Jemis 2:8 - Nyindrou

⁸ Buku aha a-en hamon ta batanau ari le mwasin nane Kindrei atehei eme tataha anya, “Ou aseken iri lau ari ari badu hawem, i le buku ou aso-ok ou le,” Lebitikus 19:18 idoh mwasin. Jo ari sahou ta aliy bwai.

Jemis 2:8 Iomraidhean Croise

Jona 4:4

Laban eme asumon sahou ta Jona anya, “Ou abolosen badeh, katin sah?”

Jona 4:9

Kindrei eme tiye ta Jona i buku doh: “Badamalou badeh asara eme bwidiy ou abolosen neh? Ou abolosen badeh, katin sah?” Jona eme asehek sahou ja, “Ehe, losen tek badeh amwenen. Jo ibolosen badeh, winiyan bwidiy jo kimek ki-iu.”

Metiu 22:39

Ya sahou batanau ari ja i buku le aliy, ‘Ou aseken iri lau ari ari badu hawem, i le buku ou aso-ok ou le.’ Lebitikus 19:18

Metiu 25:21

“Tinan tan anya, ‘Lohowan tek, ou ndramak mwasin, ou ndranyowo-ei lakou nadu bwisik, idah kameh jo mesekei ou atondrok lakou tinan; ou ala bolo kon tek ta sekesek.’

Metiu 25:23

“Tinan tan tiye tan, ‘Ou ndramak mwasin; Ou ndranyowo-ei lakou nadu bwisik, idah kameh jo mesekei ou atondrok lakou tinan, ou ala bolo kon tek ta sekesek.’

Metiu 7:12

Ya, udu bolo lakou mari, ou amekes kili tiri lau, saba lakou ou aseken iri lau kamekes kewek tam ale. Idah amwenen le ta sahou batanau ta Moses, ma hawe sahou leheya tiri propet.”

La-ukei ta Pol atorou ili tiri lau badu kon Rom 13:10

Ya eme are lau aseken lau badu mirihik tan badeh, iy winiyan bamekes budon ndra-in bala tiri bwe. Eme ya sendrehendreh ta aliy i buku doh: Kandriyen ta aseken ndramak ari ari badeh, mesekei ou an hamon ta batanau malen mari.

Galesiya 5:14

Tasah, batanau malen mari eme bahandra batanau ari le: “Ou aseken iri lau ari ari badu hawem, i le buku ou aso-ok ou le.” Lebitikus 19:18

Galesiya 6:2

Aha badeh, kabwese maha-an ta nadu tine aha ari ja. Ya i buku none aha kamekes kandriyen doh, aha an hamon ta kandriyen ta Krais.

Pilipai 4:14

Eme ya jo baseken ta ado kanyohan jo na lakou na len jo udu ta maha-an bwe, arile jo sekesek ta seben tado.

1 Tesalonaika 4:9

Ya, jo gok ta atorou rayah sahou ewek taha ta kandriyen ta aso-ok labai iri nadu tine aha, bwe. Tasah, Kindrei ndraleheya aha ta kandriyen doh, ma aha ndratanan ta aliy.

Jemis 1:25

Arile, sahou ta Kindrei udu bolo tarou malen ma hawe sahou mwasin badeh, amekes gok ta atokos kandriyen ndra-in iu, ma bwidi taha ado mwasin. Batanau doh badeh, amwenen mara-ei. Buku taha mwan o badih anyolom batanau doh amwenen ma a-en hamon ta sahou tan handru, ma Kindrei kameh winiyan amekes iri gok mara-ei tiri mwan o badih nane asahan mwasin labai. Ma iri mwan ma badih buku doh badeh, iri winiyan banuhun sahou laleyah doh bwe, ma maniy suwi labai.

Jemis 2:12

Ya, aha kasehek sahou mwasin, ma ka-en hamon ta kandriyen mwasin, tasah Kindrei kameh edeu lau mari ala ta mada sahou, buku le iy mene ndrabatanau taha bwena i buku doh, “Aha badeh, kaso-ok iri mwan ma badih rayah ja, i buku ou aso-ok ou le amwenen.”

Jemis 2:19

Buku none ou badeh, atehei budon tam anya, Kindrei badeh, ari le. Mwasin. Arile, badeh, lakou laleyah. Tasah, iri malawin ndra-in abudon buku aliy ale, ya iri anoh ma totoreh, tasah Kindrei kameh atehei iri ala ta mada sahou, ma iri kameh ala bolo jih. Ya budon tiri le nane winiyan bamesekei iri asahan mwasin ta mada Kindrei bwe.

Jemis 4:11

Aha nadu tine mwan ma badih ta Kindrei, aha badeh, saluhe iri lau ta Kindrei. Are mwan o badih, iy aluhe o asehek nadu tinen iri rayah ja, iy badeh, aluhe batanau amwenen. I buku aha orou sahou i ta batanau, ou badeh, bado bahandra batanau ja bwe, tasah ou ndrasahan buku ndramak ta anuhun sahou, ma ou asehek i bada batanau amwenen.

1 Pita 2:9

Arile, Kindrei ndranyowonyani aha kabwe, ya aha ndrasahan pris handru ta kabin badu loken. Ma aha ndrasahan lau tan amwenen, ma iy ndramesekei aha ndrasahan ndrabun handru. Kindrei ndranyowonyani aha, ta aha kanyowonya ma kasehek kandriyen mwasin tan, iy mene ndramekes ndrawek taha, tasah iy ndraluhi aha ndrareu bolo lulik ndrame bolo kon tan, lomadan labai.