Jemis 3:9 - Nyindrou

⁹ Taha atudun ma adeu wurah i ta Laban hawe tama taha Kindrei badeh, na boho taha. Ma na boho taha le amwenen badeh, taha aten iri lau. Taha amekes kandriyen ndra-in buku doh, arile Kindrei badeh, mesekei kone taha mari asahan i buku le iy amwenen.

Jemis 3:9 Iomraidhean Croise

Jenesis 5:1

Ya i dah sare Adam oro ai. Len Kindrei mwesekei lau awas badeh, iy mwesekei konen i le buku iy.

Jenesis 9:6

Tasah ndramak badeh mwesekei iy konen i le buku Kindrei, eme ya i buku none are lau idi ari ndramak imek, badeh iy ndramak nane doh, badeh lowan oro kadai iy kimek.

Metiu 26:74

Ano Pita tandrakan boto-on labai, “Jo asehek sahou handru, jo tanan ndramak badeh, bo-oh. Buku none jo wasai, Kindrei kamesekei maha-an keme la-uk.” Iy asehek sahou ano le badeh, kakaro eden.

Metiu 5:44

Arile jo katiye tam, ou aseken iri lau amekes budon ndra-in ewek tam. Ma ou amekes salom ki ta Kindrei ta iy kaseben iri lau amekes ndra-in ewek tam ta adai ou.

Aposel 2:26

Eme bwidi ndrinek sekesek ma jo asehek ta aliy, Ma jo ale atondrok ta lakou mwasin handru kameh asahan hamon.

La-ukei ta Pol atorou ili tiri lau badu kon Rom 3:14

“Boho iri badeh, ndrarahak le aten, ma ndra losen le.” Wari 10:7

1 Korin 11:7

Ndramak mwan satubuloh batun. Tasah konen hawe nyasou tan i buku le Kindrei, ma Kindrei atehei budon ma nyasou mwasin ili tiri i buku le tan amwenen. Ya, badih badeh, leheya budon ma nyasou mwasin ta lau mwan.

Epesus 1:3

Taha badeh, katudun nyara Kindrei, iy tama Laban tataha Jises Krais. Na Krais le badeh, iy ndratehei tataha lakou marakon mwasin badu kandrah ta aseben malawi taha.

Jemis 1:27

Tasah, kandriyen ta lau ta Kindrei badeh, amwenen mara-ei, ma ari lomondra ndra-in bado budon ta tama taha Kindrei bwe, i buku doh: Taha badeh, kabudon ma katondrok iri nah, tama iri ma tine iri ndramak, ma hawe iri badih, udu iri ndramak, ma kaseben iri ta bwese maha-an tiri. Ya, lakou ari ale i buku doh, taha badeh, kantondrok tekedek tataha kamwenen, idah kameh kandriyen badu kon munyak winiyan baruwi taha bala bolo ndraka-an bwe.

Jemis 3:10

Sahou ta atudun nyara Kindrei ma aten badeh, udu boho taha amwenen eme len. Aha nadu tine mwan ma badih, kandriyen doh ndra-in mara-ei, taha samekes.

1 Pita 1:3

Taha badeh, katudun nyara Kindrei, iy badeh, tama tinan tataha Jises Krais. Iy badeh, tikisi taha tinan labai, ma iy sebenei taha i buku doh: Iy badeh, mene mete-ei Jises Krais amak eme awas ja. Eme ma, na san le doh, taha are awas kahis ta atondrok Kindrei ta akohok taha ta ala ado hawen.