Hiburu 3:1 - Nyindrou

¹ Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Hiburu 3:1 Iomraidhean Croise

2 Timoti 1:9

Kindrei luhi taha, ma iy andrei taha ndrame hamon, ma tondrohon taha asahan lau tan amwenen. Iy babudon ta kandriyen mwasin taha amekes, ma iy akohok taha ame hamon ma tondrohon taha asahan lau tan, bwe. Iy le amwenen abudon ta amekes lakou doh. Ndra bwena handru Kindrei babwidi munyak bwe le, iy abudon ta gok Jises anya kamekes, ma ta doh le iy badeh, tikisi taha, ma iy tondrohon taha ta asahan lau tan.

Pilipai 3:14

Winiya le jo barasos, ya Kindrei le kameh baradeu lakou doh barame tek, na len iy aloh taha ala hawe Krais Jises.

Hiburu 7:26

Jises doh, iy tinan tiri pris. Iy le ari winiyan sebenei taha. Iy ndrabun labai; iy ari budon ndra-in bwe; ma iy ndra nyikilikin labai ta mada Kindrei. Eme Kindrei atehei iy udu len labai ja tiri lau ta amekes iri kandriyen ndra-in. Ma iy andrei iy iu ili loken ili kandrah, ma atehei nyaran ndra tinan labai.

Epesus 4:1

Jo Pol, jo udu bolo asiu lulik, ta amekes gok ta Laban dah. Eme ma, jo batanau aha boto-on. Bwena mene, iri atiye sahou mwasin ewek taha, ma aha atehei budon handru in ta Jises. Eme ma, aha ka-en hamon ta kandriyen amwenen ta kohan handru.

1 Pita 2:9

Arile, Kindrei ndranyowonyani aha kabwe, ya aha ndrasahan pris handru ta kabin badu loken. Ma aha ndrasahan lau tan amwenen, ma iy ndramesekei aha ndrasahan ndrabun handru. Kindrei ndranyowonyani aha, ta aha kanyowonya ma kasehek kandriyen mwasin tan, iy mene ndramekes ndrawek taha, tasah iy ndraluhi aha ndrareu bolo lulik ndrame bolo kon tan, lomadan labai.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 10:21

Tinan labai tiri pris tataha udu aliy ta atondrok asiu ta Kindrei.

Epesus 4:4

Taha lau ta Kindrei i buku bada taha ari le, ma Malawin Ndrabun ari le udu aliy. Ma udu aliy ale lakou ari laba tinan taha marakon atondrok ta akohok udu kandrah. Lakou doh, Kindrei aloh taha ta akohok hawe iri mwan ma badih tan.

1 Tesalonaika 2:12

Aso badeh, anya kariu budon taha, ma kamekes ndrine aha kabadok, ma kasehek sahou boto-on kewek taha buku doh: Aha kadek kamwenen, ma ka-en hamon ta kandriyen Kindrei aso-ok aha kamekes, tasah iy amwenen winiyan luhi aha ala hawe iri lau tan are bolo lomada sun, ma aha kameh are bolo tondrok tan mwasin udu kandrah.

1 Korin 9:23

Jo amekes iri gok marakon doh ta aseben sahou mwasin ta Jises ili bolo kon mara-ei. Eme ma, jo hawe iri mwan ma badih rayah kameh winiyan akohok nyosowa sahou mwasin doh ale.

2 Timoti 2:7

Ou abudon kamwenen ta sahou jo asehek dah. Tasah, buku ou amekes i buku doh, Laban kameh bwidi budon tam mara-ei aleu, ma ou kameh atanam moso iri sahou marakon dah.

1 Timoti 6:12

ou badeh, abadok ta sakaliye ta budon handru. Ma ou anyolom ki bwena ta koham handru ta winiyan bamak bwe. Ma koham handru doh mene Kindrei ndratehei ndrawek tam; na len iy aloh ou ame len, asehek budon tam handru i ndranye lau mari anuhun.

La-ukei ta Pol atorou ili tiri lau badu kon Rom 15:8

Ya eme jo kasehek taha ta Krais mene eme asahan lohowan tiri Juwis. Iy amekes lahou doh ta leheya Kindrei badeh, tiye sahou handru ta tandrakan tan mene iy amekes i ta tubu iri mene ndra-au.

Hiburu 2:11

Taha tanan, Jises amekes iri lau mwan ma badih asahan lau ta Kindrei, ma iri lau nane iy ndrabwidi, iri a ndrabun. Iri marakon doh badeh, tama oro ari le, ma Jises eme aloh oro, nadu tinen, ma bwilin bama ta aloh oro bwe.

Tarou ta Jon 20:21

Jises tiye toro ja, “Mondrei kudu hawe ado. Buku le tama suni jo eme, ma jo suni ado ta ala bolo kon munyak.”

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

1 Timoti 6:2

Ya iri lohowan rayah tiri lau ta Kindrei badeh, sakohok budon anya, “Mwasin ai, ndramak ta Kindrei badeh, nadu tine to labai.” Ndri-iy, ado sakohok iri budon doh; budon doh badeh, bamwenen bwe. Arile, oro lohowan kakohok doh: “Bwe, ndramak ta lau ta Kindrei ta to doh badeh, ndramak ta Kindrei labai, eme ma to kaseken iy. Ma hawe to kamekes lahou boto-on ja ta aseben iy.”

2 Tesalonaika 2:14

Iy andrei sahou mwasin handru ta Krais, aso mene tiyaniy ndrawek taha, ma iy aruwi ndrine aha ili le tan. Eme ma, iy anya kedeu sun, ma iri lakou mwasin ta Laban tataha Jises Krais badu kandrah kewek taha.

2 Tesalonaika 1:11

Aso abudon ta lakou dah kameh asahan na len ta Krais eme munyak ja, eme ma len marakon aso amekes salom ili ta Kindrei tataha, ta iy kameh kaseben aha. Aso abudon aha ta len mene aha a-en hamon ta Kindrei, ma iy ariu aha ta sahou mwasin ta Krais. Eme ma, aso asalom ta iy amwenen kabwidi aha winiyan ta ala bolo kandriyen mene iy ndratandrakan aha ta amekes. Ma aso ale asolom i ta Kindrei, iy kedeu boto-on kewek taha, ma aha winiyan amekes iri kandriyen mwasin marakon aha anya kamekes. Handru, aha winiyan amekes iri gok marakon aha atehei budon handru in ta Krais, aha anya kamekes.

1 Tesalonaika 5:27

Jo asehek sahou boto-on ewek taha in ta nyara Laban Jises i buku doh: Aha kanyolom, ma kaloh la-ukei dah kili tiri lau ta Kindrei marakon badu Tesalonaika.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

Kolosi 1:22

Arile, Krais ndramak ndrala bada kei tondreh, na lakou doh badeh, Kindrei bwidi ndrine aha asahan mwasin labai hawen. Iy amekes buku doh ta atiye aha ame hawen, aha kameh winiyan asahan ndrabun ma ha-un, ma ari ndra-in winiya bado ta madan ja bwe.

Kolosi 1:12

ma adeu wurah i ta tama taha Kindrei. Iy kameh bwidi aha winiyan ta akohok iri lakou iy ndralowosaniy ta ewek taha udu kandrah. Ma aha kameh winiyan akohok lakou doh hawe iri mwan ma badih ta Kindrei are lomada sun tan.

2 Korin 1:7

Eme ma, ahi abudon aha kameh ales boto-on ta iri maha-an asahan. Tasah, ahi tanan aha bwese maha-an hawe ahi, ano kameh Kindrei amekes ndrine aha hawe ndrine ahi amunum.

La-ukei ta Pol atorou ili tiri lau badu kon Rom 15:27

Eme iri sekesek handru ta atukum lakou i saluwe sasah mene oro amekes i tiri. Budon i buku doh: Oro lau ta budon handru badu Juwis mene aseben iri lau ta budon handru badu leheleh ta sahou ta Kindrei ta nyala Krais. Ya eme iri lau ta budon handru badu leheleh kadeu saluwen ki hamon ki toro lau ta budon handru badu Juwis na lakou ta aseben bolo manyah toro.

La-ukei ta Pol atorou ili tiri lau badu kon Rom 11:17

Iri lau badu Isra-el badeh, i buku kei olip ateh udu bolo bilin. Kindrei eme tubwani andran rayah ma akahei iu. Ya, aha lau badu leheleh badeh, i buku andra kei olip ateh laleyah udu bolo lokei. Eme aha andra olip saniy badu bolo lokei doh badeh, Kindrei andrei aha ala ya tabahani aha ahas ala bada ndro-o andra olip rayah nane udu bolo bilin. Ma eme gwa edek bolo kandron eme ma nyohonei bakatabadah dah akuk ma andra iri basara bwe, uru asahan ari buruwen.

La-ukei ta Pol atorou ili tiri lau badu kon Rom 9:24

Ma taha dah ale, taha lau mene iy aloh taha a buku kun ta akohok tikisiy tan. Taha rayah badu bolo iri Juwis ma rayah badu bolo iri lau badu leheleh.

Tarou ta Jon 20:27

Ano iy tiye ta Tomas, “Ya, ou ame atehei minem keme dah, ma madam kanyolom bolo minek ma la-uh, ou suri ou ame atehei minem keme kabedek. Budon tam sala la-uh. Budon tam keme le tek.”

Rebelesen 18:20

Aha lau marakon badu kandrah, hawe iri mwan ma badih ta Kindrei, ma iri aposel hawe iri propet, aha marakon badeh, kasekesek ta lakou nane asahan ta kon tinan doh. Tasah, Kindrei badeh, ndralebelei bundruwe iri lakou tan ndrala. Ma ta kandriyen tan doh, iy edeu bundruwe kandriyen ndra-in mene kon tinan nane doh amekes ewek taha.’ ”

Rebelesen 17:14

Oro kameh amekes bahun hawe Nadu Sipsip ta Kindrei. Arile, Nadu Sipsip ta Kindrei kameh kimidi iri mara-ei ano. Iy badeh, Laban tiri Laban ma kabin tiri kabin mara-ei. Ma iri mwan ma badih are hawen, iri lau doh badeh, iri mene anuhun sahou mwasin, ma iri lau iy mene edeu kalem i tiri, ma iri a-en hamon ta sahou tan, iri mwan ma badih marakon doh, hawe Nadu Sipsip ta Kindrei kameh adai iri lau marakon nane amekes bahun hawen ano mara-ei.”

1 Jon 1:3

Eme ma aso asehek ewek taha, ta lakou mari aso ndranyolom, ma ndranuhun, ma aha kameh winiyan atudun Kindrei hawe ahi, ma tukum tataha kameh udu hawe tama taha Kindrei uru nadun Jises Krais.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

1 Pita 5:1

Sahou tek dah badeh, ewek taha lau an bwena tiri lau ta Kindrei. Jo ale badeh, lau ta in bwena ta lau ta Kindrei ale. Ya, na madak amwenen jo atou Krais bwese-ei maha-an tinan labai. Taha mari kameh akohok lakou lomadan mwasin labai, Kindrei kameh edeu eme tataha, na len Krais kameh eme hamon ja. Eme ma, jo anya kasehek sahou boto-on kewek taha lau an bwena tiri lau ta Kindrei buku doh:

1 Pita 3:5

Iri badih handru bwena badeh, iri atehei budon tiri i ta Kindrei. Eme ma iri anyasou iri, ma kone iri asahan mwasin, na kandriyen mwasin nane doh. Ma tekedek tiri badeh, udu mwasin bahandra udu iri, ma iri alelek udu iri handru.

Hiburu 9:11

Arile Krais ndrame ndrasahan tinan tiri pris ta iri lakou mwasin nane ndrame tataha. Iy ili bolo asiu balei handru ta Kindrei udu kandrah. Asiu balei doh ja, mwasin labai ta asiu balei tiri mwena. Asiu balei badu kandrah nane doh, iri lau bamekes na mine iri bwe, tasah iy badu kon munyak dah bwe.

Hiburu 6:20

Ta akohok kon tataha, Jises ndrala mwena tataha ndrala bolo asiu ndrok doh. Eme ma iy ndrasahan tinan tiri pris ta udu le buku doh, in hamon ta gok ta pris ari mene nyaran Melkisedek.

Epesus 3:6

Ma sahou i buku doh: Na le sahou mwasin, aha mwan ma badih badu leheleh winiyan asahan rabuk le, ma aha a le se hawe ahi lau badu Isra-el. Eme ma taha marakon kameh winiyan akohok iri lakou Kindrei ndratandrakan ta edeu eme tataha mwan ma badih ahis hawe Jises Krais.

1 Korin 10:17

Handru, jabi ramen badeh, ari le. Eme ma, taha solo-an ahis badan ari le. Tasah, taha marakon badeh, aimon jabi ramen ari le doh.

Tarou ta Jon 17:3

Kohan handru udu luluwen kameh udu le buku doh. Moson ta aliy i buku doh: Oro katanan ou, ou le ari Kindrei handru, ma oro katanan Jises Krais, iy nane, ou suni iy eme.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

2 Korin 9:13

Gok aha amekes dah ta aseben iri lau mwan ma badih ta Kindrei, kameh leheya i buku doh: Aha badeh, aso-ok labai ta aseben iri lau rayah ja. Eme ma, iri kameh atudun nyara Kindrei. Tasah, iri kameh atanan aha badeh, a-en hamon le ta sahou ta Kindrei, ma atiye sahou mwasin ta Krais. Ma ale, udu bolo iri lau ta Kindrei badu Judiya akohok ndramas dah, ma iri kameh winiya atanan aha anya kadeu luk ta aseben iri rayah ale. Iri kameh atudun nyara Kindrei iu ili loken mara-ei.

Hiburu 3:12

Aha nadu tine, aha katondrok aha kamwenen, kora-on nadu tine taha ari udu ndrokowa taha, budon ndra-in udu ndrinen, ma iy kamani budon tan mwasin, ma iy katubuni konan kili ta Kindrei, iy le ari kohan handru.

Hiburu 7:28

Kandriyen malen ta Moses ta akohok ndramak asahan tinan tiri pris, iri akohok ndramak nyamun bwe, ma iy ta amekes kandriyen ndra-in. Arile sahou ma tandrakan ta Kindrei badeh, asahan hamon labai ta kandriyen malen ta Moses. Eme ma sahou nane doh, atehei nadun asahan tinan tiri pris handru. Iri gok mari Kindrei aso-ok iy kamekes, iy bwidi marakon ndrano, ma ndra mwasin le ai.

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Hiburu 10:19

Ado nadu tine, ndraye Jises le badeh, ndrasikinei iri kandriyen ndra-in tataha ndrano ndra-au, eme ma taha sanoh ta ala bolo asiu ndrok ndrabun, ndrabun labai ta Kindrei.

Hiburu 10:23

Taha ndrasehek iri budon tataha ndrame len, eme ma taha atondrok iri lakou mwasin nane Kindrei anya kedeu keme tataha. Taha katawi kihis iri lakou doh, ma taha sanoh ta aliy. Tasah, taha ndratanan, lakou marakon Kindrei ndratandrakan ta amekes o edeu, idah kameh, iy bwidiy handru.

Hiburu 13:22

Aha nadu kawas tek. Jo aso-ok aha kanuhun kamwenen ta iri sahou jo ndratorowenei ndrawek taha ta amekes budon taha kabadok. Tasah la-ukei nane jo atorou ndrawek taha se lawe-en bwe.