Jemis 4:1 - Nyindrou

¹ Saba lakou handru ale amekes bahun hawe losen udu bolo ndrokowa aha? Sebwe iri kandriyen ta ndrine aha ato-ou ta losen suwi, badeh, udu bolo oda aha, ma amekes bahun hawe budon ma tanan mwasin ta atondrok bada aha mara-ei.

Jemis 4:1 Iomraidhean Croise

Metiu 15:19

Iri lakou mari ale asahan ta budon ta ndramak badeh, lolowa ndramak amekes lomondra ndra-in. Lakou buku none, budon ndra-in, kandriyen ta adai ndramak imek, ya iri kandriyen mari ta karei, ma kandriyen ta amekes tasou andra-i, kandriyen ta bahana, kandriyen ta amekes sahou wasai ereu mada iri lau ta anuhun sahou, ma kandriyen ta amekes sahou ndra-in i bada ndramak ari ja.

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

La-ukei ta Pol atorou ili tiri lau badu kon Rom 7:23

arile jo ja anyolom kandriyen randrah ja amekes lahou udu bolo odak mari, ya kandriyen doh akek eme hawe bar tek ta lomondra mwasin. Eme ma kandriyen doh sawei jo udu baha boto-on ta karei ma lomondra ndra-in sokoro-ei bolo odak mari.

La-ukei ta Pol atorou ili tiri lau badu kon Rom 7:5

Tasah, bwena mene, kandriyen ta karei ma lomondra ndra-in badu bolo taha badeh, ndratondrokei taha. Ma batanau malen mesekei kandriyen ta karei ma lomondra ndra-in doh towodau udu bolo oda taha eme loke; eme ya ta katin doh taha mene adek san ta tiyani taha ala bolo imek.

La-ukei ta Pol atorou ili tiri lau badu kon Rom 8:7

Ya, are lau atehei karei ma lomondra ndra-in udu bolo budon tan badeh, kameh mesekei le bahun hawe Kindrei. Tasah, are lau amekes kandriyen i buku doh, iri lau doh badeh, batehei oro bala bahandra tondrok ta batanau malen ta Kindrei bwe, ya iri winiyan ba-en hamon ta batanau tan bwe.

Galesiya 5:17

Tasah, so-ok ma kandriyen ta bada taha i randrah labai, bala buku none so-ok ma kandriyen ta Malawin Ndrabun bwe. Uru ma la-uh doh winiyan badek se bwe. Eme ma, iri lakou aha anya kamekes, aha winiyan bamekes bwe.

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

2 Timoti 2:23

Ma ou adeu konam kili tiri sahou ari katin ma moson bwe. Tasah, ou tanam iri sahou doh badeh, ta amekes kandriyen ta tebelese asahan.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

Taitus 3:9

Arile, ou badeh, teleya ou ta tebelese ta sahou laleyah ta sare iri Juwis. Ya, i buku none iri kandres ou ta kandriyen malen tiri Juwis, ou sala ta aliy. Tasah, iri sahou doh, ari moson ta aliy bwe, ma ba-en badan bwe.

Jemis 1:14

Arile, ndrine taha mari ari ari badeh, atadau ma ariu taha. So-ok tataha ndra-in amwenen nane doh badeh, indrek taha ma wendreya taha ta amekes kandriyen ma lomondra ndra-in.

Jemis 4:3

Buku aha asolom i ta Kindrei ta lakou aha aso-ok, ya aha bakuhiy bwe, tasah budon taha bamwenen bwe. Ya, aha asolom laleyah i ta Kindrei ta akohok lakou nane ta aseben ndrine aha, ma ta amekes aha kasekesek.

1 Pita 1:14

Aha kasahan ndramak ta anuhun sahou, tasah aha ndrasahan buku nadu Kindrei. Bwena mene aha budon mwasin bwe, ma aha an hamon ta budon ndra-in. Arile, na dah, aha sa-en hamon ta budon hawe kandriyen ndra-in taha bwena mene ja ai.

1 Pita 2:11

Aha kawas tek, jo asehek sahou dah ewek taha, buku none aha areu kon munyak, kon taha bwe. Aha lau ta teteheh le, eme ma aha satehei kandriyen ta budon ma ndrine aha ndra-in sa-en bwena taha, ndri-iy. Tasah, kandriyen ndra-in ta budon ma ndrine aha badeh, kameh amekes bahun hawe malawi aha mwasin.

2 Pita 2:18

Eme iri badeh, amou gwa ta atudun iri le ma asehek sahou mwasin mwasin ta nyala tanan ta wasai. Arile, sahou tiri badeh, nyaman nyaman ta aliu iri mwan ma hawe iri badih kasahan lau tiri. Ma iri badeh, tiye i toro anya, “I buku none ado anya kamekes kandriyen ta amekes bada ado kasekesek badeh, mwasin ta ado kamekes kili le ai.” Iri amekes kandriyen doh badeh, i toro lau nane baruwaniy ta amekes iri kandriyen ndra-in barame len ai.

2 Pita 3:3

Arile, ma laba tinan badeh, bale ado samani lakou dah: Na len eme kameh iri lau rayah ta amekes kandriyen ndra-in kameh asahan, ma iri a-en hamon ta amekes bada iri. Iri lau doh badeh, ta bobose.