Jemis 4:5 - Nyindrou

⁵ Buk ndrabun ndratiye, i buku doh, “Malawin mwasin nane Kindrei atehei udu bolo taha, len mari iy aso-ok taha ka-en bahandran amwenen.” Aha anya, sahou dah, sahou laleyah nadeh?

Jemis 4:5 Iomraidhean Croise

Jenesis 26:14

Iy badeh katin haka tan solo-an labai ma iri lau ta lahou tan solo-an ale, eme badeh mada iri Pilistin alikis.

Jenesis 30:1

Ano na len Rejel anyolom iy bato-ou nah nadu Jekop bwe badeh, eme madan alikis nadu tinen. Eme badeh iy tiye i ta Jekop, “Ou atehei nah ki ndrinek, bwe kameh jo imek ai!”

Jenesis 37:11

Eme nadu tinen oro badeh mada oro badeh alikis tan, arile taman tawiy udu budon tan.

Jenesis 38:9

Arile Onan badeh tanan, i dah kameh nah kameh bala lundriyen bwe; eme i buku none len mari iy amadin udu nadu tinen kameh gwa tan iu leleya bada munyak. Ya i dah kameh basahan nah nadu nadu tinen bwe.

Jenesis 6:5

Eme ya len Kindrei anyolom iri lau mari are bolo munyak badeh kandriyen tiri badeh ndrandra-i labai, ma budon tiri badeh ndra karei ma lomondra ndra-in na len mari.

Jenesis 8:21

Eme mahu bubure salom dah mwesekei Laban sekesek handru eme ma iy tiye udu ndrinen i buku doh, “Jo kameh winiya badeu maha bame ta munyak ja bwe ai, tasah tiri lau amwekes lakou; jo tanan na len iy ma loweu le badeh budon tan ma ndra-in le. Eme ya jo kameh winiyan badai iri lau mari ja bwe ai, i buku jo mene amwekes dah ja bwe ai.”

Tarou ta Jon 10:35

Bwena mene Kindrei asehek sahou dah ili tiri lau, iy tiye tiri ta iri ndra kindrei. Aha ndranuhun, sahou udu bolo buk ndrabun ta Kindrei kameh udu le buku doh, winiyan bano bwe.

Tarou ta Jon 19:37

Sahou randra ja bolo udu buk ndrabun asehek i buku doh, “Iri kameh anyolom i ta ndramak nane iri orowei kabeden na nyah.” Sekaraya 12:10

Tarou ta Jon 7:42

Buk ndrabun ndrasehek, Mesaya kameh asahan boho kamen ta Debit. Ma buk ndrabun asehek ale ta Mesaya kameh asahan Betlehem kon tinan ta Debit bwena mene udu aliy.”

Aposel 7:9

“Eme nadu tine Josep oro ma ronoh ari badeh, mada oro alikis iy, ma oro atehei iy i ta sisih i buku bonyo-ou ili Ijip. Arile, Kindrei udu hawen,

La-ukei ta Pol atorou ili tiri lau badu kon Rom 1:29

Eme iri badeh, ndradah ta kandriyen ndra-in mari. Iri adah na kandriyen ta aseken lakou tiri rayah. Iri amekes budon ta amekes isi i tiri lau. Iri amekes madalakis i tiri lau, iri andra-i i la-u iri lau, ma adai iri lau amak. Iri sokolowa ta katehei budon tiri ki ta lakou handru bwe. Iri bahana sahou ndra-in asehek i tiri lau. Iri asehek sahou ta wasai tiri lau udu ndranye lau mari.

La-ukei ta Pol atorou ili tiri lau badu kon Rom 9:17

Tasah, sahou mene ndratorowenei tiye i ta Parou asah i buku doh: “Jo mene atehei ou asahan kabin ta anyehe budon ta jo badeh, kaleheya boto-on tek kewek tam. Ya eme ma iri lau kameh winiyan atudun nyarak ma atiye sahou tek i tiri lau badu kon munyak mara-ei.” Eksodus 9:16

1 Korin 6:19

Handru, bada aha badeh, taha le bwe. Bada aha badeh, buku asiu ndrok ta Malawin Ndrabun. Sebwe, aha babudon ta aliy bwe nadeh? Kindrei atehei Malawin Mwasin ndrawek taha, ma iy udu bolo oda aha. Eme ma aha taha le bwe, aha ta Kindrei ale.

2 Korin 6:16

Kili buku sah bah? Sebwe taha badeh, katehei asiu ndrok ta Kindrei, hawe asiu ta asumwe iri sukumada kei kili le ra-em, nadeh? Sebwe kameh winiyan bwe-en! Ma aha tanan, taha lau ta Kindrei, taha amwenen badeh, asahan buku asiu ndrok ta Kindrei kohan udu aliy, ta udu le buku doh. Ma iy winiyan manyah mwasin udu bolo asiu doh. Bwena mene Kindrei tiye i buku doh, “Jo kameh udu hawe iri ma edek bolo iri. Ma jo kameh asahan Kindrei tiri, ma iri kameh asahan iri lau tek.” Lebitikus 26:12; Jeremaya 32:38; Isikiyel 37:27

Galesiya 3:8

Sahou ta Kindrei badeh, ndrasehek ndra bwena, ta iy kameh aloh iri lau badu leheleh mwasin mara-ei ta madan i san ta budon handru le. Eme ma iy ndrasehek ndra ta Abraham ta sahou mwasin ta Krais i buku doh, “Na lundriyem oro le kameh, jo kameh edeu nyosowan i la-u iri lau mari badu munyak.” Jenesis 12:3; 18:18; 22:18

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.