Jemis 2:3 - Nyindrou

³ Ya, aha kameh amekes mwasin i ta ndramak nane awin tan moroyan ma bek nyikilikin udu kandro minen kameh anya, “Ou ame manyah ado bada bwabwai mwasin dah.” Arile, aha kameh tiye i ta ndramak nane awin tan ndraka-an, anya, “Ou ala ales an kabwek kodo-on op, bwe ou ame manyah an bada kamus mirihik ta katik kada-ah.”

Jemis 2:3 Iomraidhean Croise

Tarou ta Luk 23:11

Ano Herot hawe oro lau ta bahun tan bobose iy, ma atehei kolau moroyan i la-un, ma suni iy i hamon hawe Pailat ja.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Jemis 2:2

Buku none ari ndramak asini awin moroyan, ya iy anyuhi kandro minen ari i bolo bek nyikilikin iri amekes na bek, ewek bolo asiu ta ndrahu tukum taha, ma hawe ndramak ari, awin tan ndraka-an, ewek bolon ale.

Jemis 2:6

Arile, aha badeh, atehei bwilima ili tiri lau nane, tiri lakou bwe. Aha kabudon doh kamwenen. Are lau handru bokoro-ei aha ma atehei maha-an ewek la-u aha ma aluwi aha ala ta mada sahou? Iri le nadu batun badeh, amekes iri lakou doh.

La-ukei atorou Jut 1:16

Iri lau doh bolowa sahou ta Kindrei badeh, ma iri lau nane ta nunu-uh ma ta asehek lau laleyah. Iri a-en hamon le ta budon tiri ma so-ok ta bada iri amwenen. Iri badeh, asehek sahou laleyah, ta atudun nyara iri. Iri sosokok iri mwan ma badih ta bolowa lakou tiri buku luk.