Jemis 5:9 - Nyindrou

⁹ Aha nadu tine mwan ma badih ta Kindrei, aha sanunu-uh ma satebelese hawe nadu tine aha iri rayah ja. Kindrei kameh asahan buku ndramak ta anuhun sahou, ma iy kameh atehei aha ala ta mada sahou. Tasah, iy badeh, ales udu le madasan taha!

Jemis 5:9 Iomraidhean Croise

Jenesis 4:7

I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”

Metiu 24:33

Ya, buku none aha anyolom iri lakou nane jo ndrasehek, aha tana aha len ndrame bakep, ya Nadu Ndramak Awas ndrareu le mada kou ta eme hamon ai.

Tarou ta Mak 13:29

Ya, buku none aha anyolom iri lakou nane jo ndrasehek, aha atana aha len ndrame bakep ai.

Tarou ta Mak 6:19

Eme Herodiyas badeh, tan losen in ta Jon ma iy anya kidi iy, arile iy udu bahandra tondrok ta Herot,

1 Korin 10:11

Iri lakou marakon asahan tiri nane doh ta leheya eme mada taha le. Lakou marakon nane doh iri ndratorowenei ale udu bolo buk ndrabun ta leheya taha lau nane ado kada-ah. Tasah, taha ndrame mirihik ta len ta kon munyak anya kano.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

2 Korin 9:7

Eme ma, aha ari, ari kabudon ndrinem le amwenen op, ma ou tanam ta saba lakou, aha anya kadeu. Kora-on ari mwan o badih, ndrinen basekesek ta edeu lakou bwe, ma iy abudon i buku doh: “Iri mwan ma badih abadok labai ma aruwi jo, ma bwilik ama buku jo badeu rayah luk bwe.” Kora-on iri budon solo-an doh udu taha, ma aha adeu luk. Kindrei badeh, aso-ok ndramak, iy sekesek ma edeu lakou na so-ok ma na budon tan amwenen.

Galesiya 5:14

Tasah, batanau malen mari eme bahandra batanau ari le: “Ou aseken iri lau ari ari badu hawem, i le buku ou aso-ok ou le.” Lebitikus 19:18

Galesiya 5:26

Taha sabudon anya taha ndra ari ai, bwe. Ma taha sasakalau ndramak ari ari, ma hawe mada taha salikis ndramak ari ja.

Jemis 4:11

Aha nadu tine mwan ma badih ta Kindrei, aha badeh, saluhe iri lau ta Kindrei. Are mwan o badih, iy aluhe o asehek nadu tinen iri rayah ja, iy badeh, aluhe batanau amwenen. I buku aha orou sahou i ta batanau, ou badeh, bado bahandra batanau ja bwe, tasah ou ndrasahan buku ndramak ta anuhun sahou, ma ou asehek i bada batanau amwenen.

Jemis 4:12

Kindrei le adeh, atehei kandriyen malen i mine Moses, ya iy le ari badeh, ndramak ta anuhun sahou tataha. Ya iy winiyan sebenei taha, ma iy winiyan idi ndramak imek. Ya aha anya, aha sah bah? Ya aha orou sahou i bada lau rayah ja?

Jemis 5:10

Aha nadu tine, aha kabudon oro propet bwena mene, oro mene atiye sahou ta nyara Laban. Kandriyen tiri badeh, mwasin labai ta aseben taha. Iri lau ta kaliu badeh, banuhun sahou toro bwe, ma iri amekes kandriyen ndra-in i toro propet doh. Arile, oro atehei ndrine oro udu mwasin ta bwese iri maha-an. Aha badeh, kandrei kandriyen toro doh, ma ka-en hamon ta aliy.

Jemis 5:7

Eme ma aha nadu tine mwan ma badih ta Kindrei, aha katehei ndrine aha handru kili ta Laban, ya aha kabwese iri maha-an, ma kabe-en iy ta eme hamon. Aha tana aha, ndramak tan bilin ereu aliy, iy kameh abe-en nyamon mwasin asahan aliy. Iy kameh atehei ndrinen handru, ya iy ereu le abe-en ur hawe an, uru amekes gok turu. Hamon ta aliy, iy barala barakohok sali nyamon tan ai.

1 Pita 4:5

Arile, hamon kameh iri ales areu mada sahou hawe Kindrei, ya iri kameh asehek nyala iri lakou mari mene iri amekes i tan. Iy ndralokou iy kabwe ta anuhun sahou nyala kandriyen tataha lau koha taha kahis le, hawe iri lau ndramak ale.

1 Pita 4:9

Ya, buku none iri lau ra-on ja ta Kindrei ame areu hawe aha, mwasin, aha katondrok iri kamwenen. Ndrine aha sandra-i ta amekes kandriyen mwasin i tiri.

Rebelesen 3:20

‘Aha ndranyolom jo! Jo ales udu kona kou, ma jo alim kou. Buku are lau, iy anuhun bohok, ma iy sihi kou, jo kameh ili bolo asiu hawen, ma aimon nyamon hawen, ma iy aimon nyamon hawek.