Hiburu 4:2 - Nyindrou

² Taha ndranuhun iri sahou mwasin, i buku le bwena mene iri Isra-el anuhun. Iri anuhun, arile baseben iri bwe, tasah iri batehei budon tiri mara-ei bala ta sahou nane iri anuhun bwe.

Hiburu 4:2 Iomraidhean Croise

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

La-ukei ta Pol atorou ili tiri lau badu kon Rom 2:25

I buku none ou an hamon ta batanau malen, idah kameh, kandriyen ta asan ku-im, kameh bundruwen udu aliy ai. Arile, i buku none ou ba-en hamon ta kandriyen malen bwe, idah kameh ou asahan buku ndramak basan ku-in bwe, ma ou are len ta Kindrei labai.

La-ukei ta Pol atorou ili tiri lau badu kon Rom 3:3

Handru labai! Iri rayah batehei budon tiri ba-en hamon ta sahou dah bwe. Arile aha abudon i buku sah bah? Sebwe budon ndra-in nane iri a-en hamon ta aliy kameh amekes Kindrei tubuni budon ma karuwani sahou tan ai?

1 Korin 13:3

Ano, i buku jo katehei iri lakou tek marakon kili tiri lau ndra-in, tiri lakou bwe, ma iri lau katawi jo, ma kasulumwi jo kandrakak ki-iu ki nyara salom, arile buku jo baso-ok ma batehei ndrinek mwasin bala tiri bwe, iri kandriyen tek marakon doh kameh winiya baseben se jo bwe!

Galesiya 3:2

Eme jo anya ndremenya aha ta aliy, ma aso-ok aha badeh, kasehek kamwenen keme tek: Aha badeh, akohok Malawin Ndrabun ta Kindrei i san ta aha a-en hamon ta batanau malen deh? Bwe! Aha akohok Malawin Ndrabun i san ta aha anuhun, ma hawe i san ta budon taha handru ki ta sahou mwasin.

Galesiya 3:8

Sahou ta Kindrei badeh, ndrasehek ndra bwena, ta iy kameh aloh iri lau badu leheleh mwasin mara-ei ta madan i san ta budon handru le. Eme ma iy ndrasehek ndra ta Abraham ta sahou mwasin ta Krais i buku doh, “Na lundriyem oro le kameh, jo kameh edeu nyosowan i la-u iri lau mari badu munyak.” Jenesis 12:3; 18:18; 22:18

Galesiya 4:13

Aha ndratana aha, ma mwena handru mene jo atiye sahou mwasin ewek taha badeh, sik le sahei, ma jo asehek sahou ta Kindrei mwasin ewek taha.

1 Tesalonaika 1:5

Ahi tanan, Kindrei badeh, ndratiye aha, ta sahou mwasin mene aso atiye ewek taha, badeh, winiyan basahan ndrine aha buku sahou laleyah bwe. Sahou taso badeh, nyamun labai. Ma boto-on ta Malawin Ndrabun ale amekes sahou abadok, ma iy tiye taso ta sahou dah handru. Aha marakon amwenen tanan kandriyen nane aso a-en hamon ta aliy udu ndrokowa aha. Aso amekes i buku doh ta aseben aha mari.

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

1 Timoti 4:8

I buku none ou amekes ndrayem kaseselek, mwasin; arile san ta Malawin Ndrabun badeh, mwasin labai ja ta ou sakaliye niliy. Tasah, idoh kameh sebenei manyah tam udu mwasin na len dah, ma hawe na len hamon kameh eme.

Hiburu 11:6

Ari ndramak winiyan babwidi Kindrei basekesek bwe, i buku iy batehei iri budon tan mara-ei handru bala tan bwe. Buku are lau anya kili hawe Kindrei badeh, iy katehei budon mara-ei kili tan, tasah iy Kindrei handru udu aliy, ma iy edeu ndramas ili tiri lau asilah iy handru.

Hiburu 3:12

Aha nadu tine, aha katondrok aha kamwenen, kora-on nadu tine taha ari udu ndrokowa taha, budon ndra-in udu ndrinen, ma iy kamani budon tan mwasin, ma iy katubuni konan kili ta Kindrei, iy le ari kohan handru.

Hiburu 4:6

Idoh ta leheya taha. Iri lau ma bwena mene anuhun sahou mwasin, arile iri bandrei amunyau doh bwe, tasah iri batehei budon tiri bala tan bwe. Arile, na dah, lau winiyan akohok amunyau doh kahis.

Jemis 1:21

Eme ma, aha badeh, karuwani iri kandriyen ndra-in ta karei ma lomondra ndra-in nadah asahan solo-an labai udu bolo ndrine iri mwan ma badih. Ma aha katehei aha ka-au ka andri mara-ei ta akohok sahou nane Kindrei ndratahiy udu bolo ndrine aha. Sahou le doh badeh, winiyan andrei malawi aha mara-ei eme hamon ja.

1 Pita 1:12

Arile, Kindrei leheyani iri propet, ta sahou oro asehek na boho oro, idoh winiyan basahan na len iri ado kon munyak dah, ma lakou nane doh kameh aseben iri bwe. Iy tiye toro ta saba lakou kameh asahan na bolo len hamon tiri mwan ma badih basahan kon munyak bwe le. Iri propet badeh, asehek sahou ta nyala iri lakou kameh asahan nadah, aha ndranuhun sahou mwasin badu boho iri lau mene ndrame ndrasehek taha ta aliy. Malawin Ndrabun ta Kindrei badeh, udu kandrah eme andri kon munyak, ma i la-u iri lau tan, ma iri ame atiye sahou mwasin doh kewek taha. Iri angelo badu kandrah ale, aso-ok labai ta akohok tanan ta kati sahou mwasin ta Krais.