Jenesis 4:2 - Nyindrou

² Eme ma iy atehei nah mwan; ano iy tiye, “Laban aseben jo ma nah mwan ndrasahan.” Eme iy tondrohani nyaran Ken. Ano badeh iy atehei mwan ari ja nyaran Abol. Eme badeh Abol badeh asahan ndramak ta atondrok iri katin haka, ma hawe Ken badeh asahan ndramak ta bilin.

Jenesis 4:2 Iomraidhean Croise

Jenesis 3:23

Eme ma Laban Kindrei suni iy iu i len ta bilin Iden ma mwesekei iy apou munyak ala mene bwidi iy mene asahan na aliy.

Jenesis 37:13

Eme badeh Jekop tiye i ta Josep, “Ou tanam nadu tinem oro badeh atiye iri katin haka badeh aimon bwidiu ado mirihik ta Sekem. Ou ame, jo anya kaseken ou a hawe oro.” Eme iy anya, “Mwasin jo aseken.”

Jenesis 4:1

Ano badeh Adam amadin hawe udun, eme ma ndrine udun i tinan.

Jenesis 4:3

Ano oro ado sese badeh, Ken eme badeh andrei nyamon rayah badu bilin eme iy asun i nyara salom i ta Laban.

Jenesis 47:3

Eme kabin ndremenya oro, “Saba lahou tado?” Eme oro anya, “Lahou taso badeh ta atondrok iri katin haka sipsip, i buku none tubu aso oro bwena mene.

Jenesis 9:20

Nowa badeh ndramak ta amwekes bilin ma hawe iy ndramak ta atah wa-in ma mwena.

Tarou ta Luk 11:50

Ya eme ado lau na len dah kameh a saluwe iri lau ala adai iri propet mene amak, kabatana munyak asahan le.

Tarou ta Luk 11:51

Udu ndra kabatana ndraye Ebol eme isos ndraye Sekaraya, mene adai iy ya ndrayen amou udu ndrokowa mada koto-ok ma asiu ta atudun. Eme jo bawendreya bwe, ado lau na len dah kameh a saluwe oro bwese isi mari doh.

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

1 Jon 3:10

Buku none aha anya katana aha, are lau handru nadu Kindrei, ma are lau handru badu hawe tama balik Satan, san in aliy: Iri lau mwan ma badih ale bamekes kandriyen mwasin bwe, ma iri batehei ndrine iri mwasin bala ta nadu tine iri ari ja, ta Krais bwe, badeh, iri nadu Kindrei bwe.

1 Jon 3:12

Eme ma aha sa-en hamon ta kandriyen ta Ken mene mesekei, ndri-iy. Iy badeh, in hamon ta tama balik Satan, ya iy idi nadu tinen Ebol imek. Tasah handru, iy idi nadu tinen? I buku doh: Iy badeh, kandriyen tan ndra-in, ma Kindrei atehei konan i tan, arile kandriyen ta nadu tinen badeh, mwasin, ya Kindrei aso-ok labai. Eme ma, Ken ibolosen, ma iy idi nadu tinen imek.

1 Jon 3:15

Ndramak ndrinen ndra-in deh, iy bwalen nadu tinen ari ja, iy badeh, idih ta kandriyen ndra-in, buku none le iy ndradai nadu tinen ari ja ndramak. Ya aha ndratana aha, are lau ndradai nadu tinen ari ndramak badeh, iy winiyan bakohok koha Kindrei mwasin ta ereu la-un ereu le buku doh bwe.