e mwak ndra-in, hawe adek bwele-e sabiyep; ma boto-on ta sakalau boto-on ta balik; ya eme ari lakou winiyan batok tado bwe.

Tarou ta Luk 21:15

Jo le kameh edeu sahou hawe budon mwasin ewek tado, ya iri lau kameh winiyan bandres ma tebelese budon nane jo edeu ewek tado ta atiye bwe. Ma winiyan babisini sahou tado bwe.

Tarou ta Luk 24:49

Ma jo kameh suni lakou mene tama mene tandrakan ta aliy badeh kameh, ewek tado. Arile, ado badeh, kado kon tinan dah kado, winiya ado le barakohok boto-on badu loken.”

Tarou ta Luk 6:13

Ano kon aleu, iy luhi oro lau tan ame badeh, iy lebelei oro ronoh la-uh, badu bolo oro ame len, eme iy tondrohani nyara oro badeh, i aposel.

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Jon 3:27

Jon anuhun, eme iy asehek i toro, “Ndramak winiyan ateu lahou, buku Kindrei badu kandrah amwenen edeu.

Tarou ta Jon 3:35

Taman badeh, aso-ok nadun tinan labai, ma iy eme atehei lakou marakon ili minen.

Tarou ta Jon 6:70

Ano Jises asehek sahou i toro i buku doh, “Jo andrei ado ma ronoh la-uh badeh, an hamon tek. Arile, iy ari in bolo ado badeh, iy balik.” (

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 19:15

Arile, na len ari, iri amekes lahou toro badeh, ma malawin ndra-in tiye i toro anya, “Jises hawe Pol badeh, jo tanan uru ai, ya ado, are lau bah?”

Rebelesen 12:1

Ano badeh, jo anyolom lakou randrah labai asahan bolo kandrah, ma bohok asak ta aliy. Jo anyolom badih ari udu aliy, ma iy asini an i nyara awin tan, ma bun udu bahandra katin, ma ndrau ma ronoh la-uh badu kandrah i nyara barak udu batun.