Metiu 1:2 - Nyindrou

² Udu bada Abraham eme isos bada kabin Debit, kane tubun oro mari ndratorowenei: Abraham atehei Aisik, Aisik atehei Jekop, Jekop atehei Juda hawe nadu tinen oro mari.

Metiu 1:2 Iomraidhean Croise

Aposel 7:8

Ano, Kindrei amekes sahou randra le ta nyala asan ku-i lau i ta Abraham. Eme Abraham asahan tama Aisik, ma tinen atehei iy eme len ano. Len tan asahan ndru la-uh badeh, taman Abraham sani ku-in. Ano Aisik badeh, atehei Jekop, ya Jekop asahan tama tubu taha oro ma ronoh la-uh.

Jenesis 25:26

Ano ja badeh nadu tinen in hamon eme len ja badeh, minen tawi bwisimwe-e kati Iso. Eme nyaran badeh i Jekop. Aisik badeh jaha tan asahan ndro tonoh (60) eh, Rebeka atehei uru ame len.

Rebelesen 7:5

Eme ma, iri mwan ma badih ma ralou luwa (12,000) badu boho kamen ta Juda, iri akohok kalem, ya ralou luwa (12,000) ja badu boho kamen ta Ruben, ma ralou luwa (12,000) ja badu boho kamen ta Gat,

Hiburu 11:11

Abraham ndrasahan alon kabwe, ma Sara ale winiyan bato-ou nah bwe, arile Abraham atehei budon tan mara-ei handru udu ta Kindrei le ari, iy ta amekes iri lakou marakon badeh, in hamon le tiri tandrakan tan mwena. Eme ma Sara tuwi nadun mwan.

Hiburu 7:14

Taha ndratanan ai, Laban tataha badeh, iy asahan boho kamen ta Juda. Eme Moses mene basehek se sare boho kamen nane doh kameh iri asahan pris bo-oh.

Jenesis 25:19

I dah badeh sare nadu Abraham Aisik. Abraham badeh atehei Aisik,

Metiu 1:1

Idah nyara tubu Jises Krais, nadu Debit, iy ale nadu Abraham.

Metiu 1:3

Ano Juda atehei Peres uru Sera, tine uru badeh Tamar, Peres atehei Hesron, Hesron atehei Ram,