Jemis 3:2 - Nyindrou

² Na len ari, ari taha badeh, abudon ta amekes kandriyen ndra-in, ma taha atalei. Arile, kandriyen doh badeh, asahan tataha mari. Buku ari mwan o badih basehek rayah sahou ndra-in bwe, iy badeh, lau mwasin handru, ya iy winiyan tondrokei badan ma kandriyen tan mara-ei.

Jemis 3:2 Iomraidhean Croise

Metiu 12:34

Idoh buku le aha Parasi. Aha lau buku le mwak ndra-in, ya aha winiyan bamekes sahou mwasin na boho aha bwe. Tasah, boho ndramak badeh, asehek iri budon solo-an ale idih ereu bolo ndrinen amwenen.

Metiu 12:37

Ehe, sahou doh handru! Tasah, Kindrei kameh aleben aha ta sahou mene aha ndrasihidiy. Ma, na idoh Kindrei kameh aloh aha lau mwasin deh lau ndra-in, kandriyen tan ndra-in udu badan.”

La-ukei ta Pol atorou ili tiri lau badu kon Rom 3:10

Sahou dah handru, i buku none ndratorowenei, “Lau mari badeh, ndra ndra-in le ai, ari mwasin ja bwai;

La-ukei ta Pol atorou ili tiri lau badu kon Rom 7:21

Ya eme sendrehendreh ta aliy i buku doh: Jo anya kamekes kandriyen mwasin badeh, kandriyen ndra-in nane udu bolo odak kodo-on aliu jo amekes le kandriyen ndra-in ja.

1 Korin 9:27

Jo bwidi badak amwenen i buku bonyo-ou tek. Jo a-um badak amwenen ta amekes iy kabadok ta bahun. Jo amekes i buku doh, tasah, kora-on jo kasehek sahou mwasin kili tiri mwan ma badih rayah, ano Kindrei kameh asehek eme tek i buku doh, “Ou ndramalin mara-ei.”

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

Galesiya 5:17

Tasah, so-ok ma kandriyen ta bada taha i randrah labai, bala buku none so-ok ma kandriyen ta Malawin Ndrabun bwe. Uru ma la-uh doh winiyan badek se bwe. Eme ma, iri lakou aha anya kamekes, aha winiyan bamekes bwe.

Kolosi 1:28

Eme ma, ahi aposel badeh, atiye sahou mwasin ta Krais ili tiri mwan ma badih marakon. Ahi leheya iri mwan ma badih ta tanan marakon ahi tawi, ma ahi batanau iri ta iri katondrok iri kamwenen ta a-en hamon tiri sahou marakon ta Kindrei. Tasah, ahi aposel anya katiye iri mwan ma badih ari, ari kala hawe Kindrei. Ma, na len iri asahan hawe Kindrei, ahi aso-ok iri kasahan kamwenen buku Krais ma ahis hawen.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

Jemis 1:26

Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

Jemis 1:4

Buku none ado atehei budon handru in ta Kindrei, ma ado a-en hamon ta sahou handru, idoh kameh winiyan sebenei ado ta ales boto-on, ta iri lakou anya kasahan tado. Eme ma, ado kameh asahan lau handru ta Kindrei, ma winiyan barah ta lakou mwasin tan bwe.

Jemis 2:10

Ya, sahou dah handru. Tasah, buku ari ndramak anya, iy in hamon ta sahou batanau mara-ei, arile iy bokoro-ei sahou batanau ari le udu bolo oro sahou batanau ta Kindrei mara-ei, Kindrei anya iy badeh, ndrabokoro-ei batanau mari ndrandra-i kabwe.

1 Pita 3:10

Taha ndratana taha, buk ndrabun asehek i buku doh, “Are lau aso-ok kohan mwasin hamon, hawe manyah tan kudu mwasin, iy badeh, saluhe hawe iy sawasai, ndri-iy labai.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.